କ୍ୟାମେରାରେ କଏଦ ହୋଇଛି ଅଦ୍ଭୁତ ଜୀବ । ମଣିଷ, ଏଲିଏନ୍ ନା ଆଉ କୌଣସି ଜୀବ । ପର୍ତୁଗାଲ୍ ମରୁଭୂମିରେ ଏପରି ଏକ ଦୃଶ୍ୟ ଦେଖିବାକୁ ମିଳିଛି । ମରୁଭୂମିରେ ଚାଲି ଚାଲି ଯାଉଥିବା ଏହି ଜୀବଟି ଅଚାନକ୍ ଉଭାନ୍ ହୋଇଯାଇଛି । ଦୁଇଟି ଗୋଡ ଥିବା ବିଶାଳ ଏହି ମିଷ୍ଟିରିୟସ କ୍ରିଏଚରକୁ ନେଇ ଏପର୍ଯ୍ୟନ୍ତ କୌଣସି ସ୍ପଷ୍ଟ ସୂଚନା ମିଳିନାହିଁ । ସ୍ଥାନୀୟ ଅଂଚଳରେ ଥିବା କିଛି ଲୋକ ଏହି ଅଦ୍ଭୁତ ଜୀବକୁ ଦେଖି ଏହାକୁ କ୍ୟାମେରାରେ କଏଦ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
କ୍ୟାମେରାକୁ ଜୁମ୍ କରି ଏହିି ଦୃଶ୍ୟକୁ ଭଲକରି କଏଦ କରୁଥିବା ବେଳେ ଏକ ଗଛ ପଛରୁ ହଠାତ୍ ଜୀବଟି କୁଆଡେ ଉଭାନ ହୋଇଯାଇଥିଲା । ଭିଡିଓଟି ସାମ୍ନାକୁ ଆସିବା ପରେ ଏଥିରେ ଦେଖାଯାଉଥିବା ଅଦ୍ଭୁତ ଜୀବକୁ ନେଇ ଏବେ ବିତର୍କ ଜୋର ଧରିଛି । ଏହା ଲାଟିନ ଆମେରିକାରେ ଦେଖାଯାଉଥିବା ‘ଚୁପାକାବରା’ ବୋଲି ସନ୍ଦେହ କରାଯାଉଛି । ଅପରପକ୍ଷରେ ଭିଡିଓର କ୍ଲାରିଟି ନଥିବାରୁ ଏହି ଅଦ୍ଭୁତ ଜୀବକୁ ନେଇ କିଛି ସ୍ପଷ୍ଟ ହୋଇନାହିଁ । ସୋସିଆଲ ମିଡିଆରେ ଅପଲୋଡ୍ ହୋଇଥିବା ଏହି ଭିଡିଓ ଏବେ ଭାଇରାଲ୍ ହୋଇଛି ।