ପରିବେଶ ରହିବ ସ୍ୱଚ୍ଛ ! ଏଣିକି ଅଳିଆ ଆବର୍ଜନାରୁ ତିଆରି ହେବ ବାୟୋ ଡିଜେଲ, ପାନୀୟ ଜଳ ଏବଂ ବିଦ୍ୟୁତ ।
ପ୍ରତିଦିନ ରାଜଧାନୀରେ ଗଦା ହେଉଥିବା ଅଳିଆ ଆବର୍ଜନାରୁ ଏବେ ତିଆରି କରାଯିବ ବାୟୋ ଡିଜେଲ, ବିଦ୍ୟୁତ, ଗ୍ୟାସ ଏବଂ ପିଇବା ପାଣି । ଆମେରିକା ଟେକ୍ନୋଲୋଜି ଉପରେ ଆଧାରିତ ଏକ କମ୍ପାନୀ ନଗର ବିକାଶ ଏହାର ପ୍ରସ୍ତାବ ଦେଇଛି । ଅଳିଆ ଆବର୍ଜନାରୁ ରକ୍ଷା ପାଇବା ପାଇଁ କମ୍ପାନୀ ଏହିଭଳି ଏକ ମେସିନର ଉଦ୍ଭାବନ କରିଛି । ଯାହା ଦ୍ୱାରା ଆବର୍ଜନାକୁ ବ୍ୟବହାର କରି ସେଥିରୁ ବାୟୋ ଡିଜେଲ , ବିଦ୍ୟୁତ, ଗ୍ୟାସ ଏବଂ ପିଇବା ପାଣି ବାହାର କରାଯାଇ ଏହାକୁ ବ୍ୟବହାର ଉପଯୋଗୀ କରାଯାଇପାରିବ । ପାଟନା ଅଳିଆ ଆବର୍ଜନାକୁ ବ୍ୟବହାର କରି ପ୍ରତିଦିନ ପ୍ରାୟ ଅଢେଇ ଲକ୍ଷ ଲିଟର ବାୟୋ ଡିଜେଲ ତିଆରି କରିବାରେ ସଫଳ ହୋଇପାରିଛି ।
ସରକାର ଚାହିଁଲେ ଏହାକୁ ବାୟୋଗ୍ୟାସରେ ପରିଣତ କରି ସହର ମାନଙ୍କୁ କନେକ୍ସନ ଦେଇପାରିବେ । ଏହି ଗ୍ୟାସ ଏଲପିଜି ଗ୍ୟାସ ଠାରୁ ବି ଅଧିକ ଉପଯୋଗୀ ଅଟେ ।
Kanak News is now on WhatsApp
Join and get latest news updates delivered to you via WhatsApp
ଆବର୍ଜନା ନିସ୍ତାରଣ ପ୍ଲାଣ୍ଟ ସ୍ଥାପିତ କରିବା ପାଇଁ ଏଜେନ୍ସି, ନଗରନିଗମ କିମ୍ବା ସରକାରଙ୍କ ଠାରୁ କୌଣସି ଖର୍ଚ୍ଚ ନେବେ ନାହିଁ । ପ୍ରାୟ ଏକ ଏକର ଜମିରେ ଏହି ପ୍ଲାଣ୍ଟକୁ ସ୍ଥାପିତ କରାଯାଇ ସମ୍ପୂର୍ଣ୍ଣ ସହରର ଆବର୍ଜନାକୁ ବ୍ୟବହାର ଉପଯୋଗୀ କରାଯାଇପାରିବ । କମ୍ପାନୀ ଘର ଘର ବୁଲି ଆବର୍ଜନା ଏକାଠି କରି ତାହାକୁ ପ୍ଲାଣ୍ଟରେ ବ୍ୟବହାର ଉପଯୋଗୀ କରିବ । ଏବଂ ସେଥିରୁ ପାନୀୟ ଜଳ , ବାୟୋ ଗ୍ୟାସ ଇତ୍ୟାଦି ତିଆରି କରି ଲୋକମାନଙ୍କ ନିକଟକୁ ପହଞ୍ଚାଇବ । କେବଳ ସେତିକି ନୁହେଁ ସରକାର ଚାହିଁଲେ ଏଥିରେ ଏକ ପେଟ୍ରୋଲ ପମ୍ପ ଖୋଲି ଡିଜେଲ ମଧ୍ୟ ବିକ୍ରି କରିପାରିବ । ଯାହାର ଦାମ ଲିଟର ପିଛା ୨୫ ଟଙ୍କା ରହିବ ।