ପାରଳା ରାଜାଙ୍କ ମ୍ୟାନେଜରଙ୍କ ଘର ସାମ୍ନାରେ ଭିଡ : ବନ୍ଦ ଘରୁ ଦୁର୍ଗନ୍ଧ ଆସୁଥିବା ଚର୍ଚ୍ଚା
ପାରଳା ମହାରାଜାଙ୍କ ମ୍ୟାନେଜରଙ୍କ ଘର ଆଗରେ ଭିଡ। ବନ୍ଦ ଘର ଭିତରୁ ଦୁର୍ଗନ୍ଧ ଆସୁଥିବାରୁ କିଛି ଅଘଟଣ ଘଟିଥିବା ନେଇ ଆଶଙ୍କା କରାଯାଉଛି । ଜଙ୍ଗମ ସାହିରେ ଥିବା ମ୍ୟାନେଜରଙ୍କ ଘର ତିନିଦିନ ହେଲା ବନ୍ଦ ରହିଛି। ଏହି ଖବର ପାଇବା ପରେ ମ୍ୟାନେଜରଙ୍କ ଘର ଆଗରେ ପହଂଚିଛି ପୋଲିସ । ରାଜାଙ୍କ ସଂପତି ହଡପ ନେଇ ଚର୍ଚ୍ଚାରେ ଥିଲେ ମ୍ୟାନେଜର ଅନଙ୍ଗ ମଞ୍ଜରୀ। ତେଣୁ ଘର ଭିତରେ କେହି ଆତ୍ମହତ୍ୟା କରିଥିବା ନେଇ ଚର୍ଚ୍ଚା ଜୋର ଧରିଛି।
Kanak News is now on WhatsApp
Join and get latest news updates delivered to you via WhatsApp
ମାଜିଷ୍ଟ୍ରେଟଙ୍କ ଉପସ୍ଥିତିରେ ଘର ଖୋଲାଯିବ ବୋଲି ଜଣାପଡିଛି । ମହାରାଜା ଗୋପୀନାଥ ଗଜପତିଙ୍କ ମ୍ୟାନେଜରଙ୍କ ସମେତ ପାଖରେ ରହୁଥିବା କିଛି ବ୍ୟକ୍ତି ତାଙ୍କ ସଂପତି ଲୋଭରେ ନଜରବନ୍ଦ କରି ରଖିଥିବା ଖବର ଜଣାପଡିଥିଲା । ତାଙ୍କୁ ଏକୁଟିଆ ପ୍ରାସାଦ ଭିତରେ ବନ୍ଦ କରି ରଖାଯିବା ସହ ଚିକିତ୍ସା କରାଯାଉନଥିବା ମଧ୍ୟ ଅଭିଯୋଗ ହୋଇଥିଲା । ଏ ସଂପର୍କରେ ଗଣମାଧ୍ୟମରେ ଖବର ପ୍ରସାରଣ ପରେ ଉଦ୍ଧାର କରି ଚିକିତ୍ସା ପାଇଁ ହସ୍ପିଟାଲରେ ଭର୍ତି କରାଯାଇଥିଲା।