ବାଜି ମାରିଲେ ଛୋଟ ପରଦାର ନାୟିକା ! କ୍ୟାଟ୍ରିନାଙ୍କୁ ପଛରେ ପକାଇ ନିଆ ଶର୍ମା ହେଲେ ଏସିଆର ସେକ୍ସି ମହିଳା
ଏସିଆର ସବୁଠାରୁ ସେକ୍ସି ମହିଳା ତାଲିକାରେ ‘ଜମାଇରାଜା’ ଅଭିନେତ୍ରୀ ନିଆ ଶର୍ମା ତୃତୀୟ ସ୍ଥାନ ଅଧିକାର କରିିଛନ୍ତି । ସେ ବଲିଉଡର ଲୋକପ୍ରିୟ ଅଭିନେତ୍ରୀ କ୍ୟାଟ୍ରିନା କୈଫ ଓ ଆଲିଆ ଭଟ୍ଟଙ୍କୁ ମଧ୍ୟ ପଛରେ ପକାଇ ଏଇ ତାଲିକାରେ ରହିବା ପାଇଁ ଯୋଗ୍ୟତା ଅର୍ଜନ କରିଛନ୍ତି । ଏଥିପାଇଁ ଟେଲିଭିଜନ ଅଭିନେତ୍ରୀ ନିଆଙ୍କ 
ଗୋଡ ଆଉ ତଳେ ଲାଗୁନି । ଏସିଆର ସବୁଠାରୁ ସେକ୍ସି ମହିଳା ତାଲିକାରେ ଦୀପିକା ପାଦୁକୋନ ପ୍ରଥମ ସ୍ଥାନରେ ଥିବାବେଳେ ପ୍ରିୟଙ୍କା ଚୋପ୍ରା ଅଛନ୍ତି ଦ୍ୱିତୀୟ ସ୍ଥାନରେ । ଏଇ ତାଲିକାର ତୃତୀୟ ସ୍ଥାନରେ ଅଛନ୍ତି ନିଆ ଶର୍ମା, ଯେଉଁଥିପାଇଁ ନିଆଙ୍କ ଅପେକ୍ଷା ତାଙ୍କ ପ୍ରସଂଶକ ଆଉ ଅଧିକ ଖୁସିଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଏଇ ଟେଲିଭିଜନ ଅଭିନେତ୍ରୀ ଜଣକ ‘ଏକ ହଜାରୋ ମେ ମେରୀ ବେହେନା ହେ’ ଜରିଆରେ ଛୋଟ ପରଦାରେ କ୍ୟାରିଅର ଆରମ୍ଭ କରିଥିଲେ । ତା ପରେ ‘ଜମାଇରାଜା’ ସିରିଏଲରେ ଅଭିନୟ କରି ସେ ଦର୍ଶକଙ୍କ ଦୃଷ୍ଟି ଆକର୍ଷଣ କରି ପାରିଥିଲେ । ସିରିଏଲ ବ୍ୟତିତ ଆୱାର୍ଡ ସେରିମନିରେ ସେ ତାଙ୍କର ସୁପର ସେକ୍ସି ଡ୍ରେସିଂ ଷ୍ଟାଇଲ ପାଇଁ ଅଧିକ ଚର୍ଚ୍ଚିତ । ଏହାସହ ଦୁବାଇ ଓ ଯୁଏସଏକୁ ତାଙ୍କର ଲାଟେଷ୍ଟ ଟ୍ରିପ ପାଇଁ ନିଆ ଅଧିକ ପ୍ରଶଂସକ ଏକାଠି କରିବାରେ ସଫଳ ହୋଇ ପାରିଥିଲେ ।