ରାୟଗଡାର ଲାକୁବାଡି ଗ୍ରାମବାସୀମାନେ ପ୍ରଧାନମନ୍ତ୍ରୀଙ୍କ ସହ ଭିଡିଓ କନଫରେନ୍ସିଂରେ କଥାହୋଇ ଜାହିର କଲେ ଖୁସି ! ବିଜୁଳି ସଂଯୋଗ ହୋଇଥିବାରୁ ଧନ୍ୟବାଦ ଦେଲେ ପ୍ରଧାନମନ୍ତ୍ରୀଙ୍କୁ
କନକ ବ୍ୟୁରୋ : ସାରା ଦେଶରେ ଲୋକମାନଙ୍କୁ ବିଜୁଳି ଯୋଗାଇ ଦିଆଯିବ ବୋଲି ପ୍ରତିଶୃତି ଦେଇଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ତେବେ ନିଜ ପ୍ରତିଶୃତି ମୁତାବକ ଧିରେ ଧିରେ ସମସ୍ତ ଗ୍ରାମାଞ୍ଚଳରେ ବିଦ୍ୟୁତ ଯୋଗାଇ ଦେଉଛନ୍ତି କେନ୍ଦ୍ର ସରକାର । ଓଡିଶାରେ ଅନେକ ବର୍ତ୍ତମାନ ସମୟରେ ଅନେକ ଗ୍ରାମ ରହିଛି ଯେଉଁଠାରେ ବିଜୁଳି ସଂଯୋଗ କରାଯାଇ ନାହିଁ । ତେବେ ମୋଦି ରାୟଗଡାର ଲାକୁବାଡି ଗ୍ରାମରେ ବିଦ୍ୟୁତ ସଂଯୋଗ କରାଯାଇଥିବା ଲୋକମାନଙ୍କ ସହ କଥାବାର୍ତ୍ତା ହୋଇଥିବା ସୂଚନା ମିଳିଛି । ସବୁଠାରୁ କୈାତୁହଳ କଥା ଗ୍ରାମରେ ବିଜୁଳି ସଂଯୋଗ ହେବା ପରେ ମୋଦି ଗ୍ରାମବାସୀଙ୍କ ସହ ଭିଡିଓ କନଫେରେନ୍ସିଂ ମାଧ୍ୟମରେ ୧୫ ମିନିଟ କଥା ହେବା ସହ ସେମାନଙ୍କ ସୁବିଧା ଅସୁବିଧା ପଚାରି ବୁଝିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରାୟଗଡା ଜିଲ୍ଳା ସଦର ବ୍ଳକ ଗୁମ୍ମା ପଂଚାୟତର ଲାକୁବାଡି ଗ୍ରାମରେ ଗତ ୨୦୧୬ ମସିହା ଅଗଷ୍ଟ ମାସରେ ଦୀନଦୟାଲ ଉପାଧ୍ୟାୟ ଗ୍ରାମ୍ୟ ଜ୍ୟୋତି ଯୋଜନାରେ ଗ୍ରାମର ୩୫ ଘରକୁ ବିଦ୍ୟୁତ ସଂଯୋଗ କରାଯାଇଥିଲା । ବିଦ୍ୟୁତ ସଂଯୋଗ ପରେ ଘର ଆଲୋକିତ ହେବା ସହ ମୋବାଇଲ ଚାର୍ଜ,ଟିଭି ଦେଖିବା ଆଦି ବିଭିନ୍ନ ସୁବିଧାର ପାଇ ପାରିଛନ୍ତି ଗ୍ରାମବାସୀ । ଯାହା ସେମାନେ ଆଜି ଏନଆଇସି କେନ୍ଦ୍ରରେ ଭିଡିଓ କନଫ୍ରେସିଂ ମାଧ୍ୟମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଜଣାଇଥିଲେ । ଏହି ଅବସରରେ ପ୍ରଧାନମନ୍ତ୍ରୀ ଶ୍ରୀ ମୋଦି ନିଜ ସରକାରଙ୍କ ଜନହିତକର ଯୋଜନା ଲୋକଙ୍କ ସୁବିଧା ପାଇଁ ପ୍ରଣୟନ ହେଉଥିବା ପ୍ରକାଶ କରିଛନ୍ତି ।