କୁଖ୍ୟାତ ସିରିୟଲ୍ କିଲର ସଦାଶିବ ! ଯିଏ କି ଶାନ୍ତିରେ ଶୋଇବା ପାଇଁ ଅନେକ ଲୋକଙ୍କୁ ଅତି ନିର୍ମମ ଭାବେ କରୁଥିଲା ହତ୍ୟା
ମାନବୀୟ ଇତିହାସରେ ସିରିୟଲ କିଲିଂ ଭଳି ଘଟଣାମାନ ଖୁବ୍ ପୁରୁଣା । ଆଉ ଏହି ତାଲିକାରେ ସାମିଲ ରହିଛି କୁଖ୍ୟାତ ସିରିୟଲ କିଲର ଠଗ ବହରାମଠାରୁ ଆରମ୍ଭ କରି ନିଠାରୀର ସୁରେନ୍ଦ୍ର କୋଲିର ନାଁ । ତେବେ ଏମାନଙ୍କ ମଧ୍ୟରେ ଅନ୍ୟ ଜଣେ କୁଖ୍ୟାତି ଅପରାଧୀର ନାଁ ମଧ୍ୟ ସାମିଲ ରହିଛି, ଯିଏ କି ଗୋଟିଏ କି ଦୁଇଟି ନୁହଁ ବରଂ ୨୨ଜଣ ଲୋକଙ୍କୁ ଅତି ନିର୍ମମ ଭାବେ ହତ୍ୟା କରିଥିଲା । ସବୁଠାରୁ ବଡ କଥା ହେଲା କି ଏହି ସବୁ ହତ୍ୟା ପଛରେ ଲୁଚି ରହିଥିଲା ଏକ ବହୁତ ବଡ ଅନ୍ଧ ବିଶ୍ୱାସ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ୟୁପିର ଫୁରସତଗଂଜର ବାସିନ୍ଦା ତଥା କୁଖ୍ୟାତ ସିରିୟଲ କିଲର ସଦଶିବ ସାହୁର ଜନ୍ମ ୧୯୪୭ରେ ହୋଇଥିଲା । ଯେତେବେଳେ ଭାରତଙ୍କୁ ସ୍ୱାଧିନତା ମିଳିଥିଲା । ସଦାଶିବ ସାହୁକୁ ୫୭ ବର୍ଷ ବୟସରେ ୨୦୦୪ରେ ପୋଲିସ ଗିରଫ କରିଥିଲା ଆଉ ଏହି ସମୟରେ ହିଁ ସେ ନିଜର ଦୋଷ ସ୍ୱୀକାର କରିଥିଲା ଏବଂ କହିଥିଲା କି, ସେ ନିଜ ହାତରେ ୨୨ଜଣଙ୍କୁ ହତ୍ୟା କରିଛି ।
ଏହି ସମସ୍ତ ହତ୍ୟାକାଣ୍ଡ ସଦାଶିବ ୨୦୦୦ରୁ ୨୦୦୪ ମଧ୍ୟରେ କରିଥିଲା । ସଦାଶିବ କମ୍ ବୟସର ଲୋକଙ୍କୁ ଶିକାର କରୁଥିଲା । ସଦାଶିବ କହିଥିଲା କି, ‘ମୋତେ ସବୁବେଳେ ଏକ ଅଲୌକିକ ଶକ୍ତି ଲୋକମାନଙ୍କୁ ହତ୍ୟା କରିବାକୁ ଉସକାଉଥିଲା ଏବଂ ଏଭଳି କରିବା ଦ୍ୱାରା ମୋତେ ଏକ ଅଦଭୁତ ଶକ୍ତି ମିଳୁଥିଲା । ଲୋକଙ୍କୁ ମାରିବା ପରେ ମୁଁ ଆରାମରେ ଘରକୁ ଆସୁଥିଲି ଆଉ ଶାନ୍ତିରେ ଶୋଇପଡୁଥିଲି’ । ତେବେ ପଡୋଶୀଙ୍କ ସୂଚନା ଅନୁସାରେ, ସିରିୟଲ କିଲର ସଦାଶିବ ସାହୁ ଲୋକଙ୍କ ସହିତ ଖୁବ୍ କମ କଥାବାର୍ତ୍ତା କରୁଥିଲା ଏବଂ ଖାଲି ସମୟରେ ସେ ଅନେକଗୁଡିକ ଧାର୍ମିକ ବହିକୁ ଅତ୍ୟନ୍ତ ଧ୍ୟାନର ସହ ପଢୁଥିଲା ।
ସୌଜନ୍ୟ: ଆଜତକ୍