କନକ ବ୍ୟୁରୋ : ତାମିଲନାଡୁର ନୂଆ ମୁଖ୍ୟମନ୍ତ୍ରୀ କେ. ପାଲାନିସ୍ୱାମୀ ଆଜି ବିଧାନସଭାରେ ଦେବେ ଶକ୍ତି ପରୀକ୍ଷା । ତାଙ୍କ ବିପକ୍ଷରେ ରହିବେ ପୂର୍ବତନ ମୁଖ୍ୟମନ୍ତ୍ରୀ ଓ.ପନିର ସେଲଭମ୍ । ଆସ୍ଥାଭୋଟର ଫଳାଫଳ ପରେ ପାଲାନୀସ୍ୱାମୀ ସରକାରଙ୍କ ଭାଗ୍ୟ ନିର୍ଦ୍ଧାରଣ ହେବ । ୩୦ ବର୍ଷ ପରେ ତାମିଲନାଡୁରେ ପ୍ରଥମ କରି ଜଣେ ମୁଖ୍ୟମନ୍ତ୍ରୀ ବିଧାନସଭାରେ ଶକ୍ତି ପରୀକ୍ଷା ଦେବାକୁ ଯାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗୁରୁବାର ପାଲାନୀସ୍ୱାମୀଙ୍କୁ ରାଜ୍ୟପାଳ ସି ବିଦ୍ୟାସାଗର ରାଓ ସରକାର ଗଠନ ପାଇଁ ଆମନ୍ତ୍ରଣ ଦେବା ସହ ଆସ୍ଥାଭୋଟର ସାମ୍ନା କରିବାକୁ କହିଥିଲେ । ସଂଖ୍ୟାଗରିଷ୍ଠତା ପ୍ରମାଣ ଲାଗି ନୂଆ ସରକାରକୁ ୧୫ ଦିନ ସମୟ ଦେଇଥିଲେ ରାଜ୍ୟପାଳ । ତେବେ ପଲାନୀ କିନ୍ତୁ ୨ ଦିନରେ ଆସ୍ଥାଭୋଟ୍ ଜରିଆରେ ସଂଖ୍ୟା ଗରିଷ୍ଠତାର ପ୍ରମାଣ ଦେବାକୁ ପ୍ରସ୍ତାବ ଦେଇଥିଲେ । ଆଜି ଦିନ ୧୧ଟା ବେଳକୁ ପାଲାନୀସ୍ୱାମୀ ବିଧାନସଭାରେ ପହଂଚି ସଂଖ୍ୟାଗରିଷ୍ଠତାର ପ୍ରମାଣ ଦେବାର ସୂଚନା ରହିଛି ।
ଏପଟେ କିନ୍ତୁ ରାଜନୈତିକ ବିବାଦ ଥମିବାର ନାଁ ନେଉଛି ତାମିଲନାଡୁରେ । ଯେସାକୁ ତେସା ନୀତିରେ ଗତକାଲି ଶଶିକଳା ଏବଂ ନୂଆ ମୁଖ୍ୟମନ୍ତ୍ରୀ ପାଲାନିସ୍ୱାମୀଙ୍କ ସମତେ ମନ୍ତ୍ରୀ ମଣ୍ଡଳର ସବୁ ସଦସ୍ୟକୁ ଦଳରୁ ବହିଷ୍କାର କହିଛନ୍ତି ପନିରସେଲଭମ୍ ଗୋଷ୍ଠୀ । ଏଆଇଏଡିଏମ୍କେ ଦଳର ପ୍ରେସିଡିୟମ୍ ଅଧ୍ୟକ୍ଷ ପଦରେ ରହିଥିବା ଦାବି କରି ଇ. ମଧୁସୁଧନ ଏହି ବହିଷ୍କାର ଆଦେଶ ଜାରି କରିଛନ୍ତି । ପୂର୍ବରୁ ଶଶିକଳା, ପନିରସେଲଭମଙ୍କ ସମେତ ଦଳର ୨୦ ଜଣ ସଦସ୍ୟଙ୍କୁ ଦଳରୁ ବହିଷ୍କାର କରିଥିଲେ ।
ତେବେ ଦଳୀୟ ସମ୍ବିଧାନ ଅନୁସାରେ ଶଶିକଳା ଆଇନସମ୍ମତ ମହାସଚିବ ହୋଇନଥିବାରୁ ତାଙ୍କ ବହିଷ୍କାର କରିବା କ୍ଷମତା ନାହି ବୋଲି ଦାବି କରିଥିଲେ ମଧୁସୂଧନ । ତେବେ ଏହି ବହିଷ୍କାର ନିର୍ଦ୍ଦେଶ ତାମିଲନାଡୁ ରାଜନୀତିକୁ ଆହୁରୀ ସରଗରମ କରିଛି । ଆଉ ଏଆଇଏଡିଏମକେ ଦଳର ଗୋଷ୍ଠୀ ବିବାଦ ଆହୁରୀ ତୀବ୍ର ହେବାରେ ଲାଗିଛି ।