କନକ ବ୍ୟୁରୋ : ଦିଲ୍ଲୀ ପୋଲିସ ସୁରକ୍ଷାବଳ ସହାୟତାରେ ଶୁକ୍ରବାର ଦିନ ବିଦେଶ ମନ୍ତ୍ରଣାଳୟର କାର୍ଯ୍ୟରତ ଜଣେ ଡ୍ରାଇଭରକୁ ଗିରଫ କରାଯାଇଛି । ଡ୍ରାଇଭର ଜଣଙ୍କ ଦେଶର ସୁରକ୍ଷାକୁ ନେଇ ଗୋପନୀୟ ସୂଚନା ପାକିସ୍ତାନକୁ ଦେଇଥିବା ଅଭିଯୋଗରେ ଗିରଫ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂତ୍ର ସୂଚନା ମୁତାବକ ପାକିସ୍ତାନର ଆତଙ୍କୀ ସଂଗଠନ ଆଇଏସଆଇ ତରଫରୁ ଏହି ଡ୍ରାଇଭର ଜଣଙ୍କୁ ହନିଟ୍ରାପରେ ଫସାଇ ଦେଇଥିଲା । ପୋଲିସ ଓ ଗୋଇନ୍ଦା ସଂସ୍ଥା ପକ୍ଷରୁ ଏବେ ଏହି ମାମଲାରେ ଅନ୍ୟ କୌଣସି କର୍ମଚାରୀଙ୍କର ସଂପୃକ୍ତି ଅଛି କି ନାହିଁ ତାହା ଉପରେ ଯାଂଚ ଚଳାଇଛନ୍ତି ।
ଉଚ୍ଚ ପଦରେ ଥିବା ଅଧିକାରୀମାନେ ଅନେକ ସମୟରେ ହନିଟ୍ରାପରେ ପଡୁଥିବା ଦେଖାଦେଇଥିଲା । ହେଲେ ପ୍ରଥମ ଥର ଜଣେ ଡ୍ରାଇଭର ପାହ୍ୟାର ଅଧିକାରୀ ଏଭଳି ହନିଟ୍ରାପରେ ପଡିଥିବା କଥା କୁହାଯାଉଛି । ଏପଟେ ଗିରଫ ହୋଇଥିବା ଡ୍ରାଇଭର ନିକଟରୁ କିଛି ମହିଳାଙ୍କର ଫଟୋ ଓ ଭିଡିଓ ମିଳିଛି । ଏନେଇ ବିଦେଶ ମନ୍ତ୍ରଣାଳୟ ତରଫରୁ କୌଣସି ବୟାନ ଜାରି କରାଯାଇ ନାହିଁ ।
Driver working in MEA arrested for passing confidential information to Pakistan, was honey-trapped
Read @ANI Story | https://t.co/EDHGm2jfTQ#MEA #Pakistan #driver #honeytrapped #ISI pic.twitter.com/qIrKgvyGAo
— ANI Digital (@ani_digital) November 18, 2022
ଏହା ପୂର୍ବରୁ ଅଗଷ୍ଟ ମାସରେ ବି ଜଣେ ୪୬ ବର୍ଷିୟ ବ୍ୟକ୍ତି ପାକିସ୍ତାନ ପାଇଁ ଗୋଇନ୍ଦାଗିରି କରୁଥିବା ଅଭିଯୋଗରୁ ରାଜସ୍ଥାନ ପୋଲିସ ଦିଲ୍ଲୀରୁ ଗିରଫ ହୋଇଥିଲେ । ଏହି ବ୍ୟକ୍ତି ଜଣଙ୍କୁ ୨୦୧୬ ମସିହାରେ ଭାରତର ନାଗରିକତା ମିଳିଥିଲା । ଏହି ଅଭିଯୁକ୍ତ ଜଣଙ୍କର ନାମ ଭାଗଚାନ୍ଦ ବୋଲି କୁହାଯାଇଥିଲା । ସେ ପାକିସ୍ତାନରେ ଜନ୍ମ ହୋଇଥିଲେ ବି ୧୯୯୮ ମସିହାରେ ନିଜ ପରିବାର ସହ ଭାରତ ପଳାଇ ଆସିଥିଲା । ସେ ଦିଲ୍ଲୀରେ ଜଣେ କାର ଚାଳକ ଭାବେ କାମ କରୁଥିଲା । ହେଲେ ପାକିସ୍ତାନରେ ଥିବା ନିଜ ପରିଜନଙ୍କ ସହାୟତାରେ ଆତଙ୍କବାଦୀଙ୍କ ସହ ସଂପର୍କ ରଖିଥିବା ଅଭିଯୋଗ ହୋଇଥିଲା ।