ସୁରରେ ସୁରରେ ଶ୍ରଦ୍ଧାଞ୍ଜଳି : ଗୀତ ଗାଇ ବୀର ଭଗତ ସିଂହଙ୍କୁ ଶ୍ରଦ୍ଧାଞ୍ଜଳି ଦେଲେ ବଲିଉଡ୍ ଗାୟକ ଏବଂ ଗାୟିକା
୧୯୦୭ ମସିହା ସେପ୍ଟେମ୍ବର ୨୮ ତାରିଖରେ ଭାରତମାତାର କୋଳରେ ଜନ୍ମ ନେଇଥିବା ବୀରସୁପୁତ୍ର ଭଗତସିଂହଙ୍କୁ ଆଜିର ଦିନରେ ଫାଶୀ ଦିଆଯାଇଥିଲା । ଭଗତସିଂହଙ୍କ ସହ ତାଙ୍କର ଦୁଇ କ୍ରାନ୍ତିକାରୀ ସାଥି ରାଜଗୁରୁ ଏବଂ ଶୁଖଦେବଙ୍କୁ ମଧ୍ୟ ୧୯୩୧ ମସିହା ମାର୍ଚ୍ଚ ୨୩ ତାରିଖରେ ଫାଶୀ ଖୁଣ୍ଟରେ ଝୁଲାଇ ଦିଆଯାଇଥିଲା । ଏହି କ୍ରାନ୍ତିକାରୀଙ୍କ ବଳିଦାନକୁ ଆଜିର ଦିନରେ ସହିଦ ଦିବସ ରୂପେ ପାଳନ କରାଯାଏ ।
Kanak News is now on WhatsApp
Join and get latest news updates delivered to you via WhatsApp
ସହିଦ ଦିବସ ଅବସରରେ ବୀର ସ୍ୱାଧୀନତା ସଂଗ୍ରାମୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବା ନିମନ୍ତେ ଜି ମ୍ୟୁଜିକ କମ୍ପାନୀ ବଲିଉଡର ପ୍ରସିଦ୍ଧ ଗାୟକ ଏବଂ ଗାୟିକାଙ୍କୁ ନେଇ ସୁର ମାଧ୍ୟମରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ବୀର ଭଗତ ସିଂହ ଗୀତ ଗାଇ ଗାୟକମାନେ ସମସ୍ତଙ୍କୁ ମନ୍ତ୍ରମୁଗ୍ଧ କରି ଦେଇଛନ୍ତି । ଏହି ଗାୟକଙ୍କ ମଧ୍ୟରେ ସୋନୁ ନିଗମ,କୈଳାସ ଖେର,ମିକ୍କା ସିଂହ,ପଲକ ମୁଚ୍ଛଲ,ସାନ,ଅଙ୍କିତ ତିୱାରୀ,ସୋନୁ କକ୍କଡ ଏବଂ କବି ଡ.କୁମାର ବିଶ୍ୱାସ ରହିଛନ୍ତି ।