ଶେଷ ହେଲା କଳ୍ପନା ଜଳ୍ପନା ! ଆସନ୍ତାକାଲି ବଜାରକୁ ଆସିବ ୨ଶହ ଟଙ୍କିଆ ନୋଟ୍ ,ଜାଣନ୍ତୁ କଣ ରହିଛି ବୈଶିଷ୍ଟ୍ୟ
ଆରବିଆଇ ଜାରି କଲା ୨୦୦ ଟଙ୍କିଆ ନୋଟର ରୂପରେଖ ଏବଂ ଅନ୍ୟାନ୍ୟ ବୈଶିଷ୍ଟ୍ୟ । ଯାହାକୁ କେନ୍ଦ୍ରୀୟ ବ୍ୟାଙ୍କ ଆସନ୍ତା କାଲିଠାରୁ ସାରା ଦେଶରେ ଜାରି କରିବାକୁ ଯାଉଛି । ଏହାର ଅର୍ଥ ହେଲା କି, ଶୁକ୍ରବାର ଦିନଠାରୁ ଦେଶର ସମସ୍ତ ବ୍ୟାଙ୍କ ଏବଂ ଏଟିଏମରେ ଏହି ନୋଟ୍ ମିଳିଳା ଆରମ୍ଭ ହୋଇଯିବ ।
Kanak News is now on WhatsApp
Join and get latest news updates delivered to you via WhatsApp
ତେବେ ରିଜର୍ଭ ବ୍ୟାଙ୍କ ଗଭର୍ଣ୍ଣନର ଉର୍ଜିତ ପଟେଲଙ୍କ ସ୍ୱାକ୍ଷରିତ ମହାତ୍ମା ଗାନ୍ଧୀ ସିରିଜର ୨୦୦ ଟଙ୍କିଆ ନୋଟର ରଙ୍ଗ ଗାଢ ହଳଦିଆ ରହିଛି । ନୋଟରେ ସାମଗ୍ରୀକ ରଙ୍ଗମେଳ ସହିତ ଉଭୟ ପାଶ୍ୱରେ ରହିଛି ଅନ୍ୟାନ୍ୟ ଡିଜାଇନ୍ ସହ ଜ୍ୟାମିତିକ ଆକୃତିମାନ । ମୋଟ ଉପରେ କହିବାକୁ ଗଲେ ଦେଶର ସାଂସ୍କୃତିକ ଐତିହ୍ୟକୁ ଏହି ନୋଟରେ ସ୍ଥାନ ଦିଆଯାଇଛି ।
୨୦୦ ଟଙ୍କିଆ ନୋଟର ବୈଶିଷ୍ଟ୍ୟ
• ନୋଟର ବାମ ପାଶ୍ୱର୍ରେ ନୋଟ୍ ଛପାଯିବାର ବର୍ଷ ଲେଖାଯାଇଛି
• ଉର୍ଜିତ ପଟେଲଙ୍କ ସ୍ୱାକ୍ଷରିତ ମହାତ୍ମା ଗାନ୍ଧୀ ସିରିଜର ୨୦୦ ଟଙ୍କିଆ ନୋଟର ରଙ୍ଗ ରହିଛି ଗାଢ ହଳଦିଆ
• ସ୍ଲୋଗାନ ସହିତ ସ୍ୱଚ୍ଛ ଭାରତର ଲୋଗୋ ମଧ୍ୟ ଏଥିରେ ସ୍ଥାନ ପାଇଛି
• ଦେଶର ସମସ୍ତ ପ୍ରମୁଖ ଭାଷାଗୁଡିକର ପାନେଲ ରହିଛି
• ନୋଟର ମଧ୍ୟ ଭାଗରେ ସାଂଚିସ୍ତୂପର ଚିତ୍ର ରହିଛି
• ଦେବନଗରୀ ଭାଷାରେ ମୂଲ୍ୟବର୍ଗ ଅଙ୍କ ୨୦୦ ଲେଖା ଯାଇଛି
• ବ୍ୟାଙ୍କ ନୋଟର ଆକାର ରହିଛି ୬୬ ମିମିରେ ୧୪୬ ମିମି
ବଜାରକୁ ଆସିବାକୁ ଥିବା ୨୦୦ ଟଙ୍କିଆ ନୋଟ୍ ସଂପର୍କରେ କିଛି ରୋଚକ ତଥ୍ୟ
କଣ ପାଇଁ ୨୦୦ ଟଙ୍କା
ଟଙ୍କା ଉଠାଣ ଉପରେ ପ୍ରତିବନ୍ଧକ ଓ ବିମୁଦ୍ରାକରଣ କାରଣରୁ ବ୍ୟାଙ୍କମାନଙ୍କରେ ମୁଦ୍ରାର ପରିମାଣ ଅହେତୁକ ଭାବେ ବୃଦ୍ଧି ପାଇଛି । ବଜାରରେ ଛୋଟ ମୁଦ୍ରା ଅଧିକ ପରିମାଣରରେ ଥିବା ବେଳେ, ୫୦୦ ଟଙ୍କା ପରେ ସିଧାସଳଖ ୨୦୦୦ ଟଙ୍କା ବାଜରରେ ଅନେକ ଅସଙ୍ଗତି ଆଣିଛି । ଯାହାର ପ୍ରଭାବ ମଧ୍ୟ ଲୋକଙ୍କ ଉପରେ ପଡୁଛି, ଖାସ କରି ଖୁଚୁରା ବଜାର କ୍ଷେତ୍ରରେ ।
ବ୍ୟାଙ୍କରେ ଅତ୍ୟଧିକ କ୍ୟାସ
ଏଟିଏମରେ ମୋଟ ୧୦,୦୦୦ ନୋଟ୍ ରହୁଥିବାବେଳେ କେବଳ ୧୦୦ ଟଙ୍କିଆ ନୋଟ୍ ରହିଲେ, ଏହାକୁ ବହନ ଓ ରକ୍ଷଣ ପାଇଁ ଅଧିକ ଖର୍ଚ୍ଚ ଆବଶ୍ୟକ । ଏଥିରୁ ଆମେ ଜାଣି ପାରିବା ଯେ, କେବଳ ଏଟିଏମ ଗୁଡିକରେ ହିଁ ୨୫,୦୦୦ କୋଟି ଟଙ୍କା ପଡିରହିଛି ।
ସନ୍ତୁଳନ ରକ୍ଷା କରିବା
ଛୋଟ ମୁଦ୍ରାର ଅଧିକ ବ୍ୟବହାର ଓ କମ୍ ଯୋଗାଣ ମଧ୍ୟରେ ସନ୍ତୁଳନ ରକ୍ଷା କରିବା ସହ ସାଧାରଣ ଖାଉଟିର କଲ୍ୟାଣ ପାଇଁ ୨୦୦ ଟଙ୍କିଆ ନୋଟର ପ୍ରଚଳନ ଅତ୍ୟନ୍ତ ଆବଶ୍ୟକ । କାରଣ, ବଜାରରେ ୨୦୦୦ ଟଙ୍କା ଭଳି ବଡ ମୁଦ୍ରାର ବ୍ୟବହାର କଷ୍ଟଦାୟକ ଅଟେ ।
ସୁରକ୍ଷା ଓ ଉଠାଣ
ସୂଚନା ମୁତାବକ, ଏହି ନୂତନ ୨୦୦ ଟଙ୍କାରେ ଅତ୍ୟାଧୂନିକ ସୁରକ୍ଷା ବ୍ୟବସ୍ଥାର ବ୍ୟବହାର କରାଯାଇଛି । ଯାହାଦ୍ୱାରା ଏହାକୁ ନକଲ କରିବାରେ ମୁସ୍କିଲ ହେବ । ଏହା ଭାରତରେ ପ୍ରଥମ କରି ପ୍ରଚଳନ କରାଯିବ , ତେଣୁ ନୋଟକୁ ନେଇ ଉତ୍କଣ୍ଠା ପ୍ରକାଶ ପାଇବାରେ ଲାଗିଛି ।
୧ଟଙ୍କିଆ ନୋଟର ପ୍ରଚଳନ
ଦ୍ୱିତୀୟରେ ଏହି ନୋଟ ଗୁଡିକ ପ୍ରାଥମିକ ସ୍ତରରେ କେବଳ ବ୍ୟାଙ୍କ ମାଧ୍ୟମରେ ଉଠାଣ କରାଯିବ । ତା ସହିତ ନୂତନ କରି ୧ ଟଙ୍କିଆ ନୋଟକୁ ମଧ୍ୟ ଆରବିଆଇ ପ୍ରଚଳନ କରିବା ପାଇଁ ପ୍ରକ୍ରିୟା ଆରମ୍ଭ କରିଛି । ଯାହାକି ୧ ଟଙ୍କିଆ କଏନର ଅନୈତିକ କାରବାରକୁ ରୋକିବାରେ ସହାୟତା କରିବ ।