ସିମ୍ କହିବ ଆପଣଙ୍କର କେଉଁ କେଉଁ ନମ୍ବର ହୋଇଛି ଆଧାର ସହ ଲିଙ୍କ ! ଜାଣନ୍ତୁ କିପରି
ସମସ୍ତ ସରକାରୀ ଏବଂ ବେସରକାରୀ ସେବାର ଲାଭ ଉଠାଇବାକୁ ହେଲେ ଆଧାର କାର୍ଡ ରହିବା ନିହାତି ଜରୁରୀ ହୋଇପଡିଛି । କେନ୍ଦ୍ର ସରକାରଙ୍କର ଏଭଳି ଘୋଷଣା ପରେ ପରେ ଏବେ ଆଧାର ବିନା ସବୁ ଅଚଳ ହୋଇପଡିଛି । ବ୍ୟାଙ୍କରୁ ଟଙ୍କା ଉଠାଇବାଠାରୁ ଆରମ୍ଭ କରି ମୋବାଇଲ ବ୍ୟବହାର କରିବା ପର୍ଯ୍ୟନ୍ତ ସବୁ ସେବା ପାଇଁ ଆଧାର ଥିବା ଅତ୍ୟାବଶ୍ୟକ ହୋଇପଡିଛି । ଇତି ମଧ୍ୟରେ ଏସବୁ ସେବା ସହ ନିଜର ଆଧାର ନମ୍ବରକୁ ଲିଙ୍କ କରିବା ବି ବାଧ୍ୟତାମୂଳକ କରିଦିଆଯାଇଛି । ଯଦି ଆପଣ ଏସବୁ ସେବାର ଲାଭ ଉଠାଇବାକୁ ଚାହୁଁଛନ୍ତି ତେବେ ତୁରନ୍ତ ନିଜର ଆଧାର ନମ୍ବର ଲିଙ୍କ କରିଦିଅନ୍ତୁ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ, ଏହାକୁ ଦୃଷ୍ଟିରେ ରଖି ୟୁଆଇଡିଏଆଇ ତରଫରୁ ସମସ୍ତ ଟେଲିକମ କଂପାନୀଗୁଡିକୁ ନିଜର ଗ୍ରାହକଙ୍କୁ ଏକ ଏଭଳି ସୁବିଧା ଦେବାକୁ ନିର୍ଦ୍ଦେଶ ଦେଇଛି ଯାହା ଦ୍ୱାରା ଗ୍ରାହକମାନେ ଜାଣିପାରିବେ କି ସେମାନଙ୍କର କେଉଁ କେଉଁ ସିମ ଆଧାର ସହିତ ଲିଙ୍କ ହୋଇଛି ।
ୟୁଆଇଡିଏଆଇ କହିବାନୁସାରେ, ଏହା ଦ୍ୱାରା ସିମର ଦୁରୁପଯୋଗକୁ କିଛି ମାତ୍ରାରେ ଦୂର କରାଯାଇପାରିବ । ପ୍ରାଧିକରଣ ସମକ୍ଷରେ ଏଭଳି ପ୍ରକାରର ଘଟଣା ସାମ୍ନାକୁ ଆସିଛି କି, କିଛି ଖୁଚୁରା ଦୋକାନୀ, ଅପରେଟର ଏବଂ ଟେଲିକମ କଂପାନୀଗୁଡିକର ଏଜେଂଟ ନୂଆ ସିମ ଜାରି କରିବା, ନମ୍ବରର ପୁର୍ନାରମ୍ଭ କରିବା ପାଇଁ ଆଧାରର ଦୁରୁପଯୋଗ କରୁଛନ୍ତି । ଏବଂ ସେମାନେ ଏହା ଜରିଆରେ ଅନ୍ୟ ବ୍ୟକ୍ତିଙ୍କୁ ମଧ୍ୟ ସିମ ଦେଇଦେଉଛନ୍ତି । ଯାହାକୁ ଦୃଷ୍ଟିରେ ରଖି ଟେଲିକମ କଂପାନୀମାନଙ୍କୁ ସତର୍କ କରାଯାଇଛି କି , ସେମାନେ ନିଶ୍ଚିତ କରନ୍ତୁ କି ଖୁଚୁରା ଦୋକାନୀ କିମ୍ବା ଏଜେଂଟ କୌଣସି ପ୍ରକାରର ହେରଫେର ନକରନ୍ତୁ ।
ଟେଲିକମ କଂପାନୀଗୁଡିକୁ ନିର୍ଦ୍ଦେଶ ଦିଆଯାଇଛି କି, ସେମାନେ ଏହି ନୂଆ ସୁବିଧା ୧୫ ମାର୍ଚ୍ଚ ସୁଦ୍ଧା ଆରମ୍ଭ କରିଦିଅନ୍ତୁ ବୋଲି । ଏହି ସୁବିଧା ଅନୁସାରେ, ଉପଭୋକ୍ତା ଏସଏମଏସ ଜରିଆରେ ଜାଣିପାରିବେ କି ସେମାନଙ୍କର ମୋବାଇଲ ନମ୍ବର ଆଧାର ସହ ଲିଙ୍କ ହୋଇଛି କି ନାହିଁ । ଏଥିସହିତ ସେମାନଙ୍କର ଆଧାର ନମ୍ବର କେତୋଟି ମୋବାଇଲ ନମ୍ବର ସହିତ ଲିଙ୍କ ହୋଇଛି ତାହା ମଧ୍ୟ ଏହି କେବଳ ଏକ ଏସଏମଏସ ଜରିଆରେ ହିଁ ପାଇପାରିବେ ।