ଧୀରେ ଧୀରେ ସୁଧୁରୁଛି ଶ୍ରୀଜିତଙ୍କ ମାନସିକ ଅବସ୍ଥା । ବଡ଼ଦାଣ୍ଡରୁ ବଡ଼ମେଡ଼ିକାଲକୁ ବଦଳିଗଲା ଠିକଣା । ବନ୍ଧୁଙ୍କ ବଦାନ୍ୟତା ପରେ ମାନସିକ ବିକାରଗ୍ରସ୍ତରୁ ସ୍ୱାଭାବିକ ହେଉଛନ୍ତି ଶ୍ରୀଜିତ
କନକ ବ୍ୟୁରୋ: ବଡ଼ଦାଣ୍ଡରୁ ବଡ଼ମେଡ଼ିକାଲ । ଗତକିଛି ଦିନ ତଳେ ମାନସିକ ବିକାରଗ୍ରସ୍ତ ଶ୍ରୀଜିତ ପାଢ଼ୀଙ୍କୁ ଭଲ କରିବା ପାଇଁ ବଦାନ୍ୟ ବନ୍ଧୁମାନେ କଟକ ବଡ଼ ମେଡ଼ିକାଲକୁ ନେଇ ଆସିଥିଲେ । ଆଉ କିଛି ଦିନର ଚିକିତ୍ସା ପରେ ଏବେ ସାଙ୍ଗମାନଙ୍କୁ ଚିହ୍ନୁଛନ୍ତି ଶ୍ରୀଜିତ ପାଢ଼ି । ଫଟୋ ଉଠାଉଛନ୍ତି ହସ ଖୁସି ହେଉଛନ୍ତି ଏକାଠି ଚା ମଧ୍ୟ ପିଉଛନ୍ତି । କିଛି ଏଭଳି ସ୍ୱାସ୍ଥ୍ୟବସ୍ଥା ସୁଧୁରିବାର ଚିତ୍ର ଏବେ ଶ୍ରୀଜିତ ପାଢିଙ୍କ କ୍ଷେତ୍ରରେ ଦେଖିବାକୁ ମିଳୁଛି ।
Kanak News is now on WhatsApp
Join and get latest news updates delivered to you via WhatsApp
ପୁରୀରେ ମାନସିକ ବିକାରଗ୍ରସ୍ତ ଭାବେ ବୁଲୁଥିବା ଘଟଣା କନକ ନ୍ୟୁଜରେ ଦେଖିବା ପରେ ଶ୍ରୀଜିତଙ୍କ ସାଙ୍ଗମାନେ ତାଙ୍କୁ ଉଦ୍ଧାର କରି ଏସିସିବି ଆଣିଥିଲେ । ଏହାରି ଭିତରେ ୭ ଦିନ ବିତିଲାଣି ଆଉ ଶ୍ରୀଜିତଙ୍କ ସ୍ୱାସ୍ଥ୍ୟବସ୍ଥା ସୁଧୁରିବାର ଦେଖି ତାଙ୍କ ସାଙ୍ଗମାନେ ଏବେ ବେଶ ଖୁସି । ଆଜି କଟକ ଏସସିବି ମେଡିକାଲକୁ ଆସିଥିବା ଶ୍ରୀଜିତଙ୍କ ସାଙ୍ଗମାନେ ତାଙ୍କୁ ଏସିସିବି ରେ ଭେଟି ତାଙ୍କ ସହ କିଛି ସମୟ ଗପସପ କରିଥିଲେ।
ସେପଟେ ଶ୍ରୀଜିତଙ୍କ ସାଙ୍ଗ କାଳିଶଙ୍କରଙ୍କ କହିବା କଥା ଆମ ସାଙ୍ଗ ଦାଇତ୍ୱ ଆମର । ତାର ଚିକିତ୍ସା ଠାରୁ ଆରମ୍ଭ କରି ଭଲମନ୍ଦ ବୁଝିବା ପାଇଁ ଆମେ ସାଙ୍ଗମାନେ ହ୍ଵାଟ୍ସଆପ ଗ୍ରୁପ କରିଛୁ । ସେଥିରେ କିଏ କିଏ ତା ପାଇଁ କଣ ସାହାଯ୍ୟ କରିପାରିବ କିଏ ତାଙ୍କୁ କେଉଁଦିନ ଦେଖିବାକୁ ମେଡିକାଲ ଯିବ ସେ ସବୁ ସ୍ଥିର। ଶ୍ରୀଜିତ ମେଡିକାଲ ଆସିବା ପରେ ଆମ ପୁରୁଣା ସାଙ୍ଗମାନଙ୍କ ମଧ୍ୟରେ ଯୋଗାଯୋଗ ଆହୁରି ବଢିଛି ।