ଲୋକସଭାରେ ପାଶ ହେଲା ତିନି ତଲାକ ବିଲ : ବିରୋଧୀଙ୍କ ସମସ୍ତ ସଂଶୋଧନ ପ୍ରସ୍ତାବ ଖାରଜ୍
କନକ ବ୍ୟୁରୋ : ଲୋକସଭାରେ ପାରିତ ହୋଇଛି ଐତିହାସିକ ମୁସଲମାନ ମହିଳା ବିବାହ ଅଧିକାର ସଂରକ୍ଷଣ ବିଲ୍ ୨୦୧୭ । ସାଧାରଣରେ ଏହାକୁ ଟ୍ରିପଲ ତଲାକ୍ ବିଲ୍ ବୋଲି କୁହାଯାଉଛି । ଏହି ବିଲ୍ ପାରିତ ହେବା ପରେ ମୁସଲିମ୍ ମହିଳାଙ୍କ ମଧ୍ୟରେ ଖୁସିର ଲହରି ଖେଳିଯାଇଛି । ଏଣିକି ଟ୍ରିପଲ ତଲାକ କରୁଥିବା ଲୋକଙ୍କୁ ଆଉ ନିସ୍ତାର ନାହିଁ । ନୂଆ ବିଲ୍ ଅନୁସାରେ ଏପରି କଲେ ତାଙ୍କ ବିରୋଧରେ ଜାମିନ ବିହୀନ ଗିରଫ ପରୱାନା ଜାରି ହେବା ସହ ୩ ବର୍ଷର ଜେଲ ଦଣ୍ଡର ବ୍ୟବସ୍ଥା ରହିଛି । 
ଲୋକସଭା ପରେ ଏବେ ଏହି ବିଲ ରାଜ୍ୟସଭାରେ ଆଗତ ହେବ । ପୂର୍ବରୁ ଆଇନମନ୍ତ୍ରୀ ରବି ଶଙ୍କର ପ୍ରସାଦ ଗୁରୁବାର ଏହି ବିଲ ଲୋକସଭାରେ ଆଗତ କରିଥିଲେ । ସେ କହିଥିଲେ ଏହା ସମାଜରେ ଥିବା ଏକ ଭୁଲ ବ୍ୟବସ୍ଥା, ଯେଉଁଥି ପାଇଁ ମହିଳାମାନେ ନିଜ ହକରୁ ବଂଚିତ ହୋଇଛନ୍ତି । ଏହା ନାରୀ ସଶକ୍ତିକରଣ ପାଇଁ ଏକ ଉଦ୍ୟମ ବୋଲି ମନ୍ତ୍ରୀ କହିଥିଲେ ।
ସୁପ୍ରିମକୋର୍ଟ ଏହି ବ୍ୟବସ୍ଥାକୁ ଏକ ପାପ୍ ବୋଲି କହିବା ପରେ ସଂସଦ କଣ ଚୁପ୍ ହୋଇ ବସି ରହିବ କି ବୋଲି କହିଥିଲେ କେନ୍ଦ୍ର ଆଇନ ମନ୍ତ୍ରୀ । ଏହି ବିଲକୁ ବିଭିନ୍ନ ସଂଗଠନ ସହ ଆଲୋଚନା କରି ଚୂଡାନ୍ତ କରିବାକୁ ପ୍ରସ୍ତାବ ଦେଇଥିଲା କଂଗ୍ରେସ । ଅନ୍ୟପଟେ ଏହି ବିଲର ବ୍ୟବସ୍ଥାରେ ତ୍ରୁଟି ଥିବା ଦର୍ଶାଇ ବିରୋଧ କରିଥିଲା ବିଜେଡି । ବିଭିନ୍ନ ମୁସଲିମ୍ ସଂଗଠନ ଏହି ବିଲକୁ ବିରୋଧ କରିଥିଲେ । ତେବେ କୌଣସି ସଂଶୋଧନ ବିନା ଏହି ବିଲ ପାରିତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ତିନ ତଲାକ ବିଲ ଲୋକସଭାରେ ପାଶ ହେବା ପରେ ମୁସଲମାନ ମହିଳାଙ୍କ ମଧ୍ୟରେ ଜବରଦସ୍ତ ଖୁସି ପ୍ରକାଶ ପାଇଛି । ବାଣ ଫୁଟାଇ ମୁସଲମାନ ମହିଳାମାନେ ଖୁସି ପାଳିଛନ୍ତି । ଏହା ଏକ ଐତିହାସିକ ଦିନ ବୋଲି ମୁସଲମାନ ମହିଳା ମାନେ କହିଛନ୍ତି । ଆଇନମନ୍ତ୍ରୀ ରବିଶଙ୍କର ପ୍ରସାଦ କହିଛନ୍ତି, ଏହା ଏକ ଐତିହାସିକ ଦିନ । ଏହା ମହିଳା ସମ୍ମାନ, ମହିଳା ଗାରିମା ଓ ମହିଳା ନ୍ୟାୟ ସହ ଜଡିତ ଅଛି । ବିଲ ପାଶ ହେବା ପରେ ମୁସଲମାନ ମହିଳା ଖୁସି ପ୍ରକାଶ କରିଛନ୍ତି ।