ପାକିସ୍ତାନ ଉପରେ ଭାରତର ଏୟାର ଷ୍ଟ୍ରାଇକ ପରେ ସୋସିଆଲ୍ ମିଡିଆରେ ଭାଇରାଲ୍ ହେଉଛି ଏଭଳି ଫଟୋ ! ଜାଣନ୍ତୁ କେତେ ସତ ରହିଛି ଏହି ଫଟୋରେ ।
ଭାରତ ତରଫରୁ ପାକିିସ୍ତାନରେ ହୋଇଥିବା ଏୟାର ଷ୍ଟ୍ରାଇକରେ ବିଭିନ୍ନ ଫେସବୁକ୍ ଗ୍ରୁପ୍ ରେ କିଛି ଫଟୋ ସେୟାର୍ କରାଯାଉଛି । ଏହି ସବୁ ଫଟୋରେ କୁହାଯାଉଛି ଯେ ଭାରତୀୟ ଏୟାର ଷ୍ଟ୍ରାଇକରେ ବହୁତ କ୍ଷତି ହୋଇଛି । ଏହି ଫଟୋଗୁଡିକ ଦେଖିଲେ ଏଭଳି ଲାଗୁଛି ଯେଭଳି କୌଣସି ଅଟ୍ଟାଳିକା ଭୁଷୁଡି ପଡିଛି । କିନ୍ତୁ ଏହି ଫଟୋଗୁଡିକ ଭିତରେ କେତେ ସତ ରହିଛି ଆସନ୍ତୁ ଜାଣିବା । ଏହି ଫଟୋ ପାକ୍ ଅଧିକୃତ କାଶ୍ମୀରର । ୨୦୦୫ ମସିହାର ଏହି ଫଟୋ ସେତେବେଳର ଯେତେବେଳେ ପିଓକେରେ ଭୂମିକମ୍ପ ଆସିଥିଲା ଏବଂ ଏଥିରେ ୭୫,୦୦୦ ଲୋକ ମୃତ୍ୟୁବରଣ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏଭଳି ଆଉ ଏକ ଫଟୋରେ କିଛି ଶବ ରଖାଯାଇଛି ଏବଂ ଏହି ଫଟୋ ପାଖରେ ମହିଳାମାନେ ବସି କାନ୍ଦୁଥିବାର ଦୃଶ୍ୟ ମଧ୍ୟ ରହିଛି । ଫଟୋଟି ଭାବାତ୍ମକ ଆବେଗକୁ କ୍ଷତି ପହଂଚାଉଥିବାରୁ ଆମେ ଆପଣଙ୍କୁ ଫଟୋଟି ଦେଖାଇପାରୁନାହୁଁ । ଏହି ଫଟୋଟି ମଧ୍ୟ ବାଲାକୋଟ୍ ଆକ୍ରମଣର ନୁହେଁ । ଏହା ବି ସେହି ଭୂମିକମ୍ପ ବେଳର ଫଟୋ । ଆପଣଙ୍କୁ କହିରଖୁଛୁ ଫେବୃୟାରୀ ୧୪ ତାରିଖରେ ପୁଲୱାମାଠାରେ ସିଆରପିଏଫ୍ ଯବାନଙ୍କ ଗାଡି ଉପରକୁ ହୋଇଥିବା ଆକ୍ରମଣରେ ଭାରତର ୪୦ ରୁ ଅଧିକ ଯବାନ ସହିଦ୍ ହୋଇଯାଇଥିଲେ । ଯାହାର ପ୍ରତି ଜବାବରେ ପାକ୍ ଅଧିକୃତ ବାଲାକୋଟ୍ ଠାରେ ଭାରତ ତରଫରୁ ଏୟାର ଷ୍ଟ୍ରାଇକ୍ କରାଯାଇଥିଲା । କିନ୍ତୁ ସୋସିଆଲ୍ ମିଡିଆରେ ଭାଇରାଲ୍ ହେଉଥିବା ଫଟୋକୁ ଦେଖି ଏହା ଉପରେ ବିଶ୍ୱାସ କରିବା ଆଦୌ ଠିକ୍ ନୁହେଁ । ତେଣୁ ଏହି ଫଟୋକୁ ସେୟାର୍ କରିବାରୁ ବଂଚନ୍ତୁ ।