ଅଚଳ ହୋଇଯିବ ଆପଣଙ୍କର ମୋବାଇଲ୍ ! ଯଦି ସ୍ମାର୍ଟଫୋନରେ ପ୍ରତିଦିନି କରୁଥିବେ ଏଭଳି କାର୍ଯ୍ୟ
ସ୍ମାର୍ଟଫୋନର ବ୍ୟବହାର ଦିନକୁ ଦିନ ବୃଦ୍ଧିପାଇବାରେ ଲାଗିଛି । ଏଥିସହିତ ସ୍ମାର୍ଟଫୋନରେ ସମସ୍ୟା ମଧ୍ୟ ବଢିବାରେ ଲାଗିଛି । ଆଜି ଆମେ ଆପଣଙ୍କୁ କିଛି ଏଭଳି ସାଧାରଣ ସମସ୍ୟା ସଂପର୍କରେ ଅବଗତ କରାଇବୁ ଯାହାକୁ ଆପଣ ସ୍ମାର୍ଟଫୋନ ବ୍ୟବହାର କରିବା ସମୟରେ କରିଥାନ୍ତି । ଆମେ ଆଜି ଆପଣଙ୍କୁ ୧୦ଟି ଏଭଳି କାମ ସଂପର୍କରେ ଜଣାଇବୁ ଯାହା ଅଧିକାଂଶ ଲୋକ ନିଜ ସ୍ମାର୍ଟଫୋନ ସହ କରିଥାନ୍ତି । ହେଲେ ଏପରି କରିବା ଉଚିତ ନୁହେଁ । କାରଣ ଏହାଦ୍ୱାରା ଫୋନ ଅଚଳ ହୋଇଯିବାର ଯଥେଷ୍ଟ ସମ୍ଭାବନା ରହିଛି ।
Kanak News is now on WhatsApp
Join and get latest news updates delivered to you via WhatsApp
ଅନନୋନ ସର୍ଭିସରୁ ଆପ ଇନଷ୍ଟଲ କରିବା
ଅନନୋନ ତଥା ଅଜଣା ସର୍ଭିସରୁ ଆପଗୁଡିକୁ ଇନଷ୍ଟଲ କରିବା ଆଦୌ ଉଚିତ ନୁହେଁ । ଗୁଗଲ ପ୍ଲେ ଷ୍ଟୋର ବ୍ୟତୀତ ଅନ୍ୟ କୌଣସି ସ୍ଥାନରୁ ଏପିକେ ଫାଇଲ ଡାଉନଲୋଡ କରି ଇନଷ୍ଟଲ କରିବା ଦ୍ୱାରା ଫୋନ ପାଇଁ ବିପଦଜ୍ଜନକ ହୋଇଥାଏ । ସେହିପରି ଅନେକ ଭାଇରସ ଆଟାକ ହେବାର ମଧ୍ୟ ସମ୍ଭାବନା ବଢିପାରେ ।
ରିସେଂଟ ଆପ ବନ୍ଦ କରିବା
ରିସେଂଟ ଆପକୁ ମାନୁଆଲି ବାରମ୍ବାର ବନ୍ଦ କରି ଯଦି ଆପଣ ଭାବିଥିବେ କି ଆପଣଙ୍କର ଫୋନ ପୂର୍ବପେକ୍ଷା ଆହୁରି ଫାଷ୍ଟ ହୋଇଯିବ ତେବେ ଆପଣଙ୍କର ଏଭଳି ଚିନ୍ତାଧାରା ସଂପୂର୍ଣ୍ଣ ଭାବେ ଭୁଲ ଅଟେ । କାରଣ ଏଭଳି କରିବା ଦ୍ୱାରା ଫୋନ ଫାଷ୍ଟ ନୁହେଁ ବରଂ ଆହୁରୀ ଖରାପ ହୋଇଯାଇଥାଏ ।
ଆଂଟିଭାଇରସ
ଆଣ୍ଡ୍ରଏଡ ଫୋନରେ ଆଂଟିଭାଇରସର ଆବଶ୍ୟକତା ପଡିନଥାଏ । ଯଦି ଆପଣ ଗୁଗଲ ପ୍ଲେ ଷ୍ଟୋରରୁ ଆପ ଇନଷ୍ଟଲ କରୁଛନ୍ତି ତେବେ ଆଂଟିଭାଇରସର କୌଣସି ଆବଶ୍ୟକତା ପଡିନଥାଏ । ବରଂ ଏହା ଆପଣଙ୍କର ଫୋନକୁ ସ୍ଲୋ କରିଦେଇଥାଏ ।
ବ୍ୟାଟେରୀ ସେଭର
ଫୋନରେ ବ୍ୟାଟେରୀ ସେଭର ଇନଷ୍ଟଲ କରିବା ଅନୁଚିତ । କାରଣ ଏହା କୌଣସି କାମରେ ଲାଗିନଥାଏ । ସେହିପରି କେବଳ ଅନ୍ୟ ଆପଗୁଡିକୁ ବନ୍ଦ କରିଦେଇଥାଏ ।
ଫେକ୍ ଆପ
ଫେକ ଆପକୁ ଫୋନରେ ଇନଷ୍ଟଲ କରନ୍ତୁ ନାହିଁ । କିଛି ଆପ ଦାବି କରିଥାନ୍ତି କି ଯଦି ଆପଣଙ୍କର ଫୋନରେ ଫିଙ୍ଗର ପ୍ରିଂଟ ସେନସର ନାହିଁ ତେବେ ଏହି ଆପ ଜରିଆରେ ଆପଣଙ୍କର ଏପରି କରିପାରିବେ । ତେବେ ଏଭଳି ଆପକୁ ଆଦୌ ଇନଷ୍ଟଲ କରନ୍ତୁ ନାହିଁ ।
କ୍ଲିୟର କ୍ୟାସ ମେମୋରୀ
କୌଣସି ବି କ୍ୟାସ୍ ମେମୋରା କ୍ଲିୟର କରୁଥିବା ଆପକୁ ଇନଷ୍ଟଲ କରନ୍ତୁ ନାହିଁ । କାରଣ ଏହାଦ୍ୱାରା କୌଣସି ବି ଲାଭ ମିଳିନଥାଏ । ବରଂ ସ୍ମାର୍ଟଫୋନର କ୍ଷତି ହିଁ ଘଟିଥାଏ ।
ଫେକ୍ ମେସେଜ
ଫେକ୍ ମେସେଜର ପ୍ରଲୋଭନରେ ଆସି ଫାଲତୁ ଆପକୁ ଇନଷ୍ଟଲ କରନ୍ତୁ ନାହିଁ । କାରଣ ଏଭଳି ଆପ ଆପଣଙ୍କର ଫୋନ ପାଇଁ ଖତରନାକ ପ୍ରମାଣିତ ହୋଇଥାଏ ।
ରୁଟିଂ
ଯଦି ରୁଟିଂ ସଂପର୍କରେ ଆପଣଙ୍କୁ ଜଣାନାହିଁ ତେବେ ରୁଟିଂ ବିଲକୁଲ କରନ୍ତୁ ନାହିଁ । ରୁଟିଂ କରିବା ପୂର୍ବରୁ ଏସଂପର୍କରେ ପୂରା ତଥ୍ୟ ଜାଣିରଖନ୍ତୁ । ଏହାପରେ ଯାଇ ହିଁ ରୁଟିଂ କରନ୍ତୁ ।
ଇଗନୋର ଆପ ପରମିସନ
ଯଦି କୌଣସି ବି ଆପ ଫୋନର ଏଭଳି ଆକସେସ ମାଗିଥାଏ ଯାହାକି ଆବଶ୍ୟକତା ନଥାଏ ତେବେ ଏହାକୁ ଅନୁମତି ଆଦୌ ଦିଅନ୍ତୁ ନାହିଁ ।
ଫୋନ ରିଷ୍ଟାର୍ଟ କରନ୍ତୁ
ଫୋନକୁ ଆପଣ ଲଗାତର ଭାବେ ବ୍ୟବହାର କରୁଥିବେ । ଏଥିପାଇଁ ଫୋନକୁ ବ୍ରେକ୍ ଦେବା ପାଇଁ ତାକୁ ୫ରୁ ୬ ଦିନରେ ଥରେ ରିଷ୍ଟାର୍ଟ ନିଶ୍ଚୟ ରୂପେ କରନ୍ତୁ ।