ରେଲୱେ ବୋର୍ଡ ଘୋଷଣା କଲା ନୂଆ ତାରିଖ ! ଗ୍ରୁପ୍ ଡିରେ ଆବେଦନ କରିଥିବା ପ୍ରାର୍ଥୀଙ୍କ ପାଇଁ ଆଣିଲା ଖୁସି ଖବର ।
ଯଦି ଆପଣ ବି ରେଲୱେ ରିକ୍ୟୁଟମେଣ୍ଟ୍ ବୋର୍ଡ (ଆରଆରବି) ତରଫରୁ କରାଯାଇଥିବା ଗ୍ରୁପ୍ ଡି ପରୀକ୍ଷା ପାଇଁ ଆବେଦନ କରିଛନ୍ତି ତେବେ ରେଳବାଇ ଆପଣଙ୍କୁ କିଛି ସମୟର ଆରାମ ଦେଇଛି । ଗ୍ରୁପ୍ ଡିର କମ୍ପ୍ୟୁଟର ବେସଡ୍ ପରୀକ୍ଷା ୧୨ ରୁ ୧୪ ଡିସେମ୍ବର ମଧ୍ୟରେ ହେବାକୁ ଥିବାବେଳେ ଗ୍ରୁପ୍ ସି ପରୀକ୍ଷା ଅନୁସାରେ ଲୋକୋ ପାଇଲେଟ୍ ଏବଂ ଟେକନିସିଆନ୍ ପଦ ପାଇଁ ଦ୍ୱିତୀୟ ପର୍ଯ୍ୟାୟର ପରୀକ୍ଷା ୧୨ ଡିସେମ୍ବରକୁ ହେବାକୁ ଯାଉଥିଲା ।
Kanak News is now on WhatsApp
Join and get latest news updates delivered to you via WhatsApp
ଏମିତିରେ ଆସିଷ୍ଟାଣ୍ଟ୍ ଲୋକୋ ପାଇଲେଟ୍ ଏବଂ ଟେକନିସିଆନ୍ ପରୀକ୍ଷା ପାଇଁ ଦ୍ୱିତୀୟ ପର୍ଯ୍ୟାୟର ପରୀକ୍ଷା ସହ ଗ୍ରୁପ୍ ଡି ପାଇଁ ମଧ୍ୟ ପରୀକ୍ଷା ଦେବାକୁ ପଡିଥାନ୍ତା । ଯାହା ଅନେକ ପରୀକ୍ଷାର୍ଥୀ ପାଇଁ ଚିନ୍ତାର କାରଣ ପାଲଟିଥିଲା । କିନ୍ତୁ ଏବେ ରେଲୱେ ଏଏଲପି ଏବଂ ଟେକନିସିଆନର ଦ୍ୱିତୀୟ ପର୍ଯ୍ୟାୟ ପାଇଁ ହେବାକୁ ଯାଉଥିବା ସିବିଟିର ତାରିଖକୁ ଆଗକୁ ବଢାଇ ଦେଇଛି ।
୧୨ ରୁ ୧୪ ଡିସେମ୍ବର ମଧ୍ୟରେ ହେବ ଗ୍ରୁପ୍ ଡି ପରୀକ୍ଷା :
ଏବେ ଲକ୍ଷାଧିକ ପ୍ରାର୍ଥୀ ୧୨ ରୁ ୧୪ ଡିସେମ୍ବର ମଧ୍ୟରେ ଗ୍ରୁପ୍ ଡି ପରୀକ୍ଷା ଦେବାସହ ଗ୍ରୁପ୍ ସି ପାଇଁ ପରେ ମଧ୍ୟ ପରୀକ୍ଷା ଦେଇପାରିବେ । ଏବେ ଏଏଲପି ଏବଂ ଟେକନିସିଆନର ଦ୍ୱିତୀୟ ପର୍ଯ୍ୟାୟ ପରୀକ୍ଷା ୧୨ ବଦଳରେ ୨୪ ଡିସେମ୍ବରକୁ ହେବ ।