ଦକ୍ଷିଣ ଭାରତରେ ବଢିଚାଲିଛି ଆତଙ୍କବାଦୀଙ୍କ ଅନୁପ୍ରବେଶ ! ସରକାରଙ୍କୁ ସତର୍କ କରାଇଲା ଗୁଇନ୍ଦା ବିଭାଗ
ଦକ୍ଷିଣ-ଭାରତରେ ବିଶ୍ୱର ସବୁଠୁ କୁଖ୍ୟାତ ଆତଙ୍କବାଦୀ ସଂଗଠନ ଆଇଏସର ଅନୁପ୍ରବେଶ ବଢିଚାଲିଛି
କନକ ବ୍ୟୁରୋ : ଦକ୍ଷିଣ-ଭାରତରେ ବିଶ୍ୱର ସବୁଠୁ କୁଖ୍ୟାତ ଆତଙ୍କବାଦୀ ସଂଗଠନ ଆଇଏସର ଅନୁପ୍ରବେଶ ବଢିଚାଲିଛି । ଏ ନେଇ ଗୁଇନ୍ଦା ସଂସ୍ଥାମାନେ ସରକାରଙ୍କୁ ସତର୍କ କରାଇଦେଇଛନ୍ତି । ବିଶେଷକରି ତାମିଲନାଡୁ, କେରଳ ଓ ତେଲେଙ୍ଗାନାରେ ଆଇଏସ ଆତଙ୍କବାଦୀମାନଙ୍କ ନେଟଓ୍ଵାର୍କ ରହିଛି ବୋଲି ଗୁଇନ୍ଦା ରିପୋର୍ଟରେ କୁହାଯାଇଛି । ଗତ ମାସରେ ଶ୍ରୀଲଙ୍କାରେ ହୋଇଥିବା ସରିଜ ବୋମା ବିସ୍ଫୋରଣ ପରେ ତାହାର ଚେର ଦକ୍ଷିଣ ଭାରତକୁ ଲମ୍ବିଥିବା ଜଣାପଡିଥିଲା ।
Kanak News is now on WhatsApp
Join and get latest news updates delivered to you via WhatsApp
ଏପରିକି ଶ୍ରୀଲଙ୍କାରେ ଆତ୍ମଘାତି ଆକ୍ରମଣ କରିଥିବା ଆତଙ୍କବାଦୀମାନେ କେରଳରେ ତାଲିମ ନେଇଥିଲେ ବୋଲି ଶ୍ରୀଲଙ୍କାର ରାଷ୍ଟ୍ରପତି ମୈତ୍ରୀପାଳ ସିରିସେନା କହିଥିଲେ । ଗୁଇନ୍ଦା ରିପୋର୍ଟରେ ଆହୁରି ମଧ୍ୟ କୁହାଯାଇଛି ଯେ ସିରିଆକୁ ଯାଇଥିବା ଭାରତୀୟ ଯୁବକମାନେ ସେଠାରେ ଆଇଏସର ପରାଜୟ ପରେ ଭାରତକୁ ଫେରିଆସିଛନ୍ତି । ଭାରତରେ ହିଂସାକାଣ୍ଡ କରିବା ଲାଗି ସେମାନଙ୍କୁ ବିଦେଶରୁ ଅର୍ଥ ଆସୁଛି । ଆଗକୁ ଏମାନେ ଦେଶର ସୁରକ୍ଷା ପାଇଁ ବିପଦ ସୃଷ୍ଟି କରିବାର ଆଶଙ୍କା ରହିଛି । ତେବେ ଗୃହ ମନ୍ତ୍ରଣାଳୟ ଭାରତରେ ଆଇଏସର ଉପସ୍ଥିତି ସେତେଟା ଚିନ୍ତାଜନକ ନାହିଁ ବୋଲି କହିଛି ।