ଦିଲ୍ଲୀରେ ପ୍ରବାଦ ପୁରୁଷ ବିଜୁବାବୁଙ୍କ ବିରଳ ଫଟୋ ପ୍ରଦର୍ଶନୀ: ପୁଅ ପ୍ରେମ ପଟ୍ଟନାୟକ ଓ ନାତି ଅରୁଣ ପଟ୍ଟନାୟକ କହିଲେ, ଆମେ ଗର୍ବିତ; ରାଜନୀତିକୁ ଆସିବା ପ୍ରସଙ୍ଗକୁ ଏଡାଇ ଗଲେ ଅରୁଣ
ମୁକ୍ତି ଆନ୍ଦୋଳନରେ ବିଜୁ ବାବୁଙ୍କ ଅବଦାନକୁ ମନେ ପକାଇଲା ଇଣ୍ଡୋନେସିଆ
କନକ ବ୍ୟୁରୋ: ଇଣ୍ଡୋନେସିଆ ମୁକ୍ତି ଆନ୍ଦୋଳନରେ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଅବଦାନ ଓ ଉପଲବ୍ଧିକୁ ନେଇ ଦିଲ୍ଲୀରେ ବିରଳ ଫଟୋ ଚିତ୍ର ପ୍ରଦର୍ଶନୀ । ଇଣ୍ଡୋନେସିଆବାସୀ ଆଜି ବି ବିଜୁ ବାବୁଙ୍କ ଅବଦାନକୁ କିଭଳି ମନେ ରଖିଛନ୍ତି ସେହି ଉଦ୍ଦେଶ୍ୟରେ ଏହି ଫଟୋ ଚିତ୍ର ପ୍ରଦର୍ଶନୀ ଆୟୋଜିତ ହୋଇଛି । ନୂଆ ଦିଲ୍ଲୀ ସ୍ଥିତ ଇଣ୍ଡୋନେସିଆ ଦୂତାବାସରେ ଆୟୋଜିତ ପ୍ରଦର୍ଶନୀରେ ଯୋଗ ଦେଇଛନ୍ତି ବିଜୁ ବାବୁଙ୍କ ବଡ ପୁଅ ପ୍ରେମ ପଟ୍ଟନାୟକ ଓ ନାତି ଅରୁଣ ପଟ୍ଟନାୟକ ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହି ଅବସରରେ କନକ ନ୍ୟୁଜକୁ ଏକ୍ସକ୍ଲୁସିଭ ସାକ୍ଷାତାକାର ଦେଇ ପ୍ରେମ ପଟ୍ଟନାୟକ କହିଛନ୍ତି, ଇଣ୍ଡୋନେସିଆ ପାଇଁ ବିଜୁ ବାବୁଙ୍କ ଅବଦାନରେ ଆମେ ଗର୍ବିତ । ସେପଟେ ରାଜନୀତିରେ ପ୍ରବେଶ ପ୍ରସଙ୍ଗକୁ ଏଡାଇ ଯାଇଛନ୍ତି ଅରୁଣ ପଟ୍ଟନାୟକ । ନବୀନଙ୍କ ରାଜନୈତିକ ଉତ୍ତରାଧିକାରୀ ପୁତୁରା ଅରୁଣ ହେବା ନେଇ ବିଭିନ୍ନ ସମୟରେ ଚର୍ଚ୍ଚା ହେଉଥିବା ବେଳେ ଏନେଇ ନୀରବ ରହିଛନ୍ତି ଅରୁଣ ପଟ୍ଟନାୟକ ।
ଏଠାରେ ଆମେ କହିରଖୁଛୁ କି, କିଛିଦିନ ତଳେ ବିଜୁ ଜନତା ଦଳର ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ପୁତୁରା ଅରୁଣ ପଟ୍ଟନାୟକ ରାଜନୀତିରେ ପ୍ରବେଶ କରିବା ନେଇ ବିଭିନ୍ନ ମହଲରେ ଚର୍ଚ୍ଚା ଜୋର ଧରିଥିଲା । ଏପରିକି ପୁତୁରା ଅରୁଣ ପଟ୍ଟନାୟକଙ୍କୁ ରାଜନୀତିକୁ ଆଣିବା ପାଇଁ ନବୀନ ସାଧାରଣ ନିର୍ବାଚନରେ ଦୁଇ ଦୁଇଟି ଆସନରୁ ଲଢୁଥିବା ନେଇ ମଧ୍ୟ ଚର୍ଚ୍ଚା ହେଉଥିଲା । ତେବେ ରାଜନୀତିରେ ପ୍ରବେଶ ପ୍ରସଙ୍ଗକୁ ଏଡାଇ ଦେଇଛନ୍ତି ନବୀନଙ୍କ ପୁତୁରା । ନବୀନଙ୍କ ରାଜନୈତିକ ଉତ୍ତରାଧିକାରୀ ପୁତୁରା ଅରୁଣ ହେବା ନେଇ ବିଭିନ୍ନ ସମୟରେ ଚର୍ଚ୍ଚା ହେଉଥିବା ବେଳେ ଅରୁଣ ପଟ୍ଟନାୟକ ଏନେଇ ନୀରବ ରହିଛନ୍ତି ।