ଭାରତର ଅର୍ଥବ୍ୟବସ୍ଥା ପାଇଁ ଭଲ ଖବର : ବିଶ୍ବ ବ୍ୟାଙ୍କ ଆକଳନ, ୭.୫% ହାରରେ ଆଗକୁ ବଢ଼ିବ ଭାରତ
ଭାରତର ଅର୍ଥବ୍ୟବସ୍ଥା ପାଇଁ ଭଲ ଖବର । ପୁଞ୍ଜିନିବେଶ, ବିଶେଷ କରି ଘରୋଇ କ୍ଷେତ୍ରରେ ପୁଞ୍ଜିନିବେଶ ବଢ଼ିବ। ରପ୍ତାନୀ ପ୍ରଦର୍ଶନରେ ଉନ୍ନତି ହେବ। ଗ୍ରାହକଙ୍କ ଉପଯୋଗିତା ମଧ୍ୟ ବଢ଼ିବ। ଏହାର ପ୍ରଭାବରେ ୨୦୧୯-୨୦ରେ ଭାରତର ମୋଟ ଘରୋଇ ଉତ୍ପାଦ (ଜିଡିପି) ଅଭିବୃଦ୍ଧି ୭.୫% ହେବ ବୋଲି ବିଶ୍ବବ୍ୟାଙ୍କ ଆକଳନ କରିଛି। ବିଶ୍ବ ବ୍ୟାଙ୍କ ଓ ଆନ୍ତର୍ଜାତିକ ମୁଦ୍ରା ପାଣ୍ଠି (ଆଇଏମଏଫ)ର ଆଗାମୀ ଦିନରେ ହେବାକୁ ଥିବା ବୈଠକ ପୂର୍ବରୁ ବିଶ୍ବ ବ୍ୟାଙ୍କ ଜାରି କରିଥିବା ଏହାର ସଦ୍ୟତମ ରିପୋର୍ଟରେ ଏଭଳି ଆକଳନ କରିଛି। ଏଥିରେ ଏହା କହିଛି ଯେ, ୨୦୧୮-୧୯ରେ ଭାରତର ଅଭିବୃଦ୍ଧି ହାର ୭.୨% ରହିବ। ୨୦୧୯-୨୦ରେ ତାହା ୭.୫%କୁ ବଢ଼ିବ। ସବୁ କ୍ଷେତ୍ରର ପ୍ରଦର୍ଶନ ଭଲ ରହିବା ଯୋଗୁଁ ଭାରତର ଅର୍ଥନୀତି ଆଗକୁ ବଢ଼ିବ।
Kanak News is now on WhatsApp
Join and get latest news updates delivered to you via WhatsApp
ବର୍ଷର ପ୍ରଥମ ତିନି ମାସର ପ୍ରଦର୍ଶନକୁ ବିଚାରକୁ ନେଇ ବିଶ୍ବ ବ୍ୟାଙ୍କ କହିଛି। ଏହି ତିନି ମାସରେ ଶିଳ୍ପ ଅଭିବୃଦ୍ଧି ୭.୯% ରହିଥିବା ବେଳେ ସେବା କ୍ଷେତ୍ରରେ ଯେଉଁ ଅବନତିର ଧାରା ଜାରି ରହିଥିଲା ସେଥିରେ ସୁଧାର ହୋଇଛି। କୃଷି ଅଭିବୃଦ୍ଧି ହାର ୪% ରହିଛି। ଦେଶର ଅଭିବୃଦ୍ଧି ବଢ଼ିଲେ ଖାଦ୍ୟ ମୁଦ୍ରାସ୍ଫୀତିରେ ସଂଶୋଧନ ହେବ ଏବଂ ତାହା ୪% ଭଳି ସ୍ତରରେ ପହଞ୍ଚିବ। ଏହା ବ୍ୟତୀତ ଦେଶର ଉଭୟ ଚଳନ୍ତା ଏବଂ ବିତ୍ତୀୟ ନିଅଣ୍ଟ ସଙ୍କୁଚିତ ହେବ ବୋଲି ବିଶ୍ବ ବ୍ୟାଙ୍କ କହିଛି।