ପାକିସ୍ତାନର ପୋଲ ଖୋଲିଲା ଖୋଦ୍ ଜୈସର ମୁଖ୍ୟ! ଅଡିଓ ଟେପ୍ ଜାରି କରି ଅଜହର କହିଲା, ଏୟାରଷ୍ଟ୍ରାଇକର ପୂରା କାହାଣୀ

ଦେଶ ବିଦେଶ
By smruti sangita giri
1,367

ପିଓକେରେ ଭାରତର ଅତର୍କିତ ଆକ୍ରମଣକୁ ସ୍ପଷ୍ଟ କରିଛି ଖୋଦ୍ ଆତଙ୍କୀ ସଂଗଠନ ଜୈସ-ଏ- ମୋହମ୍ମଦର ମୁଖ୍ୟ ମସୁଦ ଅଜହର । ଜାତୀୟ ଗଣମାଧ୍ୟମରେ ପ୍ରକାଶିତ ଖବର ଅନୁସାରେ, ବାଲାକୋଟରେ ଭାରତର ଏୟାରଷ୍ଟ୍ରାଇକକୁ ନେଇ ଜୈସର ମୁଖିଆ ମସୁଦ ଅଜହର ଜାରି କରିଥିବା ଏକ ଅଡିଓ ଟେପ  ବର୍ତ୍ତମାନ ସାମନାକୁ ଆସିଛି । ଯେଉଁଥିରେ ଖୋଦ୍ ମସୁଦ ଏକଥା ସ୍ୱୀକାର କରିଛି କି,   ଭାରତୀୟ ବାୟୁ ସେନା ତାର ଆତଙ୍କୀ ଆଡ୍ଡାଗୁଡିକ ଉପରକୁ ବୋମାବର୍ଷଣ  କରିଛି । ଯେଉଁଥିରେ ତାର ବହୁ ଶକ୍ତିଶାଳୀ କମାଣ୍ଡରମାନେ ନିହତ ହୋଇଥିବା ମସୁଦ କହିଛି । ତେବେ ଏହା ସ୍ପଷ୍ଟ ହୋଇଛି କି ଭାରତର ଆକ୍ରମଣରେ ପାକିସ୍ତାନର କୌଣସି ପ୍ରଭାବ ପଡିନଥିବା ନେଇ  ପାକିସ୍ତାନ ପକ୍ଷରୁ ବାରମ୍ବାର ଯୁକ୍ତି କରାଯାଉଥିବା ବେଳେ ଏହି ଅଡିଓ ଟେପ ପ୍ରମାଣ କରିଛି କି ବାସ୍ତବରେ ପୁଲଓାମା ଆକ୍ରମଣର ବଦଲା ନେଇଛି ଭାରତ ।

 

ସୂଚନା ମୁତାବର, ଏହି ଆକ୍ରମଣ ପରେ ମସୁଦ ଅଜହରର ପରିବାରର ଅନେକ ସଂପର୍କିୟ କେଉଁଆଡେ ଗାଏବ ହୋଇଯାଇଛନ୍ତି । କୁହାଯାଉଛି କି, ଏହି ଆକ୍ରମଣରେ ମସୁଦର ଦୁଇ ଭାଇ ନିହତ ହୋଇଛନ୍ତି, ଯେଉଁମାନେ କି ବୋମାମାଡ ସମୟରେ ଆତଙ୍କୀ ଶିବିରରେ ଉପସ୍ଥିତ ଥିଲେ । ଏଠାରେ ଆମ କହି ରଖିଛୁ କି,  ମଙ୍ଗଳବାର ବଡି ଭୋରୁ ଭାରତୀୟ ସେନାର ଲଡାକୁ ବିମାନ ପିଓକେରେ ପଶି ଜୈସ-ଏ-ମୋହମ୍ମଦର ସବୁଠାରୁ ବଡ ପ୍ରଶିକ୍ଷଣ ଶିବିର ଉପରକୁ ଆକାଶ ମାର୍ଗରୁ ଆକ୍ରମଣ କରି ଜାଳି ପୋଡି ପାଉଁଶ କରିପକାଇଛି । ଏହି ଆକ୍ରମଣରେ ଜୈସର ବହୁ ସଂଖ୍ୟକ ଆତଙ୍କବାଦୀ , ପ୍ରଶିକ୍ଷକ ଏବଂ ବରିଷ୍ଠ କମାଣ୍ଡର ନିହତ ହୋଇଥିବା ସୂଚନା ମିଳିଛି ।

ଉଲ୍ଲେଖ ଥାଉ କି,  ଉରୀ ଆତଙ୍କବାଦୀ ହମଲାର ୨ବର୍ଷ ପରେ କାଶ୍ମୀରରେ ବଡ ଧରଣର ଆତଙ୍କୀ ହମଲା ସାରାଦେଶକୁ ଦୋହଲାଇ ଦେଇଥିଲା । ୧୪ ଫେବୃଆରୀରେ ଜାମ୍ମୁରୁ ଶ୍ରୀନଗର ଯାଉଥିବା ସିଆରପିଏଫ ଦଳ ଉପରେ ଅଚାନକ ହମଲା କରିଥିଲେ ଆତଙ୍କବାଦୀ । ଏଥିରେ ୪୦ଜଣ  ଯବାନ ସହିଦ ହୋଇଥିବା ବେଳେ ଅନେକ ଗୁରୁତର ଭାବେ ଆହତ ହୋଇଥିଲେ ।  ତେବେ ଆତଙ୍କି ସଂଗଠନ ଜୈସ-ଇ-ମହମ୍ମଦ ଏହି ଆକ୍ରମଣ ପାଇଁ ନିଜକୁ ଦାୟୀ କରିଥିଲା । ଏନେଇ ଜୈସ-ଇ-ମହମ୍ମଦ ପକ୍ଷରୁ ଏକ ଭିଡିଓ ମଧ୍ୟ ଜାରି କରାଯାଇଥିଲା ।

ସମ୍ବନ୍ଧିତ ଖବର More from author