ଆଧାର କାର୍ଡ଼ ନଥିବାରୁ ନିସ୍ତୁକ ମାଡ଼ ଖାଇଲେ ଛାତ୍ର ! ସିସିଟିଭିରୁ ଜଣାପଡ଼ିଲା ସତ୍ୟତା
ଆଧାର କାର୍ଡ଼ ନଥିବାରୁ ନିସ୍ତୁକ ମାଡ଼ ଖାଇଲେ ଛାତ୍ର । ମୁମ୍ବାଇର ଏକ ଘରୋଇ ସ୍କୁଲରେ ଘଟିଛି ଏପରି ଏକ ଅଭାବନୀୟ ଘଟଣା । ସୂଚନା ଅନୁସାରେ ଆଧାର କାର୍ଡ଼ ନଥିବାରୁ ୧୬ ବର୍ଷିଅ ଛାତ୍ରଙ୍କୁ ନିସ୍ତୁକ ମାଡ଼ ମାରି ଜେଲ ଗଲେ ଶିକ୍ଷକ । ଛାତ୍ରଙ୍କର ଏକମାତ୍ର ଭୁଲ ଥିଲା ଯେ ତାଙ୍କ ପାଖରେ ଆଧାରକାର୍ଡ ନଥିଲା । ଏହି ମାମଲାରେ ଅଭିଭାବକ ଥାନାରେ ଅଭିଯୋଗ ଆଣିବା ପରେ ଘଟଣା ଲୋକଲୋଚନକୁ ଆସିଛି । ଆହତ ଛାତ୍ରଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇ ଥିଲା ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମ ରିପୋର୍ଟ ଅନୁସାରେ ଘାଟକୋପ ଅଞ୍ଚଳର ଅକ୍ସଫୋର୍ଡ ଇଂରାଜୀ ହାଇସ୍କୁଲରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି । ଅଭିଯୁକ୍ତ ଶିକ୍ଷକର ନାମ ହେଲା ଶ୍ୟାମ ବାହାଦୁର ବିଶ୍ୱକର୍ମା । ୧୬ ବର୍ଷିୟ ଛାତ୍ର ସୁହେଲ ଅନସାରୀଙ୍କ ମୁଣ୍ଡକୁ ଜୋରରେ ପ୍ରହାର କରିଥିଲେ ଶିକ୍ଷକ । ସୁହେଲର ମୁଣ୍ଡରେ ପୂର୍ବରୁ ମଧ୍ୟ ଆଘାତ ଲାଗିଥିଲା । ତେବେ ଶିକ୍ଷକ ମାଡ଼ରେ ସେ ଗୁରୁତର ହୋଇପଡ଼ିଥିଲେ । ସୁହେଲଙ୍କୁ ଗୁରୁତର ଅବସ୍ଥାରେ ସାଇନ ହସ୍ପିଟାଲରେ ଭର୍ତ୍ତି କରାଯାଇଛି ।
ବର୍ତ୍ତମାନ ସୁହେଲଙ୍କ ସ୍ଥିତି ସ୍ୱାଭାବିକ ଥିବା ଜଣାପଡ଼ିଛି । ପୁରା ମାମଲାକୁ ଶୁଣିବା ପରେ ପିଲାର ଅଭିଭାବକ ସ୍କୁଲ ପହଞ୍ଚି କର୍ତ୍ତୃପକ୍ଷଙ୍କୁ ଜଣାଇଥିଲେ । କିନ୍ତୁ ଘଟଣା ସହିତ ଜଡ଼ିତ ଶିକ୍ଷକ ପ୍ରଥମେ ନିଜର ଦୋଷ ସ୍ୱିକାର କରି ନଥିଲା । ପରେ ସିସିଟିଭି ଫୁଟେଜ ଦ୍ୱାରା ସମସ୍ତ ଘଟଣା ଜଣାପଡ଼ିଥିଲା । ଭିଡ଼ିଓରୁ ଜଣାପଡ଼ିଥିଲା ଯେ ଅଭିଯୁକ୍ତ ଶିକ୍ଷକ ଲୁହା ଛଡ଼ରେ ସୁହେଲଙ୍କୁ ପିଟିଥିଲେ । ଅଭିଭାବକଙ୍କ ଅଭିଯୋଗକୁ ଆଧାର କରି ଘାଟକୋପର ପୁଲିସ ଶିକ୍ଷକଙ୍କ ବିରୋଧରେ ମାମଲା ରୁଜୁ କରିଥିବା ବେଳେ, ଶ୍ୟାମ ବାହାଦୁରକୁ ଗିରଫ କରିଛି । ଅନ୍ୟପକ୍ଷରେ ଏହି ମାମଲାକୁ ଗମ୍ଭୀର ରୂପେ ଦେଖିବାକୁ ଯାଇ ବିଦ୍ୟାଳୟ କର୍ତ୍ତୃପକ୍ଷ ଶିକ୍ଷକକୁ ବାହାର କରିବା ପାଇଁ ନିଷ୍ପତ୍ତି ନେଇଛି ।