ଶସ୍ତା ଡାଟା ଏବଂ ଫୋନ ପରେ ଏବେ ବେକାରୀଙ୍କୁ ଚାକିରି ଦେବ ଜିଓ ! ଜାଣନ୍ତୁ କିପରି କରିବେ ଆବେଦନ . . .
ପ୍ରଥମେ ମାଗଣା ଡାଟା ଓ ପରେ ଶସ୍ତା ଫୋନ ଲଂଚ କରି ଟେଲିକମ ଜଗତରେ ହଇଚଇ ସୃଷ୍ଟି କରିଥିବା ରାଲିଏନ୍ସ ଜିଓ ଏବେ ଆଉ ଗୋଟିଏ ପାଦ ଆଗେଇବାକୁ ଯାଉଛି । ଯେଉଁଥିରେ ରିଲାଏନ୍ସ ଇଣ୍ଡଷ୍ଟ୍ରିର ମୁଖ୍ୟ ତଥା ମୁକେଶ ଅମ୍ବାନୀ ବେକାର ଯୁବକ ଯୁବତୀମାନଙ୍କୁ ଆତ୍ମନିର୍ଭରଶୀଳ କରିବାକୁ ଅଂଟା ଭିଡିଛନ୍ତି ଏବଂ ଅମ୍ବାନୀଙ୍କ ଏଭଳି ପଦକ୍ଷେପ ପରେ ପାଖାପାଖି ୮୦ ହଜାର ଲୋକ ରୋଜଗାରକ୍ଷମ ହେବେ ବୋଲି ଆଶା କରାଯାଉଛି । ତେବେ ମୁକେଶ ଅମ୍ବାନୀଙ୍କ ଏହି ଅଭିଯାନ ଆସାମରେ ଆରମ୍ଭ ହେବାକୁ ଯାଉଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଜିଓ ମାଲିକ ମୁକେଶ ଅମ୍ବାନୀ ଆସାମରେ ବିଭିନ୍ନ କ୍ଷେତ୍ରରେ ପାଖାପାଖି ଅଢେଇ ହଜାର କୋଟି ଟଙ୍କାର ନିବେଶ କରିବାକୁ ଯାଉଛନ୍ତି ବୋଲି ଘୋଷଣା କରିଛନ୍ତି । ନିକଟରେ ଅମ୍ବାନୀ ଆସାମରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେଇ ଏକଥା କହିଛନ୍ତି । ମୁକେଶ କହିଛନ୍ତି କି, ସେ ରିଟେଲ, ପେଟ୍ରୋଲିୟମ, ଟେଲିକମ, ପର୍ଯ୍ୟଟନ ଏବଂ ଖେଳ ଆଦି କ୍ଷେତ୍ରରେ ଟଙ୍କା ନିବେଶ କରିବେ । ଏହାଦ୍ୱାରା ଆଗାମୀ ୩ ବର୍ଷ ମଧ୍ୟରେ ରାଜ୍ୟରେ ଅତି କମରେ ୮୦ ହଜାର ଲୋକଙ୍କୁ ରୋଜଗାର ମିଳିବ ।
ଅମ୍ବାନୀ ଆହୁରୀ ମଧ୍ୟ କହିଛନ୍ତି କି, ରାଜ୍ୟର ସମସ୍ତ ୧୪୫ ତହସିଲ ମୁଖ୍ୟ କାର୍ଯ୍ୟାଳୟରେ ନିଜ ଆଧିପତ୍ୟ ବିସ୍ତାର କରିବେ । ଏହାପୂର୍ବରୁ ବି କଂପାନୀ ରାଜ୍ୟର ପାଖାପାଖି ୨୦ ହଜାର ଚାକିରି କ୍ଷେତ୍ର ସୃଷ୍ଟି କରିସାରିଛନ୍ତି । ଯାହାକୁ ପରବର୍ତ୍ତୀ ସମୟରେ ବୃଦ୍ଧି କରାଯାଇ ଏକ ଲକ୍ଷ ପର୍ଯ୍ୟନ୍ତ ପହଂଚାଇବାକୁ ଆଶା ରହିଛି ।
ଅମ୍ବାନୀ କହିଛନ୍ତି କି, ଗତ ବର୍ଷ ରାଜ୍ୟରେ ପାଂଚ ହଜାର କୋଟି ଟଙ୍କା ନିବେଶ କରାଯାଇସାରିଛି । ରାଜ୍ୟରେ ବନ୍ୟଜନ୍ତୁ ସଂରକ୍ଷଣ ଏବଂ ଇକୋ-ଟୁରିଜିମକୁ ପ୍ରାଥମିକତା ଦେବା ଉଦ୍ଦେଶ୍ୟରେ ରିଲାଏନ୍ସ ଫାଉଣ୍ଡେସନ ରାଜ୍ୟ ସରକାରଙ୍କ ସହ ମିଶି କୌଣସି ଗୋଟିଏ ବିଶ୍ୱବିଦ୍ୟାଳୟରେ ଏକ କେନ୍ଦ୍ର ସ୍ଥାପନା କରିବେ ।