କନକ ବ୍ୟୁରୋ: ଚିନ୍ତା ବଢାଉଛି ବ୍ରାହ୍ମଣୀ । ବ୍ରାହ୍ମଣୀ ନଦୀରେ ବନ୍ୟା ଜଳ ପରେ ଯାଜପୁର ବରିରେ ଘାଇ ସୃଷ୍ଟି ହୋଇଛି । ୧୫ଟି ପଂଚାୟତର ୩୦ଟି ଗାଁ ପାଣି ଘେରରେ । ଜେନାପୁରର ରାସ୍ତା ଉପରେ ମଧ୍ୟ ବୋହୁଛି ବନ୍ୟା ପାଣି । ରେଙ୍ଗାଳିଠାରେ ୧୦ଟି ଗେଟ୍ ଖୋଲାଯିବା ପରେ ବ୍ରାହ୍ମଣୀ ନଦୀରେ ଜଳସ୍ତର ବୃଦ୍ଧିପାଇଛି ।
Kanak News is now on WhatsApp
Join and get latest news updates delivered to you via WhatsApp
ବ୍ରାହ୍ମଣୀ ନଦୀ ଜେନାପୁର ଠାରେ ବିପଦ ସଙ୍କେତ ୬୭ଫୁଟ ରହିଥିବା ବେଳେ ବର୍ତ୍ତମାନ ଜଳସ୍ତର ୬୭.୬୦ଫୁଟରେ ପ୍ରବାହିତ ହେଉଛି । ବନ୍ୟାସ୍ଥିତିକୁ ନେଇ ଅଂଚଳବାସୀ ଭୟଭୀତ ଥିବା ବେଳେ ବଢିପାଣି ଚାଷ ଜମିରେ ପଶି ନଷ୍ଟ କରୁଛି । ଦୁର୍ବଳ ନଦୀ ବନ୍ଧଗୁଡିକ ଉପରେ ସତର୍କ ଦୃଷ୍ଟି ରଖାଯାଇଛି ବୋଲି ଜଳସେଚନ ବିଭାଗ ପକ୍ଷରୁ କୁହାଯାଇଛି । ଅନ୍ୟପଟରେ ଧର୍ମଶାଳା ବ୍ଳକ ଇମାମନଗର ଠାରେ ଏକ କଲଭର୍ଟ ଭାସିଯିବାରୁ ଗମନାଗମନ ଏକପ୍ରକାରେ ଠପ୍ ହୋଇଯାଇଛି ।
ସେପଟେ ଭୋଗରାଇରେ ସୁବର୍ଣ୍ଣରେଖା ଜଳସ୍ତର ବିପଦସଙ୍କେତ ତଳେ ରହିଛି । ଭୋଗରାଇର ତଳିଆ ଅଂଚଳରେ ଏବେବି ଅନେକ ଲୋକ ପାଣି ଘେରରେ ଅଛନ୍ତି । ସୁବର୍ଣ୍ଣରେଖାର ବଢି ପାଣିରେ ଶହ ଶହ ଲୋକ ଜଳବନ୍ଦୀ ହୋଇଛନ୍ତି । ଅନ୍ୟପଟେ ଜଳସ୍ତର କମୁଥିବା ସ୍ଥାନଗୁଡିକରେ ଲୋକଙ୍କ ଦୁର୍ଦ୍ଦଶା ବଢିବାରେ ଲାଗିଛି । ଗତ ୫ ଦିନ ହେଲା ଭୋଗରାଇର ଅନେକ ଗାଁ ପାଣି ଘେରରେ ରହିଛି । ୫୭ନମ୍ବର ଜାତୀୟ ରାଜପଥରେ ୧ କିଲୋମିଟର ପର୍ଯ୍ୟନ୍ତ ପାଣି ଜମି ରହିଥିବାରୁ ଯାତାୟତ ବନ୍ଦ ରହିଛି । ପ୍ରଶାସନ ଏଯାଏଁ ଲୋକଙ୍କ ନିକଟରେ ପହଂଚିପାରିନାହିଁ ।
କେନ୍ଦ୍ରାପଡା ଜିଲ୍ଲାର କାଣୀ, ଖରସ୍ରୋତା ଓ ବ୍ରାହ୍ମଣୀ ନଦୀରେ ବନ୍ୟା ଆସିବା ଫଳରେ ପେଣ୍ଠପାଳ,ସିଂହଗାଁ ଓ ଅଳପୁଆ ପଂଚାୟତର ପ୍ରାୟ ୧୫ଟି ଗାଁ ଜଳମଗ୍ନ ହୋଇଛି । ୧୫ଟି ଗାଁ ବାହ୍ୟ ଜଗତରୁ ସଂପୂର୍ଣ୍ଣ ବିଚ୍ଚିନ୍ନ ହୋଇଯାଇଛି । ଏ ପର୍ଯ୍ୟନ୍ତ କୌଣସି ସରକାରୀ ସହାୟତା ପହଚିଂପାରିନି ।