ଖୋଲୁଛି କୋଟିପତି ଏସସିବି ଡାକ୍ତରଙ୍କ ଅମାପ ସଂପତ୍ତିର ଗୁମର : ବ୍ୟାଙ୍କ୍ ଲକରରୁ ମିଳିଲା ଆଉ ୧୨ ଲକ୍ଷ ଟଙ୍କାର ହୀରା ଅଳଙ୍କାର
କନକ ବ୍ୟୁରୋ : ଭିଜିଲାନ୍ସ ଜାଲରେ ପଡିଥିବା ଏସସିବି ମେଡିକାଲର କୋଟିପତି ଡାକ୍ତର ଅମାପ ସଂପତ୍ତି ନେଇ ଚାଲିଛି ତନାଘନା । ଏତେ ଟଙ୍କା କେଉଁଠୁ ଆଣିଲେ ସେ ନେଇ ଖୋଳାତାଡ କରୁଛି ଭିଜିଲାନ୍ସ । ୟୁକୋ ବ୍ୟାଙ୍କ ଲକରରୁ ଆଉ ୧୨ ଲକ୍ଷ ଟଙ୍କାର ହୀରା ଅଳଙ୍କାର ଭିଜିଲାନ୍ସ ହାତରେ ଲାଗିଛି । ୨୦୧୫ରୁ ୨୦୧୭ ଭିତରେ ୨ ବର୍ଷରେ ପାଖାପାଖି ୧୦ରୁ ଅଧିକ ଦେଶ ବୁଲୁଛନ୍ତି ଡାକ୍ତର ରବୀନ୍ଦ୍ର କୁମାର ଜେନା ।
Kanak News is now on WhatsApp
Join and get latest news updates delivered to you via WhatsApp
ଏପରିକି ଅନେକ ଦେଶ ଯିବା ପାଇଁ ଆବେଦନ କରିଥିବା ବେଳେ ରାଜ୍ୟ ସରକାର ତାଙ୍କୁ ଅନୁମତି ଦେଇନଥିବା ଜଣାପଡିଛି । ଭିଜିଲାନ୍ସକୁ ମିଳିଥିବା ଅଭିଯୋଗ ମୁତାବକ, ରୋଗୀଙ୍କୁ କିଛି ନିର୍ଦ୍ଦିଷ୍ଟ କମ୍ପାନୀର ମେଡିସିନ୍ ଲେଖୁଥିଲେ ଡାକ୍ତର ରବିନ୍ଦ୍ର କୁମାର ଜେନା । ଆଉ ସେହି ଫାର୍ମା କମ୍ପାନୀଙ୍କ ସହ ଥିଲା ଡାକ୍ତରଙ୍କ ଘନିଷ୍ଠ ସମ୍ପର୍କ । ଅଭିଯୋଗ ଅନୁସାରେ ରୋଗୀଙ୍କୁ ଅନ୍ୟ କମ୍ପାନୀର ଔଷଧ ଦରକାର ପଡୁଥିଲେ ମଧ୍ୟ ଡାକ୍ତର ରବିନ୍ଦ୍ର ଜେନା କିନ୍ତୁ କେବଳ ସେହି କମ୍ପାନୀର ମେଡିସିନ୍ ହିଁ ପ୍ରେସକ୍ରାଇବ୍ କରନ୍ତି । କାରଣ ଏହା ବଦଳରେ ତାଙ୍କୁ ପ୍ରଚୁର ପରିମାଣର ଟଙ୍କା ମିଳୁଥିଲା ।