ଓଡିଶାରେ ଆନ୍ଧ୍ରର ଅନୁପ୍ରବେଶ । କୋରାପୁଟ କୁଟିଆ ପଂଚାୟତର ବିବାଦୀୟ ୨୧ଟି ଗାଁରେ ଆନ୍ଧ୍ରପ୍ରଦେଶ ବାଂଟିଲା କମ୍ବଳ ଓ ଭତ୍ତା
କନକ ବ୍ୟୁରୋ: ଓଡିଶାରେ ଆନ୍ଧ୍ରର ଅନୁପ୍ରବେଶ । କୋରାପୁଟ ଜିଲ୍ଲା ପଟାଙ୍ଗୀ ବ୍ଲକ ଅନ୍ତର୍ଗତ କୁଟିଆ ପଂଚାୟତର ୨୧ଟି ଗାଁରେ ଆନ୍ଧ୍ର ପ୍ରଦେଶ ତାହାର ଦବଦବା ଜାହିର କରିଛି । ଏହି ବିବାଦୀୟ ଅଂଚଳରେ ବିଜୟନଗର ଜିଲ୍ଲାର ଜିଲ୍ଲାପାଳ, ପିଡି, ଉପଜିଲ୍ଲାପାଳ, ବିଡିଓ, ତହସିଲଦାର, ପୂର୍ବତନ ବିଧାୟକ ପ୍ରମୁଖ ପହଂଚି ଜନ୍ମଭୂମି କାର୍ଯ୍ୟକ୍ରମ କରିଛନ୍ତି । ଏହି କାର୍ଯ୍ୟକ୍ରମ ମାଧ୍ୟମରେ ତଳଗେଂଜଇପଦରରେ କମ୍ବଳ, ପଲିଥିନ, ସୋଲାର ଲାଇଟ, ଜବକାର୍ଡ, ବାର୍ଦ୍ଧିକ ଭତା ଆଦି ବାଂଟିଥିବା ଜଣାପଡିଛି । ଉପରସିମିଠାରେ ଅଧା ରହିଥିବା ରାସ୍ତା କାମ ସଂପୂର୍ଣ୍ଣ କରିବାକୁ ପ୍ରତିଶ୍ରୁତି ଦେଇଥିବା ଜଣାପଡିଛି । ଜନ୍ମଭୂମି କାର୍ଯ୍ୟକ୍ରମ ସଂପର୍କରେ ତେଲୁଗୁ ଭାଷାରେ ପୋଷ୍ଟର ମଧ୍ୟ ପ୍ରଦାନ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଆନ୍ଧ୍ର ପ୍ରଶାସନ କୋଟିଆ ପଂଚାୟତରେ ପ୍ରବେଶ କଲା ପରେ କୋରାପୁଟ ଜିଲ୍ଲାପାଳ ଅନୁପମ ସାହାଙ୍କ ନିର୍ଦ୍ଦେଶରେ କୋରାପୁଟ ଉପଜିଲ୍ଲାପାଳ କୃତିବାସ ରାଉତ ଓ ଅନ୍ୟାନ୍ୟ ଅଧିକାରୀମାନେ ତଳଗଂଜେଇପଦରରେ ପହଂଚି ଓଡିଶା ସରକାର ଅଂଚଳର ବିକାଶ କରୁଛି ଓ ଯାହା ସମସ୍ୟା ଅଛି ତାହା ସମାଧାନ କରାଯିବ ବୋଲି ବୁଝାଇଥିଲେ । ଆନ୍ଧ୍ର ସରକାରର ତଲଗଂଜେଇପଦର ଏକ ପଂଚାୟତ ରୂପେ ଗଠନ କରାଯାଇ ସରପଂଚ ନିର୍ବାଚନ ମଧ୍ୟ କରାଯାଉଛି । ସୁପ୍ରିମକୋର୍ଟ ଓଡିଶା ଓ ଆନ୍ଧ୍ର ରାଜ୍ୟ ସରକାରଙ୍କୁ ସ୍ଥିତ ଅବସ୍ଥା ବଜାୟ ରଖିବାକୁ ନିର୍ଦ୍ଦେଶ ଦେଇଥିବା ବେଳେ କିପରି ଆନ୍ଧ୍ର ସରକାର ପହଂଚି ବିଭିନ୍ନ ବିକାଶମୂଳକ କାର୍ଯ୍ୟକ୍ରମ କରୁଛି ଓ ଓଡିଶା ସରକାର କାହିଁକି ଚୁପ ବସିଛି ତାହାକୁ ନେଇ ଏବେ ପ୍ରଶ୍ନବାଚୀ ସୃଷ୍ଟି ହୋଇଛି ।
ସେପଟେ ରାଜ୍ୟସ୍ୱ ମନ୍ତ୍ରୀ ମହେଶ୍ୱର ମହାନ୍ତି ଏନେଇ ପ୍ରତିକ୍ରିୟା ରଖିଛନ୍ତି । ରାଜଞର ସୀମା ବିବାଦ ପାଇଁ ଗୃହ କମିଟି ରହିଛି । ବାଚସ୍ପତିଙ୍କ ଅଧୀନରେ ଗୃହ କମିଟି ରହିଛି । ଆନ୍ଦ୍ର ପ୍ରସଙ୍ଗକୁ ଗୃହ କମିଟି ଅନୁଧ୍ୟାନ କରୁଛି । ଖୁବ ଶୀଘ୍ର ବିଭାଗୀୟ ଅଧିକାରୀଙ୍କୁ ନେଇ ବୈଠକ ପରେ ପଦକ୍ଷେପ ନିଆଯିବ ବୋଲି ମହେଶ୍ୱର ମହାନ୍ତି କହିଛନ୍ତି ।