ଭାରତରେ ଲକ୍ଷ ଲକ୍ଷ ଲୋକ ଦୈନିକ ଟ୍ରେନରେ ଯାତାୟାତ କରିଥାନ୍ତି । ଯାତ୍ରା ସମୟରେ ବିଭିନ୍ନ ସୁବିଧା ଏବଂ ଅସୁବିଧା ସହ ଯାତ୍ରୀମାନେ ସମ୍ମୁଖ ହୋଇଥାନ୍ତି । ଆପଣ ବି ଯଦି ଏଭଳି କିଛି ସମସ୍ୟାର ସମ୍ମୁଖିନ ହେଉଛନ୍ତି ତେବେ ବର୍ତ୍ତମାନ ଠାରୁ ରିପୋର୍ଟ କରିବା ପାଇଁ ଆପଣଙ୍କୁ ଆଗାମୀ ଷ୍ଟେସନର ଅପେକ୍ଷା କରିବାକୁ ପଡିବ ନାହିଁ । ରେଳବାଇ ତରଫରୁ ଯାତ୍ରୀ ମାନଙ୍କ ସୁରକ୍ଷାକୁ ଆଖି ଆଗରେ ରଖି ଏକ ମୋବାଇଲ୍ ଆପ୍ ଯୋଜନା ଆରମ୍ଭ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଆପ୍ ଅନୁସାରେ ଚଳନ୍ତା ଟ୍ରେନ୍ ରେ ଯାତ୍ରୀମାନଙ୍କ ସହ ଅସଦାଚରଣ,ଚୋରୀ କିମ୍ବା ମାରପିଟ କଲେ ପୀଡିତ ଆପ୍ ସାହାର୍ଯ୍ୟରେ ଅଭିଯୋଗ କରିପାରିବେ । ଅଭିଯୋଗ ପରେ ଏହାକୁ “ଜିରୋ ଏଫଆଇଆର୍” ରେ ସାମିଲ କରି ଆରପିଏଫ୍ ମାମଲାର ତୁରନ୍ତ ଜାଞ୍ଚ୍ କରିବା ଆରମ୍ଭ କରିଦେବ । ଅଭିଯୋଗକୁ “ଜିରୋ ଏଫଆଇଆର୍” ରେ ସାମିଲ କରି ଆରପିଏଫ୍ ମାମଲାର ଜାଞ୍ଚ୍ କରିବ : ଆପଣଙ୍କୁ କହିରଖୁଛୁ କି “ଜିରୋ ଏଫଆଇଆର୍” ବ୍ୟକ୍ତି ନିଜ ଅଭିଯୋଗକୁ ଯେକୌଣସି ପୋଲିସ ଷ୍ଟେସନରେ ଦେଇପାରିବ । ପରବର୍ତ୍ତୀ ସମୟରେ ଏହି ଅଭିଯୋଗ ଉକ୍ତ ପୋଲିସ ଷ୍ଟେସନକୁ ସ୍ଥାନାନ୍ତରିତ କରିଦିଆଯିବ ଯେଉଁଠାରେ ଏହି ଘଟଣା ଘଟିଛି ।
ରେଲୱେ ସୁରକ୍ଷା ବଳର ମହାନିର୍ଦ୍ଦେଶକ ଅରୁଣ କୁମାରଙ୍କ କହିବାନୁସାର ମୋବାଇଲ୍ ଆପ୍ ଦ୍ୱାରା ଅଭିଯୋଗ କରିବାର ପାଇଲଟ୍ ପ୍ରୋଜେକ୍ଟ ମଧ୍ୟପ୍ରଦେଶରେ ପ୍ରଥମରୁ ଚାଲିଆସିଛି । ଖୁବଶୀଘ୍ର ଏହାକୁ ପୁରା ଦେଶରେ ମଧ୍ୟ କାର୍ଯ୍ୟକାରୀ କରାଯିବ । ତାଙ୍କ ମତରେ ଏହି ଆପର ସବୁଠାରୁ ଖାସ୍ କଥା ହେଉଛି ଏହି ଆପ୍ ରେ ଖାଲି ଆରପିଏଫ୍ ନୁହଁ ଜିଆରପି,ଟିଟିଇ ଏବଂ ଟ୍ରେନ୍ କଣ୍ଡକ୍ଟରଙ୍କୁ ବି ଯୋଡା ଯାଇଛି । ତେବେ ଆଗକୁ ଯଦି ଆପଣ ବି ଏଭଳି ଅସୁବିଧାର ସମସ୍ୟା ହେଉଛନ୍ତି ତେବେ ଟିଟି ଆପଣଙ୍କୁ ଏକ ଅଭିଯୋଗ ଫର୍ମ ଦେବେ । ଏହି ଫର୍ମକୁ ପୂରଣ କରିବା ପରେ ଆଗାମୀ ଷ୍ଟେସନରେ ଥବା ଆରପିଏଫ୍ କିମ୍ବା ଜିଆରପି ଯବାନଙ୍କୁ ଦେବାକୁ ପଡିବ । ଏହାପରେ ଆପଣଙ୍କ ଅଭିଯୋଗ ସ୍ୱତଃ ଏଫଆଇଆରରେ ବଦଳିଯିବ । ଏହି ସମ୍ପୁର୍ଣ୍ଣ ପ୍ର୍ରକ୍ରିୟାକୁ ଚାହିଁଲେ ଅଫଲାଇନ୍ ମଧ୍ୟ କରିହେବ ।