ଛୋଟ ପିଲାଙ୍କ ସହ ହେଉଥିବା ଯୌନ ଅପରାଧକୁ କମ୍ କରିବା ପାଇଁ ଏବଂ ଏଭଳି ଅଭିଯୋଗ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ପ୍ରସ୍ତୁତ ହୋଇଥିବା ସରକାରୀ ସହାୟତା ନମ୍ବରରେ ଏବେ ଅଶ୍ଲୀଳ ଫୋନ୍ କଲ୍ ଆସିବା ଆରମ୍ଭ ହୋଇଯାଇଛି । ଅଶ୍ଲୀଳ ଲୋକମାନେ ଶିଶୁ ସହାୟତା ନମ୍ବରରେ ଫୋନ୍ କରି ଯୌନସେବା ଯୋଗାଇଦେବା ପାଇଁ କହୁଛନ୍ତି । ଏମିତିରେ ରାଷ୍ଟ୍ରୀୟ ବାଳ ଅଧିକାର ସଂରକ୍ଷଣ ଆୟୋଗ (ଏନସିପିଆର) ର ବିନା ଦେୟ ମୁକ୍ତ ନମ୍ବରକୁ ଅସ୍ଥାୟୀ ରୁପରେ ବନ୍ଦ କରିବାକୁ ପଡିଛି ଏବଂ ଦେୟ ମୁକ୍ତ ସ୍ଥାନରେ ବେକଳ୍ପିକ ନମ୍ବରକୁ ଲଞ୍ଚ୍ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏଥିରେ ଗ୍ରାହକଙ୍କୁ ଅସୁବିଧା ଉପୁଜିଥିବାରୁ ପୁଣି ଥରେ ଏହି ଟୋଲ୍ ଫ୍ରି ନମ୍ବରକୁ ଆରମ୍ଭ କରିବାକୁ ଚେଷ୍ଟା କରାଯାଉଛି । ୨୦୧୬ ମସିହାରେ ଏହି ହେଲ୍ପଲାଇନ୍ ନମ୍ବରକୁ ମହିଳା ତଥା ଶିଶୁ ବିକାଶ ମନ୍ତ୍ରାଳୟ ଆରମ୍ଭ କରିଥିଲେ । ଏହି ନମ୍ବରରେ ଲୋକମାନେ ଶିଶୁଙ୍କ ଉପରେ ହେଉଥିବା ଯୌନ ଅପରାଧକୁ ରୋକିବା ପାଇଁ ଅଭିଯୋଗ ବିରୁଦ୍ଧରେ ଏତଲା ଦେଉଥିଲେ । ତେବେ ଏହି ନମ୍ବରର ଲଞ୍ଚ୍ ହେବା ପରେ ୨ ବର୍ଷ ମଧ୍ୟରେ ଏଥିରେ ୧୦୪ ଟି କେସ୍ ସାମ୍ନାକୁ ଆସିଥିଲା । ତେବେ ଯୌନ ସଂବନ୍ଧୀୟ ବିଷୟକୁ ନେଇ ୨,୮୩୬ ଟି କଲ୍ ଆସିଛି । ତେବେ ଏନେଇ ପୋଲିସ୍ ଏବଂ ଏମଟିଏନଲରେ ମଧ୍ୟ ଅଭିଯୋଗ କରାଯାଇଛି ।
ତେବେ ଏଭଳି ମଧ୍ୟ କୁହାଯାଉଛି ଯେ ଇଣ୍ଟରନେଟ୍ ରେ ଲୋକମାନେ ପର୍ଣ୍ଣ ସାଇଟକୁ ଖୋଲି ଦେଖିବାକୁ ଚେଷ୍ଟା କରିଥିବେ କିନ୍ତୁ ଶିଶୁ ସହାୟତା କେନ୍ଦ୍ରର ଟୋଲ୍ ଫ୍ରି ନମ୍ବର ଆଗକୁ ଆସିଥିବ । ଏହି ଟୋଲ୍ ଫ୍ରି ନମ୍ବରକୁ ଦେଖି ଲୋକମାନେ ଫୋନ୍ କରି ଯୌନ ସମ୍ବନ୍ଧୀୟ ବିଷୟରେ ଜାଣିବାକୁ ଚେଷ୍ଟା କରୁଛନ୍ତି ।