ଆହତ ଅବସ୍ଥାରେ ବିରଳ ଗରୁଡ ପକ୍ଷୀ ଉଦ୍ଧାର ! ବନବିଭାଗକୁ ହସ୍ତାନ୍ତର କଲେ ଗ୍ରାମବାସୀ ।
କନକ ବ୍ୟୁରୋ: ପ୍ରାଚୀ ନଦୀ କୂଳ ଜଙ୍ଗଲରୁ ଉଦ୍ଧାର ହେଲା ବିରଳ ଗରୁଡ ପକ୍ଷୀ । ଅତ୍ୟଧିକ ଝଡ ବର୍ଷା ମାଡରେ ଆହତ ହୋଇ ଜଙ୍ଗଲରେ ପଡିରହିଥିଲା । ସ୍ଥାନିୟ ଲୋକେ ଗରୁଡକୁ ପକ୍ଷୀକୁ ଆହତ ଅବସ୍ଥାରେ ଦେଖି ବନ ବିଭାଗକୁ ଖବର କରିଥିଲେ । ପରେ ବନ ବିଭାଗ କର୍ମଚାରୀ ସେଠାରେ ପହଞ୍ଚି ଗରୁଡକୁ ଉଦ୍ଧାର କରିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଗତ ଦୁଇ ଦିନ ହେବ ରାଜ୍ୟରେ ଲଗାଣ ବର୍ଷା ହେବା ସହ ଅନେକ ସ୍ଥାନରେ ଯୋରଦାର ପବନ ମଧ୍ୟ ହେଉଛି । ଅନେକ ସ୍ଥାନରେ ବଡ ବଡ ଗଛ ଭାଙ୍ଗିଥିବାର ମଧ୍ୟ ସୂଚନାରୁ ଜଣା ପଡିଛି । ତେବେ ଏହି ଭଳି ପରିସ୍ଥିତିରେ ଆଜି ଅପରାହ୍ନରେ ଅସ୍ତରଙ୍ଗ ବ୍ଲକ ଅନ୍ତର୍ଗତ ଉଦୟପୁର ଗାଁର ପ୍ରାଚୀ ନଦୀ କୂଳରେ ଥିବା ଜଙ୍ଗଲ ମଧ୍ୟରେ ଏକ ବିରଳ ଗରୁଡ ପକ୍ଷୀ ବର୍ଷା ମାଡରେ ଆହତ ହୋଇ ତେଳେ ପଡିଥିଲା । ଗାଁର ଜେଣେ ପିଲା ଏହି ଜଙ୍ଗଲକୁ ଯାଇଥିବା ବେଳେ ତାର ନଜର ଏହି ଆହତ ଗରୁଡ ପକ୍ଷୀ ଉପରେ ପଡିଥିଲା । ପରେ ପିଲାଟି ଗାଁ ଲୋକଙ୍କୁ ଖବର କରିବା ସହ ପକ୍ଷୀଟିକୁ ପ୍ରାଚୀ ନଦୀ କୂଳକୁ ଧରି ଆଣିଥିଲା । ସେଠାରେ ଏହି ପକ୍ଷୀକୁ ଦେଖିବା ପାଇଁ ଗାଁ ଲୋକମାନଙ୍କ ଭାଡ ଜମିଥିଲା ।
ଅସ୍ତରଙ୍ଗ ନିବାସୀ ଏହି ବିରଳ ପକ୍ଷୀକୁ ଆହତ ଅବସ୍ଥାରେ ଜଙ୍ଗଲରୁ ପ୍ରୀଚୀ ନଦୀ କୂଳକୁ ଆଣିବା ସହ ବନ ବିଭାଗକୁ ଖବର କରିଥିଲେ । ପରେ ବନ ବିଭାଗ କର୍ମଚାରୀ ଘଟଣା ସ୍ଥଳରେ ପହଞ୍ଚି ପକ୍ଷୀକୁ ଉଦ୍ଧାର କରି ଚିକିତ୍ସା କରିଛନ୍ତି । ଏହା ଏକ ବିରଳ ପକ୍ଷୀ ବୋଲି ପୁରୀ ଡିଏଫଓ ପ୍ରକାଶ କରିଛନ୍ତି ।