ଉପର ମୁଣ୍ଡରେ ପ୍ରବଳ ବର୍ଷା : ବଢୁଛି ହୀରାକୁଦର ଜଳସ୍ତର ନ୍ୟୁଜ୍ By Kanak News Bureau On Aug 10, 2019 - 7:08 AM Last updated Aug 10, 2019 - 11:56 AM 389 Share କନକ ବ୍ୟୁରୋ : ଜଳାଭାବ ଯୋଗୁଁ ଉତ୍କଟ ସ୍ଥିତିରେ ଥିବା ହୀରାକୁଦ ଜଳଭଣ୍ଡାରର ଜଳ ପତନ କ୍ରମଶଃ ବଢ଼ିବା ଆରମ୍ଭ କରିଛି। ବୁଧବାର ଓ ଗୁରୁବାର ଉପର ମୁଣ୍ଡରେ ଭଲ ରକମର ବର୍ଷା କାରଣରୁ ହୀରାକୁଦ ଜଳଭଣ୍ଡାରକୁ ଜଳପ୍ରବେଶ ବୃଦ୍ଧି ପାଇଛି ଓ ଜଳସ୍ତର ମଧ୍ୟ ବଢ଼ିବାରେ ଲାଗିଛି। ଶୁକ୍ରବାର ରାତି ୯ଟା ସୁଦ୍ଧା ହୀରାକୁଦର ଜଳସ୍ତର ୬୦୯.୨୭ ଫୁଟରେ ପହଞ୍ଚିଛି। ସେହି ସମୟରେ ଜଳଭଣ୍ଡାର ମଧ୍ୟକୁ ୧ ଲକ୍ଷ ୨୫ ହଜାର ୫୮୪ କ୍ୟୁସେକ୍ ପାଣି ପ୍ରବେଶ କରୁଥିଲାବେଳେ ବିଭିନ୍ନ ମାର୍ଗ ଦେଇ ୧୬, ୭୦୮ କ୍ୟୁସେକ୍ ନିଷ୍କାସିତ ହେଉଥିଲା। ୨ ଦିନ ବନ୍ଦ ରହିବା ପରେ ଗୁରୁବାର ସଂଧ୍ୟାରୁ ପାୱାର ଚାନେଲକୁ ପାଣି ଛଡ଼ାଯିବା ଆରମ୍ଭ ହୋଇଥିଲା। ଶୁକ୍ରବାର ରାତି ୯ଟାରେ ପାୱାର ଚାନେଲରେ ୧୩ ହଜାର ୮୦୦, ବରଗଡ଼ କେନାଲରେ ୨୦୭୮, ଶାସନ କେନାଲରେ ୬୦୦, ସମ୍ବଲପୁର ଡିଷ୍ଟ୍ରିବ୍ୟୁଟାରିରେ ୬୦ ଓ ଶିଳ୍ପ ସଂସ୍ଥା ପାଇଁ ୧୭୦ କ୍ୟୁସେକ୍ ପାଣି ଛଡ଼ା ଯାଉଥିଲା। Kanak News is now on WhatsApp Join and get latest news updates delivered to you via WhatsApp Join Now ରାତି ୯ଟା ବେଳେ ହୀରାକୁଦ ତଳ ମୁଣ୍ଡରେ ମହାନଦୀରେ ବେଲଗାଁଠାରେ ୭୦ ହଜାର କ୍ୟୁସେକ, ପଥର୍ଲାଠାରେ ୨, ୧୬, ୯୯୪ କ୍ୟୁସେକ, ଖଇରମାଳଠାରେ ୩ ଲକ୍ଷ କ୍ୟୁସେକ, ବରମୂଳଠାରେ ୨, ୭୭, ୭୫୦ କ୍ୟୁସେକ ଓ ମୁଣ୍ଡଳିଠାରେ ୩, ୬୮, ୧୭୪ କ୍ୟୁସେକ୍ ପାଣି ପ୍ରବାହିତ ହେଉଥିଲା। ପାୱାର ଚାନେଲରେ ପାଣି ଛଡ଼ାଯିବା ପରେ ବିଦ୍ୟୁତ ଉତ୍ପାଦନ ଆରମ୍ଭ ହୋଇଥିଲେ ବି ପରିମାଣ ଖୁବ କମ ରହିଛି। ଶୁକ୍ରବାର ବୁର୍ଲା ପାୱାର ହାଉସ୍ରୁ ହାରାହାରି ୧୧.୭୫ ଓ ଚିପିଲିମା ପାୱାର ହାଉସ୍ରୁ ୧.୨୯୧ ମେଗାୱାଟ୍ ବିଦ୍ୟୁତ ଉତ୍ପାଦନ ହୋଇଛି। ଗତ ୨୪ ଘଣ୍ଟା ମଧ୍ୟରେ ହୀରାକୁଦ ଉପର ମୁଣ୍ଡରେ ୧୧.୬୯ ମିଲିମିଟର ଓ ତଳ ମୁଣ୍ଡରେ ୧.୨୯୧ ମିଲିମିଟର ବର୍ଷା ରେକର୍ଡ ହୋଇଛି। 389 Share FacebookTwitterGoogle+WhatsAppTelegramEmailPrint