କାନପୁୁରର ଛୋଟିଆ ଗାଁରୁ ରାଇସିନା ହିଲ୍ ! ଜାଣନ୍ତୁ କଣ ରହିଛି ଦେଶର ସବୁଠାରୁ ବଡ ଭବନରରେ
ò । ଶପଥ ଗ୍ରହଣ ସମାରୋହରେ ଅନେକ ବଡ଼ ବଡ଼ ନେତା ମଧ୍ୟ ସାମିଲ ହୋଇଥିଲେ । ପ୍ରଣବ ମୁଖାର୍ଜିଙ୍କ କାର୍ଯ୍ୟକାଳ ଶେଷ ହେବା ପରେ ୧୪ ତମ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ସ୍ୱାଗତ କରିବା ପାଇଁ ରାଷ୍ଟ୍ରପତି ଭବନରେ ସମସ୍ତ ପ୍ରସ୍ତୁତି ପର୍ବ ଶେଷ ହୋଇସାରିଛି ।
Kanak News is now on WhatsApp
Join and get latest news updates delivered to you via WhatsApp
ଯେଉଁଦିନ କୋବିନ୍ଦ ରାଷ୍ଟ୍ରପତି ରୂପେ ନିର୍ବାଚନ ଜିତିଥିଲେ ସେଦିନ ରାଜଧାନୀରେ ପ୍ରବଳ ବର୍ଷା ହୋଇଥିଲା ଏବଂ ରାମନାଥ କୋବିନ୍ଦଙ୍କୁ ପୁରୁଣା ଦିନ କଥା ସବୁ ମନେପଡ଼ିଯାଇଥିଲା । କୋବିନ୍ଦ କାନପୁରର ନିଜ ଗାଁରେ ଭାଇଭଉଣୀଙ୍କ ସହ ଏକ ମାଟି ଘରେ ରହୁଥିଲେ । କିନ୍ତୁ ଏବେର ଚିତ୍ର ପୁରା ଅଲଗା । ବର୍ତ୍ତମାନ ସେ ଦେଶର ପ୍ରମୁଖ ନିବାସରେ ରହିବେ ।
ଦେଶର ପ୍ରଥମ ନାଗରିକ ରୁହନ୍ତି ରାଷ୍ଟ୍ରପତି ଭବନରେ । ରହସ୍ୟ ଓ ରୋମାଂଚରେ ଭରା ଏହି ମହଲ ତିଆରି କରିବାକୁ ଲାଗିଥିଲା ୧୭ ବର୍ଷ । ରାଷ୍ଟ୍ରପତି ଭବନ ତିଆରି ବେଳେ ଇଂରେଜ ଅଧିନରେ ଥିଲା ଭାରତ । ପ୍ରଥମେ ଏହାକୁ ଭାଇସରାୟ ହାଉସ ବୋଲି କୁହାଯାଉଥିଲା । କୋଲକାତାରୁ ଦିଲ୍ଲୀକୁ ଯେତେବେଳେ ଦେଶର ରାଜଧାନୀ ସ୍ଥାନାନ୍ତରିତ ହେଲା, ସେ ସମୟରେ ଇଂରେଜଙ୍କ ସବୁଠାରୁ ବଡ ଶାସକ ଭାଇସରାୟଙ୍କ ପାଇଁ ଏହି ଭବନ ତିଆରି କରାଯାଇଥିଲା । ୧୯୧୧ରେ ଏହି ଭବନର ନିର୍ମାଣ ଆରମ୍ଭ ହୋଇଥିଲା । ଆଉ ଏହାର ନିର୍ମାଣ ୧୯୨୯ରେ ସରିଥିଲା ।
୧୯୫୦ରେ ଦେଶର ପ୍ରଥମ ରାଷ୍ଟ୍ରପତି ରାଜେନ୍ଦ୍ର ପ୍ରସାଦ ଏହି ଭବନରେ ରହିବା ପରେ ଏହାକୁ କୁହାଗଲା ରାଷ୍ଟ୍ରପତି ଭବନ । ୨ ଲକ୍ଷ ବର୍ଗ ଫୁଟରେ ପରିବ୍ୟାପ୍ତ ହୋଇଛି ରାଷ୍ଟ୍ରପତି ଭବନ । ଭବନ ନିର୍ମାଣରେ ବହୁତ କମ ଲୁହା ବ୍ୟବହାର ହୋଇଛି । ୪ ମହଲା ବିଶିଷ୍ଟ ଏହି ଅଟ୍ଟାଳିକାରେ ରହିଛି ୩୪୦ଟି କୋଠରୀ । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା, ରାଷ୍ଟ୍ରପତି ଭବନର ମୁଖ୍ୟ ଘରେ ରହିନଥାନ୍ତି ମହାମହିମ । ସେ ରହିଥାନ୍ତି ଅତିଥି ଗୃହରେ । ରାଇସିନା ହିଲ ଉପରେ ନିର୍ମିତ ଏହି ଭବନ ଦୁଇଟି ଗାଁର ନାଁ ଦ୍ୱାରା ନାମିତ ହୋଇଛି ଯଥା – ରାଇସିନା ଓ ମାଲଚା । ଏହି ଭବନର ଡ଼ିଜାଇନ କରିଥିଲେ ବ୍ରିଟିଶ ଆର୍କିଟେକ୍ଟ ସାର ଏଡ଼ୱିନ ଲୁଟିଏନ୍ସ ଏବଂ ହରବେଟ ବାକର ।
ସେ ସମୟରେ ପାଖାପାଖି ୧.୪ କୋଟି ଟଙ୍କାରେ ତିଆରି ହୋଇଥିଲା ରାଷ୍ଟ୍ରପତି ଭବନ । ଅନୁମାନ ଅନୁସାରେ ଏବେ ଏହାର ମୂଲ୍ୟ ପାଖାପାଖି ୭୭,୦୦୦ କୋଟିରୁ ଅଧିକ ହେବ। ଏହାର ନିର୍ମାଣ ୭୦୦ ମିଲିୟନ ଇଟା ଓ ୩ ଲକ୍ଷ ପଥରରେ ତିଆରି । ରାଷ୍ଟ୍ରପତି ଭବନ ୩୩୦ ଏକର ଅଂଚଳରେ ବ୍ୟାପ୍ତ ଏବଂ ଏହାର ଭୂକ୍ଷେତ୍ର ଫଳ ୨,୦୦,୦୦୦ ବର୍ଗ ଫୁଟ ଅଟେ ।
ଏଠାରେ ପ୍ରମୁଖ ରୂପେ ୨ ଟି ବଗିଚା ରହିଛି । ୧୯୦ ଏକର ବ୍ୟାପ୍ତ ଏହି ବଗିଚା ୟୁରୋପୀୟ ଏବଂ ମୁଗଲ ବûସ୍ତୁକଳାରେ ତିଆରି ହୋଇଛି । ୩୭ ଟି ଫାଉଣ୍ଟେନ ଏହି ବଗିଚାର ଶୋଭା ବର୍ଦ୍ଧନ କରୁଛି । ଏଠାରେ ଥିବା ମୁଗଲ ବଗିଚାରେ ୨୫୦ କିସମର ଗୋଲାପ ଗଛ ଲଗାଯାଇଛି । ଏହା ଦୁନିଆର ସବୁଠାରୁ ଭଲ ଗୋଲାପ ବଗିଚା ମାନଙ୍କ ମଧ୍ୟରୁ ଏକ । ଭବନ ଉପରେ ଭାରତୀୟ ସ୍ଥାପତ୍ୟ କଳାର ଏକ ଅଭିନ୍ନ ଅଙ୍ଗ ରହିଛି ।
ରାଷ୍ଟ୍ରପତି ଭବନରେ ଏକ ବଡ଼ ଲାଇବ୍ରେରୀ ରହିଛି । ରାଷ୍ଟ୍ରପତି ଭବନରେ ଥିବା ଲାଇବ୍ରେରୀରେ ପାଖାପାଖି ୪୦,୦୦୦ ବହି ରହିଛି । ଏହି ଲାଇବ୍ରେରୀରେ ୨୦୦୦ ଦୁର୍ଲଭ ବହି ଗଚ୍ଛିତ ହୋଇଛି । ଅନେକ ଦୁର୍ଲଭ ଫଟୋଗ୍ରାଫ, ମ୍ୟାପ ଆଦି ମଧ୍ୟ ସଂରକ୍ଷିତ ରହିଛି । ରାଷ୍ଟ୍ରପତି ଭବନରେ ମୋଟ ୭୫୦ ଜଣ କର୍ମଚାରୀ ରାଷ୍ଟ୍ରପତି ସଚିବାଳୟରେ ୨୪୫ କର୍ମଚାରୀ କାର୍ୟ୍ୟରତ ଥାଆନ୍ତି ।