ରାଜନୀତିର ବଡ଼ ଖବର । RSS କ୍ୟାମ୍ପକୁ ଯିବେ କି ରାହୁଲ ? ସଂଘ ପରିବାରର ନିମନ୍ତ୍ରଣ ନେଇ ଚର୍ଚ୍ଚା
କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧିଙ୍କୁ ନିମନ୍ତ୍ରଣ କରିପାରେ ରାଷ୍ଟ୍ରୀୟ ସ୍ୱୟଂ ସେବକ ସଂଘ (ଆରଏସଏସ) ! ସୁଚନା ମୁତାବକ ଆରଏସଏସର ୩ଦିନିଆ ଲେକ୍ଚର ସିରିଜରେ କଂଗ୍ରେସ ହାଇକମାଣ୍ଡ ରାହୁଲଙ୍କୁ ନିମନ୍ତ୍ରଣ କରିପାରେ ଆରଏସଏସ ବୋଲି ଜାତୀୟ ଗଣମାଧ୍ୟମରେ ଚର୍ଚ୍ଚା ଜୋର ଧରିଛି । ତେବେ କେବଳ ରାହୁଲ ଗାନ୍ଧୀ ନୁହଁନ୍ତି ସିପିଏମ ର ସାଧାରଣ ସମ୍ପାଦକ ସୀତାରାମ ୟେଚୁରୀଙ୍କୁ ମଧ୍ୟ ଆରଏସଏସ ନିମନ୍ତ୍ରଣ ପତ୍ର ଦେଇପାରେ ବୋଲି ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଆସନ୍ତା ସେପ୍ଟେମ୍ବର ୧୭ ତାରିଖରୁ ୧୯ ତାରିଖ ପର୍ଯ୍ୟନ୍ତ ହେବ ଏହି ଲେକ୍ଚର ସରିଜି ସମ୍ମିଳନୀ । ଦୀଲ୍ଲୀ ବିଜ୍ଞାନ ଭବନରେ ଆରଏସଏସ ଏହି ତିନି ଦିନିଆ କାର୍ଯ୍ୟକ୍ରମ ଆୟୋଜିତ କରିବ ବୋଲି ସୂଚନା ମିଳିଛି । ତେବେ ‘ଫ୍ୟୁଚର ଅଫ ଭାରତ ଲେକ୍ଚର ସିରିଜ’ ଶୀର୍ଷକ ଏହି କାର୍ଯ୍ୟକ୍ରମରେ କଂଗ୍ରେସ ଯୁବରାଜ ତଥା ଅଧ୍ୟକ୍ଷ ରାହୁଲଙ୍କୁ ଆରଏସଏସର ନିମନ୍ତ୍ରଣ କରିପାରନ୍ତି ନେଇ ଚର୍ଚ୍ଚା ଜୋର ଧରିଛି । ଆରଏସଏସର ପ୍ରଚାର ପ୍ରମୂଖ ଅରୁଣ କୁମାରଙ୍କ କହିବା ମୁତାବକ ସଂଘ ତରଫରୁ ପ୍ରଥମ ଥର ପାଇଁ ଏଭଳି ଏକ ତିନି ଦିନିଆ ସମ୍ମୀଳନୀର ଆୟୋଜନ କରିବା ପାଇଁ ଉଦ୍ୟମ କରୁଛନ୍ତି । ସେଥିରେ ଆରଏସଏସର ମୁଖ୍ୟ ମୋହନ ଭଗବତଙ୍କ ନିଷ୍ପତିକ୍ରମେ ‘ଫ୍ୟୁଚର ଅଫ ଭାରତ ଲେକ୍ଚର ସିରିଜ’ ଶୀର୍ଷକ ରଖାଯାଇଛି । ଏଥିରେ ଦେଶ ଓ ବିଦେଶରୁ ଏବଂ ରାଜନୀତି ପୃଷ୍ଠ ଭୂମିରୁ ଅନେକ ମାନ୍ୟଗଣ୍ୟ ବ୍ୟକ୍ତିଙ୍କୁ ନିମନ୍ତ୍ରଣ କରାଯାଇପାରେ । ତେବେ ରାହୁଲ ଗାନ୍ଧୀଙ୍କ ନିମନ୍ତ୍ରଣ ନେଇ ପ୍ରଶ୍ନର ଉତ୍ତରରେ ସଂଘ ମୁଖ୍ୟପ୍ରଚାରକ ପହିଥିଲେ ଯେ , ଏପର୍ଯ୍ୟନ୍ତ ସେଭଳି କିଛି ନିଷ୍ପତି ନିଆ ଯାଇନାହିଁ ।
ତେବେ ଗତ ଜୁନ ମାସରେ କଂଗ୍ରେସର ବରିଷ୍ଠ ନେତା ତଥା ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ଆରଏସଏସ ସଂଘର କାର୍ଯ୍ୟକ୍ରମରେ ଯୋଗଦେବା ନେଇ ଅନକେ ବିବାଦ ଦେଖାଦେଇଥିଲା । ତେବେ ଏହାକୁ ନେଇ ଆରଏସଏସକୁ ବିଜେପିର ଗୁରୁ ଭାବେ କହି ସମାଲୋଚନା କରିଥିଲେ ରାହୁଲ ଗାନ୍ଧୀ । ଏହାସହ ଲଣ୍ଡନ ଗସ୍ତରେ ମଧ୍ୟ ଯାଇ ଆରଏସଏସକୁ ସମାଲୋଚନା କରିଥିଲେ ରାହୁଲ ଗାନ୍ଧୀ । ଏବେ ରାହୁଲଙ୍କୁ ଆରଏସଏସ ନିମନ୍ତ୍ରଣ ପୁରା ଚର୍ଚ୍ଚାର ବିଷୟ ପାଲଟିଛି ।