ଧାରା ୩୭୦ ଉଚ୍ଛେଦ ନେଇ ପାକିସ୍ତାନ ଏକଘରିକିଆ: ପାକ୍ ବୈଦେଶିକ ମନ୍ତ୍ରୀ ମାନିଲେ, ଦୁନିଆର କୌଣସି ଦେଶ ଦେଉନାହାନ୍ତି ସମର୍ଥନ
ସେପଟେ ଆଜି ସୁପ୍ରିମକୋର୍ଟରେ ଶୁଣାଣି; କଟକଣା ନେଇ ଦାୟର ହୋଇଛି ପିଟିସନ
କନକ ବ୍ୟୁରୋ: ଜାମ୍ମୁକଶ୍ମୀରରୁ ଧାର ୩୭୦ ଉଚ୍ଛେଦ ପରେ ଭାରତ-ପାକିସ୍ତାନ ମଧ୍ୟରେ ଲାଗି ରହିଥିବା ତିକ୍ତତା ଚରମ ସୀମା ଛୁଇଁଛି । ଏବେ ଲଦାଖ ସୀମାର ବିପରୀତ ପାଶ୍ୱର୍ରେ ପାକିସ୍ତାନ ସୈନ୍ୟ ଠୁଳ କରୁଥିବା ଗୁଇନ୍ଦା ସୂଚନା ମିଳିଛି । ଲଦାଖ ନିକଟରେ ପାକିସ୍ତାନ ବାୟୁସେନା ଯୁଦ୍ଧ ବିମାନ ମୁତୟନ କରିଥିବା ଖବର ମିଳିଛି । ତେଣୁ ଲଦାଖ ସୀମା ଉପରେ ଭାରତୀୟ ସେନା ତୀକ୍ଷଣ ନଜର ରଖିବା ସହ ପାକିସ୍ତାନ ସୈନ୍ୟଙ୍କ ଗତିବିଧୀ ଉପରେ ଅନୁଧ୍ୟାନ କରୁଛି । ଗତ ଶନିବାର ପାକିସ୍ତାନ ବାୟୁସେନାର ୩ଟି ସି-୧୩୦ ପରିବହନ ବିମାନ ଜରିଆରେ ପାକିସ୍ତାନର ସ୍କ୍ୱାର୍ଡୁ ବାୟୁସେନା ଘାଟିକୁ ବିଭିନ୍ନ ଉପକରଣ ନିଆଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସ୍କ୍ୱାର୍ଡ ବାୟୁସେନା ଘାଟି ଠିକ କେନ୍ଦ୍ର ଶାସିତ ଅଂଚଳ ଲଦାଖର ବିପରୀତ ପାଶ୍ୱର୍ରେ ଥିବାରୁ କଡା ନଜର ରଖିଛନ୍ତି ଭାରତୀୟ ଗୁଇନ୍ଦା ସଂସ୍ଥା ସହ ସ୍ଥଳସେନା ଓ ବାୟୁସେନା । ପାକିସ୍ତାନ ବିମାନ ଘାଟିକୁ ଉପକରଣ ସହ ଯୁଦ୍ଧ ବିମାନ ପଠାଇଛି, ଯାହା ଅପରେସନରେ ସାହାଯ୍ୟ କରିପାରେ ବୋଲି ସନ୍ଦେହ କରିଛି ଭାରତୀୟ ଗୁଇନ୍ଦା ସଂସ୍ଥା । ଅନେକ ବର୍ଷ ଧରି ପାକିସ୍ତାନ ସି-୧୩୦ ପରିବହନ ବିମାନ ବ୍ୟବହାର କରିଆସୁଛି । ହେଲେ ବର୍ତ୍ତମାନ ପରିପ୍ରେକ୍ଷୀରେ ଲଦାଖ ସୀମାରେ ପରିବହନ ବିମାନ ଜରିଆରେ ଉପକରଣ ପଠାଇବା ସନ୍ଦେହ ଘେରକୁ ଆସିଛି । ତେଣୁ ପାକିସ୍ତାନ ବଡ ଧରଣର ଅପରେସନ ପାଇଁ ପ୍ରସ୍ତୁତ ହେଉଥିବା ସନ୍ଦେହ କରି ଭାରତୀୟ ସେନା ଅଲର୍ଟରେ ରହିଛି ।
ଅନ୍ୟପଟେ, ଆଜି ଜମ୍ମୁକଶ୍ମୀରରୁ ଧାରା ୩୭୦ ଉଚ୍ଛେଦକୁ ବିରୋଧ କରି ସୁପ୍ରିମକୋର୍ଟରେ ହୋଇଥିବା ସବୁ ମାମଲାର ଶୁଣାଣି ହେବ । ଧାରା ୩୭୦ ଉଚ୍ଛେଦ ନେଇ ଜମ୍ମୁକାଶ୍ମୀରରେ ସରକାର ଜାରି କରିଥିବା କଟକଣା ବିରୋଧରେ ସୁପ୍ରିମକୋର୍ଟରେ ପିଟିସନ ଦାୟର ହୋଇଛି । ସାମାଜିକ କର୍ମୀ ତେହେସିନ ପୁନାୱାଲାଙ୍କ ଆବେଦନର ଶୁଣାଣି ଜଷ୍ଟିସ ଅରୁଣ ମିଶ୍ର, ଜଷ୍ଟିସ ଏମଆର ଶାହା ଓ ଜଷ୍ଟିସ ଅଜୟ ରୋସ୍ତଗୀଙ୍କ ଖଣ୍ଡପୀଠ କରିବେ । ସେହିପରି କଶ୍ମୀରର ଏକ ଦୈନିକ ଖବର କାଗଜର ସଂପାଦିକା ଅନୁରାଧା ଭସିନଙ୍କ ଦ୍ୱାରା ହୋଇଥିବା ଆବେଦନର ଶୁଣାଣି ମଧ୍ୟ ଆଜି ହେବ ବୋଲି ସୂଚନା ମିଳିଛି ।