ବାରମ୍ବାର ସେଲ୍ଫି ନେଉଥିବା ଓ ଏଡିଟିଙ୍ଗ ଆପ୍ ବ୍ୟବହାର କରୁଥିବା ବ୍ୟକ୍ତି ହୋଇଯାଆନ୍ତୁ ସାବଧାନ , ନଚେତ୍ ଏହି ମାନସିକ ରୋଗର ହୋଇପାରନ୍ତି ଶିକାର
ବାରମ୍ବାର ସେଲ୍ଫି ନେବା ଓ ସୁନ୍ଦର ଦେଖାଯିବା ପାଇଁ ଫିଲ୍ଟର୍ସ ପ୍ରୟୋଗ କରି ଫଟୋର ଏଡିଟିଙ୍ଗ କରିବା କୌଣସି ସଉକ ନୁହେଁ ବରଂ ଏହା ଏବେ ମାନସିକ ରୋଗରେ ପରିଣତ ହେବାକୁ ଯାଉଛି । ଏକ ଗବେଷଣାରୁ ଯାହା ଜଣା ପଡିଛି ସ୍ନାପ ଚାର୍ଟ ଓ ଫେସଟ୍ୟୁନ ଭଳି ଆପକୁ ବ୍ୟବହାର କରି ସୋସିଆଲ ମିଡିଆରେ ଅଧିକ ସୁନ୍ଦର ଦେଖାଯିବାର ନିଶା ଦିନକୁ ଦିନ ବଢିବାରେ ଲାଗିଛି । ବିଶେଷ କରି ଝିଅମାନେ ସୁନ୍ଦର ଦେଖାଯିବା ଫୋବିୟାରେ ଗ୍ରାସିତ ହେଉଛନ୍ତି । ସେମାନେ ସୋଶିଆଲ ମିଡିଆକୁ ହିଁ ସୁନ୍ଦର ଦେଖାଯିବାର ସଠିକ୍ ସ୍ଥାନ ଭାବୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗବେଷଣାରୁ ଯାହା ଜଣାପଡିଛି ଖାସକରି ସେଲ୍ଫିରେ ସୁନ୍ଦର ଦେଖାଯାଉଥିବା ଯୁବପିଢ଼ି ଶାରୀରିକ କୁରୂପତା ସମ୍ବନ୍ଧୀ ମାସନିକ ବିକାର ଶିକାର ହେଉଛନ୍ତି । ଯୁବଗୋଷ୍ଠୀ ପ୍ରଥମେ ସେଲ୍ଫି ନିଅନ୍ତି ଓ ଯଦି ସେମାନଙ୍କୁ ସେଇ ଫଟୋଟି ପସନ୍ଦ ନହୁଏ, ତେବେ ଏଡିଟିଙ୍ଗ ଆପ୍ ଜରିଆରେ ନିଜ ଲୁକକୁ ଅଧିକ ସୁନ୍ଦର କରିବା ପାଇଁ ଚେଷ୍ଟା କରନ୍ତି । ବାରମ୍ବାର ଫଟୋରେ ସୁନ୍ଦର ଦେଖାଯିବା ନଯିବାରୁ ଲୋକମାନେ ପ୍ଲାଷ୍ଟିକ୍ ସର୍ଜରୀ ଓ ଅନ୍ୟ ଥେରାପି ଆଡକୁ ମୁହାଁଉଛନ୍ତି । ମୋଟ୍ ଜନସଂଖ୍ୟାର ପାଖାପାଖି ୨ ପ୍ରତିଶତ ଲୋକ ଏବେ ଏହି ରୋଗର ଶିକାର ହେଉଛନ୍ତି ।
ବାରମ୍ବାର ନିଜ ଫଟୋ ବଦଳାଇବା ଏବଂ ହାବଭାବ ବଦଳାଇ ଫଟୋ ଅପଲୋଡ କରୁଥିିବା ଝିଅମାନେ ସାଧାରଣତଃ ଭାବନ୍ତି କି ସୋଶିଆଲ ମିଡିଆରେ ସୁନ୍ଦର ଦେଖାଯିବା ହିଁ ବାସ୍ତବିକ ସୁନ୍ଦରତା । ଅନୁସନ୍ଧାନରେ ସାମିଲ କରାଯାଇଥିବା ୫୫ ପ୍ରତିଶତ ପ୍ଲାଷ୍ଟିକ ସର୍ଜନଙ୍କ କହିବାନୁସାରେ, ତାଙ୍କ ପାଖକୁ ସୁବଠାରୁ ଅଧିକ ଏମିତି ରୋଗୀ ଆସନ୍ତି, ଯେଉଁମାନେ ସେଲ୍ଫିରେ ସୁନ୍ଦର ଦେଖାଯିବାକୁ ଚାହାଁନ୍ତି ।
ପ୍ରାୟତଃ ଅଧିକାଂଶ ଲୋକମାନେ ସ୍ନାପଚାର୍ଟ ଡିସ୍ମୋର୍ଫିୟା ର ଶିକାର ହେଉଛନ୍ତି । ସେମାନେ ଭିନ୍ନ ଭିନ୍ନ ଲୁକରେ ସୁନ୍ଦର ଦେଖାଯିବା ପାଇଁ ସର୍ଜରୀ କରୁଛନ୍ତି । ଏହାର ସମାଧାନ ସର୍ଜରୀ ନୁହଁ ଓ ଏହା ଦ୍ୱାରା ଆପଣଙ୍କ ଲୁକ୍ ଅଧିକ ଖରାପ ହେବାର ବିପଦ ରହିଛି । ଏଭଳି ଲୋକମାନଙ୍କୁ ସର୍ଜରୀ ପରିବର୍ତ୍ତେ ମନୋଚିକିତ୍ସକଙ୍କ ପରାମର୍ଶ ଗ୍ରହଣ କରିବା ଉଚିତ୍ ।