୧୫ ବର୍ଷ ବୟସରେ ରେଷ୍ଟୁରାଂଟରେ କାମ କରି ରୋଜଗାର କରୁଥିଲେ ମାତ୍ର ୧୨୦ ଟଙ୍କା ! ଆଜିକା ଦିନରେ ମୋନାଲିସା ହେଉଛନ୍ତି ସିନେମା ଜଗତର ସବୁଠାରୁ ହିଟ୍ ନାୟିକା
ଭୋଜପୁରୀ ସିନେମା ଜଗତର ଖ୍ୟାତନାମା ଅଭିନେତ୍ରୀ ମୋନାଲିସାଙ୍କର ଜନ୍ମ ଏକ ବଙ୍ଗାଳି ପରିବାରରେ ହୋଇଥିଲା । ୫୦ରୁ ଅଧିକ ଭୋଜପୁରୀ ସିନେମାରେ କାମ କରିସାରିଥିବା ମୋନାଲିସା ରିୟଲିଟି ସୋ ବିଗ ବସ୍-ସିଜନ ୧୦ ଏବଂ ନଚ ବଲିଏ-୮ର ପ୍ରତିଯୋଗୀ ମଧ୍ୟ ରହି ଆସିଛନ୍ତି । ମୋନାଲିସା ନିଜ ମାମୁଁଙ୍କ ପରାମର୍ଶରେ ନିଜର ନାଁ ଅକ୍ଷରା ବିଶ୍ୱାରକୁ ବଦଳାଇ ମୋନାଲିସା ରଖି ଦେଇଥିଲେ । ତେବେ ଆପଣ ଜାଣିଛନ୍ତି କି ଭୋଜପୁରୀ ସିନେମାର ଏହି ହିଟ୍ ନାୟିକା ଏକ ସମୟରେ ଟଙ୍କା ପାଇଁ ରେଷ୍ଟୁରାଂଟରେ ମଧ୍ୟ କାମ କରିସାରିଛନ୍ତି । ଆଉ ଏଥିପାଇଁ ତାଙ୍କୁ ମିଳୁଥୁଲା ମାତ୍ର ୧୨୦ ଟଙ୍କା । ଯଦି ଜାଣି ନାହାଁନ୍ତି ତେବେ ଆଜି ଆମେ ଜଣାଇବୁ କି ବାସ୍ତବରେ କେତେ ସଂଘର୍ଷମୟ ଥିଲା ମୋନାଲିସାଙ୍କ ଜୀବନ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ମୋନାଲିସାଙ୍କୁ ଯେତେବେଳେ ମାତ୍ର ୧୫ ବର୍ଷ ହୋଇଥିଲା ସେତେବେଳେ ସେ ଏକ ରେଷ୍ଟୁରାଂଟରେ କାମ କରୁଥିଲେ । ଯେଉଁଥିରେ ତାଙ୍କୁ ପାରଶ୍ରମିକ ବାବଦକୁ ପ୍ରତିଦିନ ମାତ୍ର ୧୨୦ ଟଙ୍କା ମିଳୁଥିଲା । ଏକ ସାକ୍ଷାତକାରରେ ମୋନାଲିସା କହିଥିଲେ, ତାଙ୍କର ଏହି ସଂଘର୍ଷପୂର୍ଣ୍ଣ କାହାଣୀ । ମୋନାଲିସା କହିଥିଲେ, ମୋର ପ୍ରଥମ ଚାକିରୀ କୋଲକତାର ଏକ ରେଷ୍ଟୁରାଂଟରେ ୱେଟର ଭାବେ ଆରମ୍ଭ ହୋଇଥିଲା । ସେହି ସମୟରେ ମୁଁ କେବଳ ୧୦ମ ଯାଏ ହିଁ ପାଠପଢି ଥିଲି ଏବଂ ମୋତେ ସେଠାରେ ମୋ ପରିବାର ଲୋକଙ୍କୁ ଆର୍ଥିକ ସହାୟତା କରିବା ପାଇଁ ଚାକିରୀ କରିବାକୁ ପଡିଥିଲା ।
ଏଠାରେ ଆମେ କହି ରଖୁଛୁ କି, ମୋନାଲିସାଙ୍କ ବାପା ଏକ ଟ୍ରାଭେଲ୍ ଏଜେନ୍ସିରେ କାମ କରୁଥିଲେ ଏବଂ ତାଙ୍କୁ ଏଥିରେ ବହୁତ କ୍ଷତି ସହିବାକୁ ପଡିଥିଲା । ଏପରିକି ଏକ ଏଭଳି ସମୟ ଆସିଥିଲା କି ତାଙ୍କ ପାଖରେ ଭଲରେ ଦୁଇ ଓଳି ଖାଇବାକୁ ଟଙ୍କା ବି ନଥିଲା । ଆଉ ଏହି ସମୟରେ ହିଁ ତଥା ଘରର ଆର୍ଥିକ ଅବସ୍ଥାକୁ ଦୃଷ୍ଟିରେ ରଖି ମୋନାଲିସା ମାତ୍ର ୧୫ ବର୍ଷରେ ରେଷ୍ଟୁରାଂଟରେ କାମ କରିବାକୁ ବାଧ୍ୟ ହୋଇଥିଲେ । ମୋନାଲିସାଙ୍କ କହିବା ମୁତାବକ, ଯେତେବେଳେ କୋଲକତାର ବିନିତ ରେଷ୍ଟୁରାଂଟରେ ସେ କାମ କରୁଥିଲେ ସେତେବେଳେ ତାଙ୍କୁ ପାରିଶ୍ରମିକ ବାବଦକୁ ଦିନକୁ ମିଳୁଥିଲା ମାତ୍ର ୧୨୦ ଟଙ୍କା । ସେଠାରେ ସେ ପାଖାପାଖି ୮ ମାସ ଯାଏ କାମ କରିଥିଲେ ।
ପରବର୍ତ୍ତୀ ସମୟରେ ମୋନାଲିସା ତାଜ୍ ବଙ୍ଗଳାରେ ଜଣେ ଗେଷ୍ଟ ଏକ୍ସିକ୍ୟୁଟିଭ ରିଲେସନସିପ ତଥା ଜିଆରଇ ଭାବେ କାମ କରିଥିଲେ ଏବଂ ଯେଉଁଥିରୁ ତାଙ୍କୁ ପ୍ରତିଦିନ ମିଳୁଥିଲା ୧୭୦ ଟଙ୍କା । ସେଠାରେ ପାଖାପାଖି ବର୍ଷେ ଯାଏ କାମ କରିବା ପରେ ମୋନାଲିସା ଓବରୟ ଗ୍ରାଣ୍ଡ ହୋଟେଲରେ ଜିଆରଇ ମ୍ୟାନେଜର ଭାବେ କାମ କରିଥିଲେ । ଏହାପରେ ମୋନା ମଡଲିଂ କରିବା ଆରମ୍ଭ କରିଦେଇଥିଲେ । ହେଲେ ଚାକିରୀ ସେ ସେ ପର୍ଯ୍ୟନ୍ତ ଛାଡିନଥିଲେ ଯେପର୍ଯ୍ୟନ୍ତ ତାଙ୍କୁ କୌଣସି ବଡ ପ୍ରୋଜେକ୍ଟ ମିଳିନଥିଲା । କିଛି ଦିନ ପରେ ଏକ ସିନେମାରେ ଛୋଟ ଭୂମିକାରେ କାମ କରିବାକୁ ମୋନାଙ୍କୁ ଅଫର ମିଳିଥିଲା । ଆଉ ମୋନାଙ୍କର ଦମଦାର ଅଭିନୟରେ ଆକୃଷ୍ଟ ହୋଇ ତାଙ୍କୁ ନିଜ ସିନେମାରେ ନେବା ପାଇଁ ଅନେକ ପ୍ରଡ୍ୟୁସଙ୍କର ଲାଇନ ଲାଗିଥିଲା । ତେବେ ମାତ୍ର ୧୨୦ଟଙ୍କାରେ କାମ ଆରମ୍ଭ କରିଥିବା ମୋନାଲିସା ଆଜିକା ଦିନରେ ହୋଇପାରିଛନ୍ତି ଜଣେ ସଫଳ ନାୟିକା ।
ସୌଜନ୍ୟ-ଜନସତ୍ତା