‘ୱାନାକ୍ରାଏ ରାନସମୱେର୍’ ଭାଇରସ୍ ଆତଙ୍କ ! ଏଟିଏମ୍ ଓ କମ୍ପ୍ୟୁଟର ଅପଗ୍ରେଡ୍ କରିବା ପାଇଁ ବ୍ୟାଙ୍କଗୁଡିକୁ ଆରବିଆଇର ନିର୍ଦେଶ
କନକ ବ୍ୟୁରୋ : ସାଇବର ଆକ୍ରମଣକୁ ଦୃଷ୍ଟିରେ ରଖି ସମସ୍ତ ବ୍ୟାଙ୍କଗୁଡିକୁ ସେମାନଙ୍କ ଏଙ୍କିଏମଗୁଡିକୁ ଅପଗ୍ରେଡ କରିବାକୁ କୁହାଯାଇଛି । ଏଟିଏମ ଓ ଏହାର ପରିଚାଳନାରେ ବ୍ୟବହୃତ ହେଉଥିବା ସମସ୍ତ କମ୍ପ୍ୟୁଟରର ଅପରେଟିଂ ସିଷ୍ଟମ ଅପଗ୍ରେଡ କରାଇନେବାକୁ ବ୍ୟାଙ୍କଗୁଡିକୁ କୁହାଯାଇଛି । ଏଟିଏମର ନିରାପତା ବ୍ୟବସ୍ଥାକୁ ସୁଦୃଡ କରିବା ଓ ସାଇବର ଆଟାକରୁ ସୁରକ୍ଷା ପ୍ରଦାନ ପାଇଁ ଏଭଳି ନିର୍ଦ୍ଦେଶନାମା ଜାରି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଯଦିଓ ବି ସାଇବର ଆଟାକର ପ୍ରଭାବ ଭାରତ ଉପରେ ପଡିନାହିଁ, ତଥାପି ପ୍ରତିଷେଧକମୂଳକ ବ୍ୟବସ୍ଥା ସ୍ୱରୂପ ଆରବିଆଇ ଏଭଳି ନିର୍ଦ୍ଦେଶନାମା ଜାରି କରିଛି । ତେବେ ଏଟିଏମ ପରିଚାଳନା ଦାୟିତ୍ୱରେ ଥିବା କମ୍ପାନୀଗୁଡିକ ପକ୍ଷରୁ କୁହାଯାଇଛି ଯେ, ଏଟିଏମ ସହିତ ଇଂଟରନେଟର କୌଣସି ସମ୍ପର୍କ ନାହିଁ । ତେଣୁ ଏଟିଏମ ନେଟୱର୍କ ଉପରେ ସାଇବର ଆଟାକର ଆକ୍ରମଣ ଏତେ ସହଜ ନୁହେଁ । ତେବେ ଏଭଳି ଆକ୍ରମଣରେ ଏଟିଏମ ଅଚଳ ହୋଇପାରେ ବୋଲି ଅପରେଟର ସ୍ୱୀକାର କରିଛନ୍ତି । ଦେଶରେ ଥିବା ସବୁ ଏଟିଏମ ଓିଣ୍ଡୋଜ ସଫଟୱୟାର ଦ୍ୱାରା ପରିଚାଳିତ ହେଉଛି । ଏହା ଏଯାଏଁ ଅପଗ୍ରେଡ ହୋଇନାହିଁ ।