ସାମ୍ମାକୁ ଆସିଲା କ୍ୟାନ୍ସର ପୀଡିତା ସୋନାଲୀ ବେନ୍ଦ୍ରେଙ୍କ ଆଉ ଏକ ଫଟୋ ! ଇନଷ୍ଟାଗ୍ରାମରେ ପୁଅ ରଣବୀରଙ୍କ ସହ ଫଟୋ କଲେ ସେୟାର ।
ନିକଟରେ ବଲିଉଡର ଜଣେ ଆଗଧାଡିର ଅଭିନେତ୍ରୀ ସୋନାଲୀ ବେନ୍ଦ୍ରେଙ୍କୁ କର୍କଟ ରୋଗ ହେବା ନେଇ ଖବର ଆସିଥିଲା । ସୋନାଲୀ ନିଜେ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏହି ଦୁଃଖଦ ଖବର ନିଜ ଫ୍ୟାନ୍ସମାନଙ୍କୁ ଜଣାଇଥିଲେ । ଏହି ଖବର ପାଇବା ପରେ ସମ୍ପୁର୍ଣ୍ଣ ବଲିଉଡ ଏବଂ ପ୍ରଶଂସକଙ୍କ ସହାନୁଭୁତି ସୋନାଲୀଙ୍କ ପାଖରେ ପହଞ୍ଚିଥିଲା । ତେବେ କିଛି ଦିନ ପୂର୍ବରୁ ସେ କ୍ୟାନ୍ସର ଉପଚାର ଯୋଗୁଁ ନିଜ ନୁଆ ହେୟାର ଷ୍ଟାଇଲ୍ କରିଥିଲେ । ଯେଉଁଥିରେ ପୂର୍ବ ଭଳି ସୁନ୍ଦର ଦେଖାଯାଉଥିଲେ । କ୍ୟାନ୍ସର ରୋଗରେ ପୀଡିତ ହେଲେ ଲୋକଙ୍କ ମନୋବଳ ଭାଙ୍ଗିଯାଏ କିନ୍ତୁ ସୋନାଲୀ ଏହି ସମୟକୁ ଖୁବ୍ ସାହସର ସହ ମୁକାବିଲା କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ସେ ତାଙ୍କ ପ୍ରଶଂସକଙ୍କ ଖୁବ୍ ଭଲ ପାଆନ୍ତି ଏବଂ ତାଙ୍କର ଛୋଟରୁ ଛୋଟ କଥା ଇନଷ୍ଟାଗ୍ରାମରେ ପୋଷ୍ଟ କରି ସମସ୍ତଙ୍କୁ ଜଣାନ୍ତି । ତେବେ ଏଭଳି ଅପ୍ରିୟ ସତକୁ ସେ ତାଙ୍କ ପୁଅ ରଣବୀରକୁ କହିବା ପରେ ରଣବୀର ମା’ଙ୍କ ଭଳି ଏହାକୁ ଖୁବ୍ ଦୃଢତାର ସହ ନେଇଥିଲେ । ରଣବୀରଙ୍କ ସ୍କୁଲ ଛୁଟି ଚାଲିଥିବାବେଳେ ସେ କେବଳ ମା’ଙ୍କ ସହ ରହି ତାଙ୍କର ଯତ୍ନ ନେବାଠୁ ଆରମ୍ଭ କରି ଖୁସି ରଖିବାକୁ ଚେଷ୍ଟା କରୁଛନ୍ତି । ଡାକ୍ତରଙ୍କ କହିବାନୁସାରେ ସୋନାଲୀଙ୍କ କ୍ୟାନ୍ସରର ଲାଷ୍ଟ୍ ଷ୍ଟେଜରେ ଅଛନ୍ତି । କିନ୍ତୁ ଭଲ ହେବାର ବହୁତ ଚାନ୍ସ ଅଛି ।