ସ୍ୱାଭିମାନ ଅଂଚଳରେ ବଢୁଛି ପର୍ଯ୍ୟଟକଙ୍କ ଭିଡ । ଗୁରୁପ୍ରୀୟା ସେତୁକୁ ଦେଖିବା ପାଇଁ ରାଜ୍ୟ ତଥା ରାଜ୍ୟ ବାହାର ପ୍ରକୃତୀ ପ୍ରେମିଙ୍କ ଛୁଟୁଛି ସୁଅ
ଗୁରୁପ୍ରୀୟା ସେତୁକୁ ଦେଖିବା ପାଇଁ ରାଜ୍ୟ ତଥା ରାଜ୍ୟ ବାହାର ପ୍ରକୃତୀ ପ୍ରେମିଙ୍କ ସୁଅ ଛୁଟୁଛି
କନକ ବ୍ୟୁରୋ : ୨୦୧୮ ଯାଉଛି ଆଉ ଆସୁଛି ୨୦୧୯ । ଏହାରି ଭିତରେ ପ୍ରବଳ ଶୀତରେ ସ୍ୱାଭିମାନ ଅଂଚଳରେ ବଢୁଛି ପର୍ଯ୍ୟଟକଙ୍କ ଭିଡ । ଗୁରୁପ୍ରୀୟା ସେତୁକୁ ଦେଖିବା ପାଇଁ ରାଜ୍ୟ ତଥା ରାଜ୍ୟ ବାହାର ପ୍ରକୃତୀ ପ୍ରେମିଙ୍କ ସୁଅ ଛୁଟୁଛି । ଶାନ୍ତ ପରିବେଶ ରେ ଗଭୀର ଜଳ ଭିତରେ ନିରୀହ ଆଦିବାସୀଙ୍କ ଦେଶୀ ଡଙ୍ଗାରେ ମାଛ ଧରା ଦୃଶ୍ୟ ଦେଖିବାକୁ ଲୋକଙ୍କ ଭିଡ ଜମୁଛି ।
Kanak News is now on WhatsApp
Join and get latest news updates delivered to you via WhatsApp
ସୂର୍ଯ୍ୟ ଉଦୟ ଏବଂ ଅସ୍ତର ଚିତ୍ର ଦେଖିବା ସହ ଜଳଭଣ୍ଡାର ଗର୍ଭରେ ବି.ଏସ.ଏଫ ଯବାନମାନଙ୍କ ପଇଁତରା ମାରିବାର ଦୃଶ୍ୟ ଲୋକମାନଙ୍କୁ ଆନ୍ଦୋଳିତ କରିଛି । ସେଲଫି ନେବା ଲାଗି ଯୁବ ପୀଢିଙ୍କ ମଧ୍ୟରେ ଏକ ପ୍ରକାର ପ୍ରତିଯୋଗିତା ଆରମ୍ଭ ହୋଇଛି ।
ଦିନରେ ଯେତିକି ସୁନ୍ଦର, ସନ୍ଧ୍ୟାରେ ମଧ୍ୟ ଆହୁରି ମନୋରମ ଗୁରୁପ୍ରୀୟା । ସୂର୍ଯ୍ୟ ଉଇଁବା ମାତ୍ରେ ଲାଲିମା ପୁରା ଜଳଭଣ୍ଡାର ସମେତ ପରିବେଶକୁ ସ୍ୱଚ୍ଛ କରି ଦେଉଛି । ଏହି ଦୁର୍ଲଭ ଚିତ୍ର ବହୁ ପର୍ଯ୍ୟଟକଙ୍କୁ ଟାଣି ଆଣୁଛି ଗୁରୁପ୍ରୀୟାକୁ । ବିଶେଷ କରି ପୋଲ ଉପରେ ଏବଂ ପୋଲ ତଳେ ଲାଗି ଥିବା ଏଲ.ଇ.ଡି ର ପ୍ରତିଫଳନର ଅତ୍ୟନ୍ତ ସୁନ୍ଦର ହୋଇଛି ।
ସେହିପରି ଆକାଶ ମାର୍ଗରୁ ଦୁର୍ଲଭ ଚିତ୍ର ଗୁରୁପ୍ରୀୟାର ଶୋଭାକୁ ଦ୍ୱିଗୁଣିତ କରୁଛି । ଗୁରୁପ୍ରୀୟାରେ ବୋଟିଙ୍ଗ ଠାରୁ ଆରମ୍ଭ ହୋଟେଲ, ରିସୋର୍ଟ ପରି ସୁବିଧା ସୁଯୋଗ ଯୋଗାଇ ଦେବା ଲାଗି ଦାବି ହୋଇଛି ।
ଗତ ଜୁଲାଇ ୨୬ ତାରିଖରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସେତୁଟିକୁ ଉଦଘାଟନ କରିବା ପରେ ସ୍ୱାଭିମାନ ଅଂଚଳବାସୀଙ୍କ ଚାଲି ଚଳନ ଦେଖିବା ଲାଗି ଓଡିଶା ସମେତ ପଡୋଶୀ ଛତିଶଗଡ, ଆନ୍ଧ୍ର ଓ ତେଲେଙ୍ଗାନାବାସୀଙ୍କ ମଧ୍ୟରେ ଆଗ୍ରହ ବଢିବାରେ ଲାଗିଛି ।
ପର୍ଯ୍ୟଟକଙ୍କ ଆଗ୍ରହ ଦେଖି ଏଠାକାର ପାରିପାର୍ଶ୍ୱିକ ଅଂଚଳର ବିକାଶ ଦିଗରେ ଚିନ୍ତା ଆରମ୍ଭ କରିଛି ଜିଲ୍ଲା ପ୍ରଶାସନ । ତେବେ ସୁରକ୍ଷା ପ୍ରତି ଗୁରୁତ୍ୱ ଦିଆଯିବା ସହ ପର୍ଯ୍ୟଟନର ବିକାଶ ଦିଗରେ ପଦ କ୍ଷେପ ନିଆଯିବ ବୋଲି କହିଛନ୍ତି ମାଲକାନଗିରି ଜିଲ୍ଲାପାଳ ।