କୋଣାର୍କରୁ ହୋଇଛି କଳା ହରଣ ! ଧରାପଡିଲା ଏଏସଆଇର ମିଛ ? ଗାଏବ ହୋଇଯାଇଛି ମୂର୍ତ୍ତି !
କନକ ବ୍ୟୁରୋ : କୋଣାର୍କରୁ ଗାଏବ ହୋଇଛି କାରୁକାର୍ଯ୍ୟପୂର୍ଣ୍ଣ ମୂର୍ତ୍ତି । କୋଣାର୍କ ବିକାଶ ପରିଷଦ ଜାରି କରିଥିବା ଫଟୋରୁ ଏହା ସ୍ପଷ୍ଟ ପ୍ରମାଣିତ ହୋଇଛି । ଆଉ ଏହି ପ୍ରମାଣ ମିଳିବା ପରେ କୋଣାର୍କ ପ୍ରସଙ୍ଗରେ ଏଏସ୍ଆଇର ମୁଖା ଖୋଲିଯାଇଛି । କାରଣ ଏଏସ୍ଆଇ ପକ୍ଷରୁ ବାରମ୍ବାର କୁହାଯାଉଥିଲା, କୋଣାର୍କରୁ ଖଣ୍ଡିଏ ବି ପଥର ସ୍ଥାନାନ୍ତର କରାଯାଇ ନାହିଁ । ବରଂ ଖାଲି ସ୍ଥାନରେ ସାଧା ପଥର ଲଗା ଯାଇଛି ।
Kanak News is now on WhatsApp
Join and get latest news updates delivered to you via WhatsApp
କୋଣାର୍କର କାରୁକାର୍ଯ୍ୟ ନେଇ ଚଳିତ ମାସ ୧୩ ତାରିଖରେ ଏଏସ୍ଆଇ ଅଧିକାରୀ ରଖିଥିବା ମନ୍ତବ୍ୟ ଆଜି ଭୁଲ ପ୍ରମାଣିତ ହୋଇଛି, ଯେତେବେଳେ କୋଣାର୍କ ବିକାଶ ପରିଷଦ ସାମ୍ନାକୁ ଆଣିଛି ବ୍ଲାକ ପାଗୋଡାର ୧୯୬୫ ମସିହାର ପୁରୁଣା ଫଟୋ ।
ଧରାପଡ଼ିଲା ଏଏସଆଇର ମିଛ ? କୋଣାର୍କରୁ ଗାଏବ କାରୁକାର୍ଯ୍ୟ ! କୋଣାର୍କ ମନ୍ଦିରର ଦୁଇଟି ଚିତ୍ର ହିଁ ଖୋଲି ଦେଇଛି ଏଏସଆଇର ଅସଲମୁଖା । ମନ୍ଦିରର ଏକ କୋଣରେ କାରୁକାର୍ଯ୍ୟପୂର୍ଣ୍ଣ ମୂର୍ତ୍ତି ଥିବା, ଗୋଟିଏ ଚିତ୍ରରେ ସ୍ପଷ୍ଟ ଦେଖାଯାଉଥିବା ବେଳେ ଅନ୍ୟ ଚିତ୍ରରେ ସେହି ସ୍ଥାନଟି ସଂପୂର୍ଣ୍ଣ ଖାଲି ରହିଛି । ଏହି ଚିତ୍ର ଦେଖିଲା ପରେ କିଏ କେମିତି କହିବ, କୋଣାର୍କରୁ ମୁର୍ତ୍ତି ସ୍ଥାନାନ୍ତର ହୋଇନାହିଁ ।
କୁଆଡେ ଗଲା କୋଣାର୍କର ମୂର୍ତ୍ତି ? କୋଣାର୍କରୁ ହୋଇଛି କଳା ହରଣ । ସାମ୍ବାଦିକ ସମ୍ମିଳନୀ ଜରିଆରେ ଏମିତି ଏକାଧିକ ଚିତ୍ର ରଖିଛି କୋଣାର୍କ ବିକାଶ ପରିଷଦ । ବ୍ଲାକ ପାଗୋଡାକୁ ଶ୍ରୀହିନ କରିବାକୁ ଚକ୍ରାନ୍ତ ହେଉଥିବା ଅଭିଯୋଗ କରିବା ସହ ଘଟଣାର ତଦନ୍ତ ଦାବି କରାଯାଇଛି । ମନ୍ଦିରର ସଂରକ୍ଷଣ ପୂର୍ବରୁ ଯେଉଁଠି କାରୁକାର୍ଯ୍ୟପୂର୍ଣ୍ଣ ମୂର୍ତି ଜଳଜଳ ଦିଶୁଥିଲା, ଆଜି ଉକ୍ତ ସ୍ଥାନ ଫାଙ୍କା ପଡ଼ିଛି । ଯାହା ଏଏସଆଇର ଆଭିମୁଖ୍ୟ ଉପରେ ଏକ ବଡ ପ୍ରଶ୍ନ ଚିହ୍ନ ଛିଡ଼ା କରିଛି ।