ଅପରେସନ ‘ଲିଓପାର୍ଡ’ ଆରମ୍ଭ: ବିମାନବନ୍ଦର ପାଖ ଜଙ୍ଗଲରେ ବୁଲୁଛି କଲରାପତରିଆ ବାଘ, ଧରିବା ପାଇଁ ଟ୍ରାଙ୍କୁଲାଇଜର ଟିମର ପ୍ରସ୍ତୁତି
କନକ ବ୍ୟୁରୋ: ବାଘ ବୁଲୁଛି ରାଜଧାନୀରେ । ବାଘ ଧରିବାକୁ ଆରମ୍ଭ ହୋଇଛି ଅପରେସନ ଲିଓପାର୍ଡ । ନନ୍ଦନକାନନରୁ ଆସିଥିବା ସ୍ୱତନ୍ତ୍ର ଟ୍ରାଙ୍କୁଲାଇଜର ଟିମ ବାଘ ଧରିବାକୁ ଉଦ୍ୟମ କରୁଛନ୍ତି । ଜନ୍ତା ମଧ୍ୟ ଆସିଛି । ଓୟୁଏଟିର ବିଶେଷଜ୍ଞ ଦଳ ବି ଆସିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କଲରାପତ୍ରିଆକୁ ସେମାନେ ଟ୍ରାଙ୍କ୍ୟୁଲାଇଜ୍ କରି ଧରିବାକୁ ମନସ୍ଥ କରିଛନ୍ତି। ରାତି ଯୋଗୁଁ ଟ୍ରାଙ୍କ୍ୟୁଲାଇଜିଙ୍ଗ୍ରେ ଅସୁବିଧା ଥିବାରୁ ଗତରାତିରେ ତାହା ସମ୍ଭବପର ହୋଇ ନ ଥିଲା। ଯଦି ଟ୍ରାଙ୍କ୍ୟୁଲାଇଜ୍ ଦ୍ୱାରା ସେ ଜନ୍ତୁଟି ଧରି ନ ହୁଏ ତେବେ ଟ୍ରାପିଙ୍ଗ୍ ବା ଜନ୍ତା ଓ ଜାଲ ବସା ଯାଇ ତାହାକୁ ଧରିବାକୁ ଉଦ୍ୟମ କରାଯିବ।
ଗତକାଲି ଭୁବନେଶ୍ୱର ପଳାସପଲୀ ଅଂଚଳରେ ସିସିଟିଭିରେ କଲରାପତରିଆ ବାଘ ବୁଲୁଥିବାର ଦୃଶ୍ୟ ଦେଖିବା ପରେ ସ୍ଥାନୀୟ ଅଂଚଳର ଲୋକ ଆତଙ୍କିତ ହୋଇପଡିଛନ୍ତି । ବାଘ ରହିଥିବା ସ୍ଥାନକୁ ଘେରିରହିଛନ୍ତି ସୁରକ୍ଷାକର୍ମୀ । ବାଘଟି ବିମାନବନ୍ଦର ନିକଟରେ ଥିବା ରିଲାନ୍ସ ଆଭିଏସନ ପାଖ ଜଙ୍ଗଲରେ ଥିବା ନେଇ ଭବନେଶ୍ୱର ରେଂଜ ଇନଚାର୍ଜ ଗୋବିନ୍ଦ ଚନ୍ଦ୍ର ବିଶ୍ୱାଳ ସୂଚନା ଦେଇଛନ୍ତି ।
ରାତି ୪ଟାରେ ବାଘଟିକୁ ସିଆଇଏସଏଫ ଯବାନ ଦେଖିଥିବା ସେ କହିଛନ୍ତି । ରା୍ତି ସାରା ସେହି ଅଂଚଳରେ ପାଟ୍ରୋଲିଂ କରିଛି ବନ ବିଭାଗର ଟିମ୍ । ସ୍ଥାନୀୟ ଅଂଚଳର ଲୋକମାନେ ମଧ୍ୟ ରାତିସାରା ଅନିଦ୍ରା ରହି ବାଘ ଖୋଜିଛନ୍ତି । ବନ ବିଭାଗର ୩ଟି ଟିମ୍ ଓ ନନ୍ଦନକାନନର ଗୋଟିଏ ସର୍ଚ୍ଚ ଅପରେସନ୍ ଜାରି ରଖିଛନ୍ତି । ଗଣମାଧ୍ୟମରେ ଖବର ପ୍ରସାରଣ ପରେ ଆଖପାଖ ଅଂଚଳରେ ଭୟର ବାତାବରଣ ସୃଷ୍ଟି ହୋଇଛି ।