ଭାରତ ପାଇଁ ଚିନ୍ତା ବଢ଼ିଲା ! ଦିଲ୍ଲୀଠାରୁ ମାତ୍ର ୧୩୫୦ କିମି ଦୂରରେ ଚୀନ ତିଆରି କଲା ବଙ୍କର
କନକ ବ୍ୟୁରୋ : ଚୀନ୍ ଏବେ ପୁଣି ଥରେ ଭାରତକୁ ଚାପରେ ରଖିବା ପାଇଁ ଚାଲ୍ ଖେଳିଛି। ତିବ୍ବତ ସ୍ବତନ୍ତ୍ର ଅଂଚଳରେ ଚୀନ୍ ଲାସା ସ୍ଥିତ ଗୋଙ୍ଗର ବିମାନ ବନ୍ଦରରେ ନିଜ ସୈନିକଙ୍କ ପାଇଁ ଅଣ୍ଡରଗ୍ରାଉଣ୍ଡ୍ ବୋମା ନିରୋଧୀ ବଙ୍କର ନିର୍ମାଣ କରିଛି । ଚୀନ୍ ସେନା ଦିଲ୍ଲୀଠାରୁ ମାତ୍ର ୧୩୫୦ କିମି ଦୂରରେ ଏଭଳି ବଙ୍କର ନିର୍ମାଣ କରିବା ଭାରତ ପାଇଁ ଉଦ୍ବେଗର କାରଣ ହୋଇଛି । ଚୀନ୍ ପ୍ରଥମେ ଏହି ବିମାନ ବନ୍ଦରକୁ ଆଂଚଳିକ ସଂପର୍କ ବଢ଼ାଇବା ଉଦ୍ଦେଶ୍ୟରେ କରୁଥିବା ବେଳେ ଏବେ ଏହାକୁ ସଂପୂର୍ଣ୍ଣ ସେନା ଛାଉଣିରେ ପରିଣତ କରିଛି ।
Kanak News is now on WhatsApp
Join and get latest news updates delivered to you via WhatsApp
ସେଠାରେ ଏବେ ଚୀନ୍ ୩୬ଟି ଯୁଦ୍ଧ ବିମାନ ମୁତୟନ କରିବାକୁ ଯୋଜନା କରୁଥିବା ଜଣାପଡ଼ିଛି । ଡୋକଲାମ ବିବାଦରେ ଭାରତର ସୁଚିନ୍ତିତ ରଣନୀତି ଚୀନ୍କୁ ପଛକୁ ହଟିବା ପାଇଁ ବାଧ୍ୟ କରିଥିବା ବେଳେ ପରବର୍ତ୍ତୀ ସମୟରେ ଚୀନ୍ ରାଷ୍ଟ୍ରପତି ସି ଜିନ୍ପିଙ୍ଗ୍ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମଧ୍ୟରେ ଦ୍ବିପାକ୍ଷିକ କଥାବାର୍ତ୍ତା ହୋଇଛି । ଉଭୟ ପକ୍ଷ ସୀମାରେ ଶାନ୍ତି ବଜାୟ ରଖିବା ପାଇଁ ଗୁରୁତ୍ବାରୋପ କରିବା ସତ୍ତ୍ବେ ଚୀନ୍ର ଏଭଳି ପଦକ୍ଷେପ ଯୋଗୁଁ ଭାରତ ମଧ୍ୟ ତା’ର ରଣନୀତି ବଦଳାଇବ ବୋଲି କୁହାଯାଉଛି ।