ବାରବାଟୀ ଜମି କେଳେଙ୍କାରୀ ମାମଲା! ଇଡିରେ ହାଜର ହେଲେ ଆଶୀର୍ବାଦଙ୍କ ଜ୍ୱାଇଁ ସଂଜିତ ସାମଲ ।
କନକ ବ୍ୟୁରୋ: ବାରବାଟୀ ଜମି ଜବର ଦଖଲ ଦୁର୍ନୀତି ମାମଲା ଇଡିରେ ହାଜର ହେଲେ ଓସିଏର ପୂର୍ବତନ ସମ୍ପାଦକ ଆଶୀର୍ବାଦ ବେହେରାଙ୍କ ଜ୍ୱାଇଁ ସଂଜିତ ସାମଲ । ତେବେ ସଂଜିତ ସାମଲଙ୍କୁ ଗତ ଦୁଇଦିନ ତଳେ ଇଡି ପକ୍ଷରୁ ସମନ ଜାରି କରାଯାଇଥିଲା । ପୂର୍ବରୁ ଜମି ଜାଲିଆତି ସହ ବେଆଇନ ଆର୍ଥିକ କାରବାର ନେଇ ଆଶୀର୍ବାଦଙ୍କ ଜ୍ୱାଇଁ ଓ ପୁଅ ସୁବ୍ରତ ବେହେରାଙ୍କ ନାଁରେ ମାମଲା ରୁଜୁ ହୋଇଥିଲା । ତେବେ ଇଡିରେ ହାଜର ହେବାପରେ ଏବେ ଆଶୀର୍ବାଦଙ୍କ ଜ୍ୱାଇଁ ସଂଜିତଙ୍କୁ ବେଆଇନ ଆର୍ଥିକ କାରବାର ଏବଂ ବାରବାଟୀ ଜମି ଦୁର୍ନିତୀ ମାମଲାର ପଚରା ଉଚୁରା କରୁଛି ଇଡି ।
Kanak News is now on WhatsApp
Join and get latest news updates delivered to you via WhatsApp
ଏହାସହ ଆଶୀର୍ବାଦ ବେହେରାଙ୍କ ପୁଅ ସୁବ୍ରତ ବେହେରାଙ୍କୁ ମଧ୍ୟ ଇଡି ଗତ ୧୯ ତାରିଖ ଦିନ ସମନ ଜାରି କରିଥିଲା । ଆଜି ଇଡିରେ ହାଜର ହୋଇଥିବା ସଂଜିତ ଇଡି ପକ୍ଷରୁ ସମସ୍ତ ପ୍ରଶ୍ନର ଉତ୍ତର ରଖିବା ସହ ମାମଲାରେ ଜଡିତ ଥିବା ଅନେକ ଗୋପନୀୟ ତଥ୍ୟ ମଧ୍ୟ ପ୍ରଦାନ କରିବେ ଆଶୀର୍ବାଦଙ୍କ ଜ୍ୱାଇଁ । ତେବେ ଇନକନ ଆସୋସିଏଟସର ପାର୍ଟନର ଅଛନ୍ତି ସଂଜିତ ସାମଲ । ବାରବାଟୀ ଜମି ଜାଲିଆତି ମାମଲାର ପ୍ରକୃତ ସତ୍ୟାସତ୍ୟା ଜାଣିବା ପାଇଁ ପୂର୍ବରୁ ସିବିଆଇ ପକ୍ଷରୁ ତଦନ୍ତ ଚାଲିଛି । ଏବଂ ଖୋଦ୍ ଆଶାର୍ବାଦ ବେହେରା ମଧ୍ୟ ଇଡିରେ ହାଜର ହୋଇ ଜେରାର ସମ୍ମୁଖୀନ ହୋଇଥିଲେ । ଏବେ ଇଡି ବେଆଇନ ଅର୍ଥ କାରବାର ଏବଂ ଜମି ଜବରଦଖଲ ମାମଲାରେ ଖୋଳତାଡ କରୁଛି ।