ଘରକୁ ଫେରିଲେ ଦୟାବେନ ! ତାରକ ମେହେତ୍ତା ଟିମ ମଧ୍ୟରେ ଖୁସିର ଲହରୀ
ଦୟାବେନଙ୍କ ପ୍ରଶଂସକଙ୍କ ପାଇଁ ଖୁସି ଖବର । ସବ ଟି.ଭି.ର ଲୋକପ୍ରିୟ କମେଡି ସିରିଏଲ ତାରକ ମେହେତ୍ତା କା ଉଲଟା ଚଷମାରେ ଦୟାବେନ ଚରିତ୍ରରେ ନଜର ଆସୁଥିବା ଦିଶା ପୁନର୍ବାର ସିରିଏଲକୁ ଫେରିବା ପାଇଁ ପ୍ରସ୍ତୁତ ହୋଇସାରିଲେଣି । କିଛି ସମୟ ପାଇଁ ସେ ଛୁଟି ନେଇ ନିଜ ନବଜାତ ଶିଶୁକନ୍ୟାର ଯତ୍ନରେ ବ୍ୟସ୍ତ ଥିଲେ । କିନ୍ତୁ ଏବେ ସେ କାମରେ ଯୋଗ ଯୋଗ ଦେବା ପାଇଁ ପ୍ରସ୍ତୁତ ହୋଇସାରିଲେଣି ।
Kanak News is now on WhatsApp
Join and get latest news updates delivered to you via WhatsApp
କିଛି ସମୟ ପୂର୍ବରୁ ଗୁଜବ ଉଡୁଥିଲା ଯେ ଦିଶା କାମକୁ ସବୁଦିନ ପାଇଁ ଅଲବିଦା କହୁଛନ୍ତି କିନ୍ତୁ ପୁନର୍ବାର ସେ ଶୋ’କୁ ଆସି ପ୍ରଶଂସକଙ୍କୁ ସରପ୍ରାଇଜ ଦେଇଛନ୍ତି । ଦିଶା ନିଜର ଅଭିନୟ ଏବଂ କଥା କୁହା ଢଙ୍ଗରେ ସମସ୍ତଙ୍କୁ ଭରପୂର ମନୋରଞ୍ଜନ ଯୋଗାଉଥିଲେ । ସିରିଏଲରୁ କିଛି ସମୟ ଦୂରେଇ ରହିବା ଫଳରେ ଦର୍ଶକ ଦିଶାଙ୍କୁ ବହୁତ ମିସ କରୁଥିଲେ ଏବଂ ସିରିଏଲ ଟିଆରପି ମଧ୍ୟ କମ ହେବାକୁ ଲାଗିଥିଲା । କିନ୍ତୁ ବର୍ତ୍ତମାନର ଏହି ଖବର ଦର୍ଶକଙ୍କୁ ଧାରାବାହିକ ଦେଖିବାକୁ ବାଧ୍ୟ କରିବ ।
ସୂଚନା ଅନୁସାରେ ୨୦୧୫ ମସିହାରେ ଦିଶା ଚାଟାର୍ଡ ଆକାଉଣ୍ଟାଣ୍ଟ ମୟୁର ପାଣ୍ଡିୟାଙ୍କୁ ବିବାହ କରିଥିଲେ ଏବଂ ଗତବର୍ଷ ନଭେମ୍ବରରେ ସେ କନ୍ୟା ସନ୍ତାନର ଜନନୀ ହେବାର ସୌଭାଗ୍ୟ ଲାଭ କରିଥିଲେ । ଏହି ସିରିଏଲରେ ସେ ଜେଠାଲାଲଙ୍କ ପତ୍ନୀ ଦୟାବେନ ଚରିତ୍ରରେ ନଜର ଆସୁଛନ୍ତି । ନିଜର ଅସଲି କଥାକୁହା ଷ୍ଟାଇଲକୁ ବଦଳାଇ ଛୋଟପିଲାଙ୍କ ପରି କହିବା ଅନ୍ଦାଜକୁ ନେଇ ସେ ବେଶ ଲୋକପ୍ରିୟ । ବର୍ତ୍ତମାନ ଶୋ’ରେ ଜେଠାଲାଲ ଏବଂ ଦୟାବେନଙ୍କ ମଧ୍ୟରେ ପୂର୍ବ ପ୍ରେମ ଏବଂ ମସ୍ତିକୁ ମନେ ପକାଉଥିବା ଦୃଶ୍ୟ ଦେଖାଯାଇ ଦିଶାଙ୍କୁ କମବ୍ୟାକ କରାଯିବ ।