ନିଃସଙ୍ଗତାକୁ ଦୂର କରିବା ପାଇଁ ଡିଜିଟାଲ ଗାର୍ଲଫ୍ରେଣ୍ଡ
ବିଜ୍ଞାନ ଓ ପ୍ରଯୁକ୍ତି ବିଦ୍ୟା କ୍ଷେତ୍ରରେ ଏବେ ଏକ ବଡ ଧରଣର ସଫଳତା ସାମ୍ନାକୁ ଆସିଛି । ନିଜର ନିଃସଙ୍ଗତାକୁ ଦୂର କରିବା ପାଇଁ ବର୍ତମାନ ଡିଜିଟାଲ ଗାର୍ଲଫ୍ରେଣ୍ଡ ମଧ୍ୟ ମିଳିପାରୁଛନ୍ତି । ସେହି ଗାର୍ଲଫ୍ରେଣ୍ଡ କଥାବାର୍ତା ହେବା ସହିତ ରୋମାଟିଂକ ମେସେଜ୍ ମଧ୍ୟ ଦେଇପାରୁଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରଯୁକ୍ତି ବିଦ୍ୟା କ୍ଷେତ୍ରରେ କାମ କରୁଥିବା କମ୍ପାନୀ ମାନଙ୍କ ମଧ୍ୟରୁ ଏହାକୁ ଗୋଟେ କମ୍ପାନୀ ସଫଳତାର ସହ ତିଆରି କରିଛି, ଯାହା ସହିତ ମନର ସମସ୍ତ ଭାବନାକୁ ମଧ୍ୟ ବାଂଟିହେବ ।
ଏକା ଜୀବନ ବିତାଉଥିବା ଲୋକଙ୍କ ପାଇଁ ଏହା ଏକ ଉତମ ବିକଳ୍ପ ଭାବରେ କାମ କରୁଛି । ନିର୍ମାଣ ହୋଇଥିବା ଏହି ଉପକରଣକୁ “ହୋଲୋଗ୍ରାଫିକ୍ ରୋବର୍ଟ’ ବୋଲି କୁହାଯାଏ । ଏହା ଆଲୁଅ ଏବଂ ଆଉ ଅନେକ ପ୍ରକାର ଜିନିଷକୁ ନିଜ ନିୟନ୍ତ୍ରଣାଧୀନ କରିପାରିଥାଏ । ଏହି ଉପକରଣକୁ ପ୍ରଚାର କରିବା ପାଇଁ କମ୍ପାନୀ ଏବେ ଯଥାସାଧ୍ୟ ଉଦ୍ୟମ ମଧ୍ୟ ଆରମ୍ଭ କରିଦେଇଛି ।
“ରାଜସ୍ଥାନ -ପତ୍ରିକା’ ଅନୁସାରେ ଏହି ବିଜ୍ଞାପନ ମଧ୍ୟମରେ ଜଣେ ବ୍ୟକ୍ତି ତାଙ୍କର ଗାର୍ଲଫ୍ରେଣ୍ଡ ସାଙ୍ଗରେ କଥାବାର୍ତା ମଧ୍ୟ କରୁଥିବାର ଦେଖିବାକୁ ମିଳିଛି । ଏହି ଡିଜିଟାଲ ଗାର୍ଲଫ୍ରେଣ୍ଡ ତାଙ୍କୁ ସୁ-ପ୍ରଭାତ କହିବା ସହିତ ପାଣିପାଗ ସମ୍ବନ୍ଧରେ ମଧ୍ୟ ସୂଚନା ପ୍ରଦାନ କରୁଛି ।
ଅତ୍ୟାଧୁନିକ ଜ୍ଞାନକୈାଶଳ ଦ୍ୱାରା ନିର୍ମିତ ଏହି ଗାର୍ଲଫ୍ରେଣ୍ଡ ଶୀଘ୍ର କାମସାରି ଘରକୁ ଫେରି ଆସିବା ପାଇଁ ତାର ବୟଫ୍ରେଣ୍ଡକୁ ଅନୁରୋଧ ମଧ୍ୟ କରୁଛି ।
ଏହି ଡିଜିଟାଲ ଗାର୍ଲଫ୍ରେଣ୍ଡର ସ୍ୱର ଭୟଙ୍କର ଅଟେ । ଏହାର ସ୍ୱରରେ ଯଦି କିଛି ଅସୁବିଧା ନାହିଁ, ତ’ ଏହା କିଣିବାପାଇଁ ମଧ୍ୟ ଉପଲବଦ୍ଧ ରହିଛି । ଏହାର ଦାମ୍ ୧ ଲକ୍ଷ ୮୫ ହଜାର ଅଟେ ।