କନକ ବ୍ୟୁରୋ : ଆଜି ସଂଧ୍ୟାରେ ବସିବ ରାଜ୍ୟ କ୍ୟାବିନେଟ ବୈଠକ। ଏଥିରେ ଜିଏସଟି ବିଲ୍ ଉପରେ ରାଜ୍ୟ ସରକାର ଅନୁମୋଦନ ଦେବାର ସମ୍ଭାବନା ରହିଛି। ଏହାକୁ ଛାଡି ଆଉ ୩ଟି ପ୍ରସ୍ତାବ ଉପରେ ମଧ୍ୟ କ୍ୟାବିନେଟ ଅନୁମୋଦନ ମିଳିବାର ସମ୍ଭାବନା ରହିଛି । ଚଳିତ ଅଗଷ୍ଟ ମାସରେ ଏହା ତୃତୀୟ କ୍ୟାବିନେଟ । ଗତ ୮ ଓ ୧୨ ତାରିଖରେ ଦୁଇ ଥର କ୍ୟାବିନେଟ ବୈଠକ ବସିଥିଲା । ଷ୍ଟାର୍ଟ ଅପ ଇଣ୍ଡିଆ ଢାଂଚାରେ ରାଜ୍ୟ ସରକାର ଷ୍ଟାର୍ଟ ଅପ ଓଡିଶା କରିବାକୁ ସ୍ଥିର କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ବ୍ରହ୍ମପୁର ନହାନଗର ସମେତ ଆଖପାଖ ୫୪ଟି ଗାଁକୁ ପାନୀୟ ଜଳଯୋଗାଣ ପାଇଁ ୪୫୨ କୋଟି ଟଙ୍କାର ପ୍ରକଳ୍ପ ନିମନ୍ତେ ବ୍ୟୟ ଅଟଳଳ କରାଯାଇଛି । ଏହା ଉପରେ ମଧ୍ୟ କ୍ୟାବିନେଟ ମୋହର ଲାଗିବା ସମ୍ଭାବନା ରହିଛି। ଏହା ଛଡା ଯୋଜନା ଓ ସଂଯୋଜନା ବିଭାଗର ସେବା ନିୟମାବଳୀ ସଂଶୋଧନ ନେଇ ପ୍ରସ୍ତାବ ଆସିବ ବୋଲି ସୂଚନା ମିଳିଛି।