କନକ ବ୍ୟୁରୋ : ବିଜେପିର ହିନ୍ଦୁତ୍ୱ ବିଚାରଧାରାକୁ ଚ୍ୟାଲେଞ୍ଜ କଲା ବିଜେଡି । ଭୁବନେଶ୍ୱରରେ ଭାରତୀୟ ଜନତା ପାର୍ଟିର ଦୁଇ ଦିନିଆ ଜାତୀୟ କାର୍ଯ୍ୟାକାରିଣୀ ଶେଷ ହେବା ପରେ ବିଜେଡିର କାଉଂଟର ଷ୍ଟ୍ରାଟେଜୀ । ବିଜୁ ପଟ୍ଟନାୟକଙ୍କ ଶ୍ରାଦ୍ଧବାର୍ଷିକୀ ପାଳନ ଅବସରରେ ସର୍ବଧର୍ମ ସମନ୍ୱୟର ବାର୍ତା ଦେବାକୁ ପ୍ରୟାସ ।
Kanak News is now on WhatsApp
Join and get latest news updates delivered to you via WhatsApp
ବିଜେଡି କାର୍ଯ୍ୟାଳୟରେ ମୁସଲମାନମାନଙ୍କ ନମାଜ ପାଠ, ହିନ୍ଦୁମାନଙ୍କ ଗାୟତ୍ରୀ ବେଦପାଠ, ଖ୍ରୀଷ୍ଟିଆନଙ୍କ ବାଇବେଲ ପାଠ ସହ ଶିଖ ଧର୍ମାବଲମ୍ବୀଙ୍କ ସ୍ୱତନ୍ତ୍ର ପ୍ରର୍ଥନା ମଧ୍ୟ ଦେଖିବାକୁ ମିଳିଛି । ହିନ୍ଦୁତ୍ୱ ବିଚାରଧାରାକୁ ନେଇ ବିଜେପି ସବୁବେଳେ ତାର ଅଭିମୁଖ୍ୟ ରଖି ଆସୁଥିବାବେଳେ, ସର୍ବଧର୍ମକୁ ସମର୍ଥନ ଆଳରେ ବିଜେପିକୁ ଘେରିଛି ବିଜେଡି ।
୨୦୦୮ କନ୍ଧମାଳ ଦଙ୍ଗା ପରେ ସାଂପ୍ରଦାୟୀକ ଦଳ କହି ବିଜେପିର ହାତ ଛାଡି ଦେଇଥିଲେ ନବୀନ ପଟ୍ଟନାୟକ । ଆଉ ଏବେ ରାଜ୍ୟରେ ବିଜେପି ତାର ଶକ୍ତି ପ୍ରଦର୍ଶନ କରୁଥିବାବେଳେ, ପୁଣିଥରେ ବିଜେପିର ହିନ୍ଦୁତ୍ୱବାଦୀ ଚେହେରାକୁ ଟାର୍ଗେଟ କରିଛି ବିଜେଡି । ତେବେ ବିଜୁ ବାବୁଙ୍କ ଶ୍ରାଦ୍ଧବାର୍ଷିକୀରେ ନବୀନ କହିଛନ୍ତି ତାଙ୍କରି ନାଁରେ ପ୍ରତିଷ୍ଠା ହୋଇଥିବା ବିଜେଡି ଗରିବଙ୍କ କଲ୍ୟାଣ ପାଇଁ କାମ କରୁଛି । ଏବଂ ରାଜ୍ୟର ବିକାଶ କ୍ଷେତ୍ରରେ ମହିଳାଙ୍କ ପ୍ରମୁଖ ଭୂମିକା ରହିଥିବା ସେ କହିଛନ୍ତି ।