ମାଲକାନଗିରି : କମୁନି ମୃତ୍ୟୁ ସଂଖ୍ୟା । କମୁନି ମାରାତ୍ମକ ଜାପାନୀ ଏନସେଫାଲାଇଟିସର ପ୍ରଭାବ । ମାଲକାନଗିରିରେ ଜାରି ରହିଛି ଏହି ରୋଗରେ ମୃତ୍ୟୁ । ଗତକାଲି ୩ଜଣଙ୍କ ମୃତ୍ୟୁ ଘଟିଥିବା ଜଣାପଡିଛି । ଏହା ସହ ମୃତକଙ୍କ ସଂଖ୍ୟା ୧୯ ଛୁଇଁଛି । ଏବେ ବି ବହୁ ଶିଶୁ ଏହି ରୋଗରେ ପୀଡିତ ଥିବା ସୂଚନା ମିଳିଛି । ପୂର୍ବରୁ ଜିଲ୍ଲା ସ୍ୱାସ୍ଥ୍ୟ ବିଭାଗ ପଠାଇଥିବା ରକ୍ତ ନମୂନାରୁ ୧୫ଟି ନମୂନା ପଜିଟିଭ୍ ଥିବା ଭୁବନେଶ୍ୱର ଆଂଚଳିକ ଭେଷଜ ଗବେଷଣା ପ୍ରତିଷ୍ଠାନ ରିପୋର୍ଟରୁ ଜଣାପଡିଥିଲା ।
Kanak News is now on WhatsApp
Join and get latest news updates delivered to you via WhatsApp
ଏହା ପରେ ପ୍ରଶାସନ ପକ୍ଷରୁ ଏକ ଡାକ୍ତରୀ ଦଳ ମାଲକାନଗିରି ଜିଲ୍ଲା ମୁଖ୍ୟ ଡାକ୍ତରଖାନାରେ ରହି ଚିକିତ୍ସା କରୁଛନ୍ତି । ଅନ୍ୟପଟେ ଲୋକେ ଗୁଣିଆ ଦିଶାରିଙ୍କ ଉପରେ ଭରସା କରୁଥିବା ମଧ୍ୟ ଦେଖିବାକୁ ମିଳିଛି । ଜିଲ୍ଲା ପ୍ରଶାସନ ପକ୍ଷରୁ ଜିଲ୍ଲାର ବିଭିନ୍ନ ସ୍ଥାନରେ ସଚେତନତା କାର୍ଯ୍ୟକ୍ରମ ମଧ୍ୟ ଜାରି ରହିଛି । ୨୦୧୪ ମସିହାରେ ମଧ୍ୟ ଏହି ଏନସେଫାଲାଇଟିସ୍ ଯୋଗୁଁ ସ୍ଥାନୀୟ ଅଂଚଳରେ ଶିଶୁ ମଡକ ଲାଗି ରହିଥିଲା ।