କନକ ବ୍ୟୁରୋ: ଡାକ୍ତରଙ୍କ ଘରେ ଭିଜିଲାନ୍ସ । କଟକ ବଡ ମେଡିକାଲ ହେମାଟୋଲୋଜି ବିଭାଗର ପ୍ରଫେସର ଡାକ୍ତର ରବିନ୍ଦ୍ର ଜେନାଙ୍କ ଘରେ ଛାପା ମାରିଛି ଭିଜିଲାନ୍ସ । କଟକର ସରକାରୀ ଘର ସମେତ ପୈତୃକ ବାସଭବନ ଓ ଅନ୍ୟ ୭ଟି ସ୍ଥାନରେ ରେଡ କରିଛନ୍ତି ଭିଜିଲାନ୍ସ ଅଧିକାରୀ । ଆୟବହିର୍ଭୁତ ସମ୍ପତି ଠୁଳ ଅଭିଯୋଗରେ କଟକ, କେନ୍ଦ୍ରପଡା ମହାକାଳପଡା ବିଜୟନଗର ଗାଁରେ ଡାକ୍ତର ପୈତୃକ ବାସଭବନ ସମେତ ଏକକାଳିନ ୭ଟି ସ୍ଥାନରେ ଚଢାଉ କରିଛି ଭିଜିଲାନ୍ସର ୭ଟି ଟିମ୍ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କଟକ ଶ୍ରୀରାମଚନ୍ଦ୍ର ଭଞ୍ଜ ମେଡିକାଲ କଲେଜର ହେମାଟୋଲୋଜି ବିଭାଗୀୟ ମୁଖ୍ୟ ତଥା ପ୍ରଫେସର ଡା. ରବୀନ୍ଦ୍ର ଜେନାଙ୍କ ଘରେ ଭିଜିଲାନ୍ସ ଚଢ଼ାଉ କରିଛି । ଭିଜିଲାନ୍ସର ୭ଟି ଟିମ୍ ଏକକାଳୀନ ଡା. ଜେନାଙ୍କ କଟକସ୍ଥିତ ସରକାରୀ ବାସଭବନ, ସିଡିଏ, ମହନଦୀ ବିହାର ଘର, ଫ୍ଲାଟ୍ ସହିତ ପୈତୃକ ଘର କେନ୍ଦ୍ରପଡ଼ା ଜିଲ୍ଲା ମହାକାଳପଡ଼ା ବ୍ଲକ ଅନ୍ତର୍ଗତ ବିଜୟନଗର ଘରେ ଚଢ଼ାଉ କରାଯାଇଛି ।
ଏତଦବ୍ୟତୀତ ମଙ୍ଗଳାବାଗ, ରାଣୀହାଟସ୍ଥିତ କ୍ଲିନିକଓ ମେଡିସିନ ହଲ , ଡାଇଗ୍ନୋଷ୍ଟିକ୍ ସେଣ୍ଟରରେ ମଧ୍ୟ ଚଢ଼ାଉ କରାଯାଉଛି । ଆୟ ବହିର୍ଭୂତ ସମ୍ପତ୍ତି ଠୁଳ କରିବା ଅଭିଯୋଗରେ ଏହି ଚଢ଼ାଉ କରାଯାଇଛି ।