ସୁପ୍ରିମକୋର୍ଟ ଆଦେଶ ମୁତାବକ ଖଣି ମାଲିକଙ୍କୁ ଡେଡଲାଇନ୍ ମନେ ପକାଇଦେଲେ ଖଣିମନ୍ତ୍ରୀ ! କହିଲେ, ଜରିମାନା ନଦେଲେ ନୂଆବର୍ଷରୁ ଖଣି ବନ୍ଦ କରିଦେବେ ଓଡିଶା ସରକାର
କନକ ବ୍ୟୁରୋ : ସୁପ୍ରିମକୋର୍ଟଙ୍କ ଆଦେଶ ମୁତାବକ ଯେଉଁ ଖଣିମାଲିକମାନେ ଜୋରିମାନା ନଦେବେ ସେମାନଙ୍କ ମାଇନିଂ ଅପରେସନ୍ ନୂଆ ବର୍ଷ ପରେ ବନ୍ଦ କରିଦିଆଯିବ । ଆଜି ଏକଥା କହିଛନ୍ତି ଖଣି ମନ୍ତ୍ରୀ ପ୍ରଫୁଲ୍ଲ ମଲ୍ଲିକ । ସୁପ୍ରିମକୋର୍ଟ ନିର୍ଦ୍ଦେଶ ମୁତାବକ ଡିସେମ୍ବର ୩୧ ସୁ୍ଦ୍ଧା ୧୫୨ଟି ଖଣି ମାଲିକ ପ୍ରାୟ ୨୦ ହଜାର କୋଟି ଟଙ୍କାର ଜୋରିମାନା ଦେବାକୁ ଥିବା ବେଳେ ଏପର୍ଯ୍ୟନ୍ତ ଜୋରିମାନା ଆଦାୟ ଉତ୍ସାହଜନକ ହୋଇନାହିଁ ।
Kanak News is now on WhatsApp
Join and get latest news updates delivered to you via WhatsApp
୧୫୨ଟି ଖଣିରୁ ୪୬ଟି ଖଣି ଚାଲୁଥିବାବେଳେ ସେହି ଖଣିମାଲିକମାନେ ପ୍ରାୟ ୮ରୁ ୧୦ ହଜାର କୋଟି ଟଙ୍କା ଫାଇନ୍ ଦେଇପାରନ୍ତି ବୋଲି ସରକାରୀ ସୂତ୍ରରୁ ଖବର ଆସୁଛି । ମାତ୍ର ଯେଉଁମାନଙ୍କ ଖଣି ବନ୍ଦ ହୋଇଯାଇଛି, ସେମାନେ ଜୋରିମାନା ଦେବେ କି ନାହିଁ ସେ ନେଇ ଅନିଶ୍ଚିତତା ଲାଗି ରହିଛି । ତେବେ ରାଜ୍ୟ ସରକାର ଏ ନେଇ ସୁପ୍ରିମକୋର୍ଟରେ ପୁଣି ତଥ୍ୟ ରଖିବେ ବୋଲି ମନ୍ତ୍ରୀ କହିଛନ୍ତି ।