ସୋସିଆଲରେ ଭାଇରାଲ : ଆତ୍ମବିଶ୍ୱାସ ବଢାଇବା ନାଁରେ ଛାତ୍ରୀଙ୍କ ସହ ଭୟାନକ ବ୍ୟବହାର
ମାଲେସିଆରେ ଆତ୍ମବିଶ୍ୱାସ ବଢାଇବା ପାଇଁ ଛାତ୍ରୀମାନଙ୍କ ସହ ଯାହା ହୋଇଛି ଆପଣ ଜାଣିଲେ ନିଶ୍ଚୟ ଆଶ୍ଚର୍ଯ୍ୟ ହେବେ । ଟିମ ବିଲଡିଙ୍ଗ କ୍ୟାମ୍ପରେ ୧୦ ରୁ ୧୨ ବର୍ଷୀୟ ଏକ ଛାତ୍ରୀ ଗ୍ରୁପକୁ ଜବରଦସ୍ତ ଏକ ପାଣି ଭର୍ତି ଗାଡିଆ ଭିତରେ ଠେଲି ଦିଆଯାଇଥିଲା । କେବଳ ଏତିକି ନୁହଁ ସବୁଠାରୁ ବଡକଥା ହେଲା ସେଇ ପାଣି ଭର୍ତି ଗାଡିଆରେ ସାପ ଛଡାଯାଇଥିଲା । ସୋସିଆଲ ମିଡିଆରେ ଏହାର ଭିଡିଓ ଭାଇରାଲ ହେବା ସହ ଏପରି ଅଭ୍ୟାସ ଉପରେ କଡା ଆଲୋଚନା ହେଉଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଖବରରୁ ଜଣାପଡିଛି ଏହି ଭିଡିଓ ଛାତ୍ରୀମାନଙ୍କର ଟିମ ବିଲଡିଙ୍ଗ କ୍ୟାମ୍ପର ଏକ ଅଂଶ ବିଶେଷ ଏବଂ ମାଲେସିଆର ସ୍କୁଲ ଶିକ୍ଷା ଅଧିକାରୀଙ୍କ ଦ୍ୱାରା ଏଇ କ୍ୟାମ୍ପ ଆୟୋଜିତ ହୋଇଥିବା ପ୍ରକାଶ । ଏଇ ଭିଡିଓରେ ଜଣେ କୋଚ ପାଣି ଭିତରେ ଫସି ରହିଥିବା ଝିଅମାନଙ୍କ ଉପରକୁ ସାପ ଫିଙ୍ଗିବା ସହ ଛାତ୍ରୀମାନେ ପାଣିରୁ ବାହାରିବାକୁ ଚେଷ୍ଟା କରୁଥିବା ବେଳେ ଅନ୍ୟ ଏକ କୋଚ ହସୁଥିବାର ଦୃଶ୍ୟ ଦେଖିବାକୁ ମିଳିଛି ।
ଯେତେବେଳେ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଲା , ସଙ୍ଗେ ସଙ୍ଗେ ଏପରି ଭୟାନକ ଅଭ୍ୟାସ ଶିବିରକୁ ବନ୍ଦ କରାଯାଇଛି ଏବଂ ଏହା ସହ ସଂପୃକ୍ତ କ୍ୟାମ୍ପର ୪ ଜଣ କୋଚ ସମେତ ୬ ଜଣ ସହାୟକଙ୍କୁ ନିଲମ୍ବିତ କରାଯାଇଥିବା ସୂଚନା ମିଳିଛି ।
ଏହାସହ ଦେଖନ୍ତୁ ଏହି ଭିଡିଓ –