ବାରହା ଫାଶରେ ଫସିଗଲା ଭାଲୁ ! ଉଦ୍ଧାର ପାଇଁ ବନ ବିଭାଗ ନାକେଦମ୍
କନକ ବ୍ୟୁରୋ : ବାରହା ଫାଶରେ ଫସିଲା ଭାଲୁ । ଧାନ ଫସଲକୁ ବାରାହ ମାନେ ଆସି ନଷ୍ଟ କରୁ ଥିବାରୁ ମାଲକାନଗିରି ସହର ଉପଣ୍ଠ ମଲିକେଶ୍ୱର ପାହାଡ ତଳ ଏକ ଧାନ ବିଲରେ ବାରାହକୁ ଧରିବା ଲାଗି ଫାଶ ବିଛାଇ ଥିଲେ ଚାଷୀ । ତେବେ ଫାସ ରେ ବାରାହ ପରିବର୍ତ୍ତେ ଏକ ଭାଲୁ ଫସି ଥିବା ଦେଖିବାକୁ ପାଇ ଥିଲେ ସ୍ଥାନୀୟ ଲୋକେ । ବନ ବିଭାଗ ଖବର ପାଇ ତୁରନ୍ତ ଭାଲୁଟିକୁ ଉଦ୍ଧାର କରିବାକୁ ଅପରେସନ ଆରମ୍ଭ ହୋଇଥିଲା । ଏକ ଜାଲ ସାହାଯ୍ୟ ରେ ଭାଲୁକୁ କାବୁ କରାଯାଇ ଲୁହା ଜନ୍ତା ଭିତରେ ଭର୍ତ୍ତି କରାଯାଇଥିଲା । ଭାଲୁଟିର ସ୍ୱାସ୍ଥ୍ୟ ପରୀକ୍ଷା କରାଯିବା ପରେ ତାକୁ ପୁଣି ଜଂଗଲ ଭିତରକୁ ଛଡାଯିବ ବୋଲି ମାଲକାନଗିରି ଏ.ସି.ଏଫ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଆଜି ସକାଳେ ମାଲକାନଗିରି ଉପକଣ୍ଠ ମଲିକେଶ୍ୱର ପାହାଡ ତଳ ଏକ ଭାଲୁ ଫାଶରେ ପଡ଼ିଥିବା ଦେଖିବାକୁ ମିଳିଥିଳା । ବାରହା ଶିକାର ପାଇଁ ବସା ଯାଇଥିବା ଫାଶରେ ପଡ଼ି ଭାଲୁଟି ଛଟପଟ ହୋଇ ଗର୍ଜନ କରିଥିଲା । ତବେ ସକାଳେ କିଛି ଲୋକ ଭାଲୁଟି ଫାଶରେ ପଡ଼ିଥିବା ଦେଖି ବନବିଭାଗକୁ ଖବର ଦେଇଥିଲେ । ବନବିଭାଗ ଅଧିକାରୀମାନେ ପ୍ରଥମେ ଏକ ପ୍ଲାଷ୍ଟିକ୍ ଜାଲ ପକାଇ ଭାଲିଟିକୁ କାବୁ କରିବା ପରେ ଫାଶରୁ ଏହାକୁ ଗ୍ରାମବାସୀମାନଙ୍କ ସହାୟତାରେ ଉଦ୍ଧାର କରିଛନ୍ତି ।